លោកមហាសេដ្ឋីអ៊ីឡុន ម៉ាស (Elon Musk) ត្រូវបានលើកកម្ពស់ជាអាជីវករដែលនាំមុខផ្នែកនវានុវត្តន៍ និងនាំយកការផ្លាស់ប្តូរក្នុងវិស័យផ្សេងៗ ដែលបានចាប់ផ្តើមពីមនុស្សម្នាក់ដែលមិនដឹងអ្វីទាល់តែសោះពីការផលិតរថយន្ត មកក្លាយជាម្ចាស់ក្រុមហ៊ុនផលិតយានយន្តដ៏ធំមួយក្នុងរយៈពេល ១៦ឆ្នាំ។ ប៉ុន្តែលោកមិនត្រឹមតែជាមនុស្សដែលរៀនបានលឿនដែលបានសហការជាមួយនឹងក្រុមហ៊ុន…
លោកមហាសេដ្ឋីអ៊ីឡុន ម៉ាស (Elon Musk) ត្រូវបានលើកកម្ពស់ជាអាជីវករដែលនាំមុខផ្នែកនវានុវត្តន៍ និងនាំយកការផ្លាស់ប្តូរក្នុងវិស័យផ្សេងៗ ដែលបានចាប់ផ្តើមពីមនុស្សម្នាក់ដែលមិនដឹងអ្វីទាល់តែសោះពីការផលិតរថយន្ត មកក្លាយជាម្ចាស់ក្រុមហ៊ុនផលិតយានយន្តដ៏ធំមួយក្នុងរយៈពេល ១៦ឆ្នាំ។
ប៉ុន្តែលោកមិនត្រឹមតែជាមនុស្សដែលរៀនបានលឿនដែលបានសហការជាមួយនឹងក្រុមហ៊ុន ដែលមានបច្ចេកវិទ្យាដែល Tesla មិនមានទេ។ បច្ចុប្បន្ននេះ លោកម៉ាស និងក្រុមការងាររបស់លោកកំពុងតែត្រៀមខ្លួនសម្រាប់រៀបចំគម្រោងការបន្ទាប់ដើម្បីធ្វើឲ្យក្រុមហ៊ុនក្លាយជាក្រុមហ៊ុនដែលពឹងផ្អែកលើអ្នកផ្គត់ផ្គង់តិចជាងមុន។
អតីតបុគ្គលិកថ្នាក់នាយកម្នាក់របស់ Tesla បានប្រាប់ថា លោកម៉ាស់មិនចង់ឲ្យផ្នែកណាមួយនៃអាជីវកម្មរបស់លោកពឹងផ្អែកលើនរណាម្នាក់ទេ។ លើសពីនេះទៅទៀត លោកភាគច្រើនគិតថាលោកអាចធ្វើវាបានល្អ លឿន និងក្នុងតម្លៃទាបជាងអ្នកដទៃផងដែរ។
បច្ចុប្បន្ននេះ Tesla មានការសហការជាមួយក្រុមហ៊ុន Panasonic, LG Chem និង Contemporary Amperex Technology Co Ltd សម្រាប់ការផលិតថ្មរថយន្តអគ្គិសនីរបស់ខ្លួន។ ប៉ុន្តែជាមួយគ្នានេះដែរ Tesla កំពុងតែប្តូរទៅគ្រប់គ្រងផលិតកម្មផ្នែកមួយទៀតនៃកញ្ចប់ថ្មសម្រាប់រថយន្តអគ្គិសនីដោយខ្លួនឯង។
បុគ្គលិកដែលយល់ដឹងពីយុទ្ធសាស្ត្ររបស់ Tesla បាននិយាយថា តាំងពីលោកម៉ាសចេញមុខគ្រប់គ្រងក្រុមហ៊ុនក្នុងឆ្នាំ ២០០៤ មក គោលដៅរបស់លោកគឺធ្វើយ៉ាងដូចម្តេចដើម្បីរៀនពីការសហការ ការទិញ និងបុគ្គលិករបស់ខ្លួនឲ្យបានគ្រប់គ្រាន់ដើម្បីនាំយកបច្ចេកវិទ្យាសំខាន់ៗមកឲ្យ Tesla គ្រប់គ្រង។
ប៉ុន្តែការសហការមួយចំនួនមិនបានជោគជ័យទេ ដូចជាការសហការជាមួយ Mobileye ដែលជាក្រុមហ៊ុនផលិត Sensor ជាដើម។ នៅឆ្នាំ ២០១៦ ក្រុមហ៊ុនទាំងពីរបានកាត់ផ្តាច់ការសហការបន្ទាប់ពីអ្នកបើកបរម្នាក់បានបាត់បង់ជីវិតពេលដែលប្រើប្រាស់ប្រព័ន្ធបើកបរដោយស្វ័យប្រវត្តិរបស់ Model S។
ក្រៅពីនេះហើយ លោកបានទិញក្រុមហ៊ុនជាច្រើនដូចជា Grohmann, Perbix, Riviera, Compass, និង Hibar Systems ដែលបានជួយ Tesla ក្នុងការក្លាយជាអ្នកជំនាញផ្នែកស្វ័យប្រវត្តិកម្មក្នុងការបើកបរ ៕
ចែករំលែកព័តមាននេះ