មនុស្សដែលឆ្លាតវាងវៃក្នុងថ្នាក់រៀន និងមនុស្សដែលឆ្លាតវាងវៃក្នុងសង្គមគឺមិនដូចគ្នាទេ។ មនុស្សម្នាក់ដែលទទួលបានពិន្ទុខ្ពស់លើគ្រប់ក្រដាសប្រឡងនៅសាលារៀននៅតែអាចជួបទុក្ខលំបាកក្នុងជីវិតដែរ។ ដូច្នេះពិន្ទុក្នុងការសិក្សាគឺមិនគ្រប់គ្រាន់ក្នុងការបង្ហាញអ្នកដទៃថាអ្នកជាមនុស្សដែលឆ្លាតវៃឡើយ។
សម្រាប់លោកមហាសេដ្ឋីជេហ្វ បេសូស (Jeff Bezos) ដែលជាបុរសដែលមានជាងគេលើលោក ភាពឆ្លាតវៃកើតចេញពីសមត្ថភាពក្នុងការផ្លាស់ប្តូរគំនិតច្រើនដង។ លោកមហាសេដ្ឋីអ៊ីឡុន ម៉ាស (Elon Musk) គិតថាវាទាក់ទិននឹងជំនាញ។ ប៉ុន្តែសម្រាប់លោកស្ទីវ ចបស៍ (Steve Jobs) របស់ Apple វិញ លោកគិតថាភាពឆ្លាតវៃមិនកើតមានពីការមានជំនាញតែផ្នែកណាមួយទេ តែវាទាក់ទងទៅនឹងការតភ្ជាប់រវាងជំនាញខុសៗគ្នា។
លោកបានបកស្រាយថា «វាទាក់ទងទៅនឹងសមត្ថភាពក្នុងការបង្រួមរូបភាពឲ្យតូច ដូចពេលដែលអ្នកនៅក្នុងទីក្រុងមួយ ហើយអ្នកមើលចុះទៅក្រោមពីជាន់ទី ៨០។ ខណៈដែលមនុស្សដទៃព្យាយាមរកវិធីដើម្បីចេញពី ក ទៅ ខ ដោយព្យាយាមមើលផែនទីឆ្គួតៗ មនុស្សដែលឆ្លាតវៃអាចមើលឃើញផ្លូវនៅពីមុខតែម្តង។»ប៉ុន្តែតើអ្នកត្រូវធ្វើយ៉ាងដូចម្តេចទើបអាចមើលទៅស្ថានការណាមួយពីលើចម្ងាយ? លោកចបស៍បានប្រាប់មកថា អ្នកត្រូវតែព្យាយាមមើលទៅពិភពលោកក្នុងវិធីដែលថ្មីៗ ។
លោកបានបកស្រាយថា «អ្នកមិនត្រូវមានបទពិសោធន៍ដូចអ្នកដទៃទេ បើមិនដូច្នេះទេ អ្នកនឹងតភ្ជាប់ចេញលទ្ធផលដូចគ្នា ហើយអ្នកមិនអាចសម្រេចបានអ្វីដែលថ្មីឡើយ។»
វាមានន័យថាអ្នកត្រូវតែរៀនផ្សំជំនាញ និងបទពិសោធន៍ដែលមិនពាក់ព័ន្ធនឹងគ្នាដែលអនុញ្ញាតឲ្យអ្នកមើលទៅបញ្ហាអ្វីមួយបានធំទូលាយជាងមុន និងអាចនឹកឃើញដំណោះស្រាយថ្មីៗសម្រាប់បញ្ហាទាំងនោះ។
អ្នកវិទ្យាសាស្ត្រក៏យល់ស្របនឹងលោកចបស៍ដែរថា ការមិនមានភាពចម្រុះក្នុងជីវិតអាចដាក់កំហិតលើភាពឆ្លាតវៃ និងភាពច្នៃប្រឌិតរបស់អ្នក។អ្នកមិនមានឱកាសច្រើនក្នុងការគិតឃើញអ្វីដែលថ្មីទេប្រសិនបើអ្នកមានចំណាប់អារម្មណ៍ដួចអ្នកដទៃដែលនៅជុំវិញអ្នកដែរ។ ប៉ុន្តែមនុស្សជាច្រើនបានមើលរំលងចំណុចនេះ និងព្យាយាមសម្របខ្លួនទៅតាមគំរូដែលមានស្រាប់ក្នុងសង្គម ៕
ចែករំលែកព័តមាននេះ