ម្ហូបពិសេសប្រចាំត្រកូល «ឆាដើមក្រវ៉ាញជាមួយសាច់» បានភ្លក់រសជាតិឫនៅ?
- ប៉ៃលិន
ខេត្តប៉ៃលិន ៖ បើភ្ញៀវទេសចរដែលធ្វើដំណើរមកពីតាមណ្តាខេត្តនានា ដូចជា ខេត្តបាត់ដំបង បន្ទាយមានជ័យ ខេត្តពោធិ៍សាត់ សៀមរាប កំពង់ធំ កំពង់ចាម…
ខេត្តប៉ៃលិន ៖ បើភ្ញៀវទេសចរដែលធ្វើដំណើរមកពីតាមណ្តាខេត្តនានា ដូចជា ខេត្តបាត់ដំបង បន្ទាយមានជ័យ ខេត្តពោធិ៍សាត់ សៀមរាប កំពង់ធំ កំពង់ចាម…
ខេត្តប៉ៃលិន ៖ បើភ្ញៀវទេសចរដែលធ្វើដំណើរមកពីតាមណ្តាខេត្តនានា ដូចជា ខេត្តបាត់ដំបង បន្ទាយមានជ័យ ខេត្តពោធិ៍សាត់ សៀមរាប កំពង់ធំ កំពង់ចាម ព្រមទាំងខេត្តផ្សេងៗ ជាពិសេសភ្ញៀវទេសចរដែលមកពីរាជធានីភ្នំពេញ ដែលចូលមកលេងក្នុងខេត្តប៉ៃលិន សូមកុំភ្លេចកុម្មង់ទិញម្ហូបប្រចាំត្រកូល ព្រោះម្ហូបទាំងអស់នេះ ពិតជាមានរសជាតិឈ្ងុយឆ្ងាញ់ និងប្លែកមាត់ថែមទៀតផង ។
បើតាមការរៀបរាប់ពីស្ត្រីម្នាក់ឈ្មោះ ទិត្យ ផល្លា ហៅមួច អាយុ៥០ឆ្នាំ ជាម្ចាស់រមណីយដ្ឋានចំការខ្នុរ និងឈ្មោះ សត្យា ភេទប្រុស ជាមេការប្រចាំរមណីយដ្ឋានទឹកធ្លាក់ភ្នំខៀវ និង ម្ចាស់ខ្យុសចៅចិត្ត១ និងចៅចិត្រ២ រស់នៅក្នុងក្រុងប៉ៃលិន បានរៀបរាប់ឱ្យដឹងដូចៗគ្នាថា នៅក្នុងកន្លែងរបស់ពួកគាត់មានធ្វើម្ហូបជាច្រើនមុខ ដូចជា ឆាគ្រឿងសាច់ជ្រូក ឆាសាច់មាន់ សាច់ទា ស្លតុងយ៉ាំ សម្លម្ជូរដើមចេកព្រៃ លាយជាមួយសាច់ជ្រូក សាច់ត្រី និងឆាក្តៅជាដើម ។
ប្រភពបន្តទៀតថា តែម្ហូបដែលល្បីប្រចាំរមណីយដ្ឋាន ដែលចាត់ទុកថា ជាម្ហូបប្រចាំត្រកូលរបស់អ្នករស់នៅក្នុងខេត្តប៉ៃលិន គឺឆាដើមក្រវ៉ាញសាច់មាន់ សាច់ទា សាច់ជ្រូក និងសាច់គោ ជាដើម ។ មុខម្ហូបមួយនេះ មានរសជាតិខុសប្លែកពីម្ហូបដទៃទៀតនៅក្នុងខេត្តប៉ៃលិន ដោយសារតែគេយកដើមក្រវ៉ាញដែលមានក្លិនឈ្ងុយដូចជាក្លិនរំដេង តែមិនហាងនោះឡើយ ងាយស្រួលទទួលទាន ទោះជាឆៅ ឬឆ្អិន ក៏គេអាចហូបជាមួយបន្លែ១មុខនេះបាន ពោលគឺហូបទៅមានរសឆ្ងាញ់តែម្តង ។
គាត់បញ្ជាក់ទៀតថា នៅមានម្ហូបមួយមុខទៀត ដែលឆ្ងាញ់ ហើយភ្ញៀវទេសចរក៏ធ្លាប់កុម្មង់ទិញហូបជួបជុំក្រុមគ្រួសារផងដែឬ គឺម្ហូបសម្លម្ជូរដើមចេកព្រៃ ជាមួយត្រីស្រែ ឬសាច់ជ្រូក សាច់មាន់ សាច់ទាក៏បានដែរ ។
ចំណែកឯប្រជាពលរដ្ឋរស់នៅក្នុងខេត្តប៉ៃលិន ក៏ដូចជាភ្ញៀវទេសចរដែលធ្វើដំណើរទៅលេងកំសាន្តនៅតាមរមណីយដ្ឋាន ក៏តែងពោលសរសើរម្ហូបដើមក្រវ៉ាញ និងសម្លម្ជូរដើមចេកព្រៃថា ជាមុខម្ហូបមានរសជាតិខុសប្លែកពីម្ហូបដទៃទៀត ។ ពួកគាត់ម្នាក់ៗមិនភ្លេចកុម្មង់ទិញម្ហូបទាំងពីរមុខនេះឡើយ ទោះបីជានាំគ្នាទិញម្ហូបអាហារផ្សេងៗទៀត ក៏នៅតែឆ្លៀតឱ្យគេដាក់ម្ហូបទាំងពីរមុខនេះ សម្រាប់ជួបជុំគ្រួសារ ។
ដូច្នេះ បើសិនជាភ្ញៀវដែលមានចំណាប់អារម្មណ៍ចូលមកលេងកម្សាន្តនៅក្នុងខេត្តប៉ៃលិន សូមនឹកឃើញពីម្ហូបទាំងអស់ខាងលើនេះ នៅតាមអាហារដ្ឋាននីមួយៗ ហើយកុម្មង់ទិញទទួលទានចុះមិនថ្លៃនោះទេ ព្រោះជាម្ហូបបន្លែធម្មជាតិសុទ្ធសាធ គ្មានសារធាតុគីមីនោះឡើយ ព្រោះប្រជាពលរដ្ឋកាត់ចុះពីតាមព្រៃភ្នំខៀវ ក្នុងខេត្តប៉ៃលិនតែប៉ុណ្ណោះ ៕
ចែករំលែកព័តមាននេះ