រាជធានីភ្នំពេញ ៖ មិនទាន់ដល់ឆ្នាំ២០២១នោះទេ ប៉ុន្តែតារាសម្តែង តារាចម្រៀង និងជាតារាម៉ូដែល កញ្ញា សូដា នីតា ស្រាប់តែមានគម្រោងការងារសិល្បៈជាច្រើនទាំងនៅក្នុងស្រុក និងក្រៅស្រុក ដែលរូបនាងត្រៀមខ្លួននឹងឆាប់យកឱកាសមួយនេះអោយល្អបំផុត ។
ទោះបីវ័យកាន់តែច្រើនមែនពិតតែទីផ្សារសិល្បៈរបស់តារាស្រីជើងចាស់មានកម្ពស់ខ្ពស់ស្រឡៈសមជាតារាម៉ូដែលពិតៗនេះ នៅតែក្តោបណែនពេញដៃ ជាពិសេសនាងប្រកាសថា នឹងមានដំណឹងល្អសម្រាប់រូបនាងនៅឆ្នាំ២០២១ ដែលនឹងឈានចូលមកដល់នាពេលខ្លីខាងមុខដែលមហាជន និងអ្នកគាំទ្រក៏ចង់ដឹងផងដែរថា តើឆ្នាំ២០២១ ខាងមុខនេះ ស្រីស្អាតសាច់ស ម៉ត់ខៃនឹងមានដំណឹងល្អក្នុងន័យកសាងគ្រួសារ ឬក៏ពាក់ព័ន្ធនឹងការងារសិល្បៈ ឬក៏មុខជំនួញអ្វីថ្មីទៅ ។
ជុំវិញចម្ងល់មួយនេះ ត្រូវបានស្រីស្រស់ សូដា នីតា បញ្ជាក់ថា នៅក្នុងឆ្នាំ២០២១ខាងមុខនេះនាងពិតជាមានដំណឹងល្អពិតមែន ហើយក៏បានព្រមព្រៀងគ្នាផងដែរដែរ តែនោះមិនមែនពាក់ព័ន្ធនឹងការរៀបចំគូជីវិតស្នេហាអ្វីនោះទេ តែនោះ គឺរូបនាងនឹងមានគម្រោងចេញទៅសម្តែងនៅឯក្រៅប្រទេស គឺទៅសម្តែងនៅទឹកដីមហាអំណាច សហរដ្ឋាអាមេរិក ដែលតារាស្រីរូបនេះ បាននិយាយជាមួយគេ (អ្នករៀបចំកម្មវិធី) រួចមកហើយ និងចាំតែដល់ថ្ងៃដែលត្រូវចេញទៅសម្តែងតែប៉ុណ្ណោះ ។
គួរបញ្ចាក់ផងដែរថា បើទោះបីជាមានអាយុ៣៩ឆ្នាំ ក៏ដោយ ក៏សូដា នីតា នៅតែស្រស់ស្អាត និងការលែងខ្លួនទាក់ទាញមិនចាញ់តារាស្រីក្មេងៗនោះទេ រីឯចំពោះរឿងស្នេហាវិញរូបនាងហាក់មិនសូវខ្វល់ខ្វាយ ក្រោយពីមានបុរសជាច្រើនតាមញ៉ែញងរូបនាង នេះក៏ព្រោះតែរូបនាងធ្លាប់ជួបប្រទេះស្នេហាមិនសមបំណងពីមុនមក ទើបនាងហាក់មិនទាន់បើកចំហរបេះដូងទទួលយកសុភាពបុរសណាម្នាក់នាពេលនេះ ៕
ចែករំលែកព័តមាននេះ