ប្រទេសបារាំង ៖ ប្រធានាធិបតីបារាំងលោកអេមម៉ានុយអែលម៉ាក្រុង ថ្លែងកាលពីថ្ងៃទី២២កញ្ញាថា នយោបាយគាបសង្កត់ខ្លាំងបំផុតរបស់អាមេរិក ចំពោះអ៊ីរ៉ង់សម្រាប់ពេលនេះជាបរាជ័យមួយ។ លោកក៏បដិសេធដែរមហិច្ឆិតា របស់រដ្ឋការអាមេរិក ជម្រុញថែមទៀតទណ្ឌកម្មអន្តរជាតិប្រឆាំងប្រទេសនោះ ។
លោកម៉ាក្រុងក្នុងបទអន្តរាគមន៍ពីចម្ងាយ មុខមហាសន្និបាតអ.ស.ប គូសបញ្ជាក់ថា យុទ្ធសាស្ត្រគាបសង្កត់ខ្លាំងបំផុតដែលមានតាំងពីច្រើនឆ្នាំមកហើយ មកដល់ដំណាក់កាលនេះ នៅមិនទាន់អាចបញ្ចប់បណ្ដាសកម្មភាពបង្កអស្ថេរភាពរបស់អ៊ីរ៉ង់បាន និងថែមទាំងមិនអាចធានាថា អ៊ីរ៉ង់មិនបំពាក់អាវុធនុយក្លេអ៊ែរនៅឡើយ។
ម្យ៉ាងទៀតប្រមុខរដ្ឋបារាំងបានបដិសេធសិទ្ធិរបស់អាមេរិកបង្ខំអ.ស.ប ឲ្យអនុវត្តយន្តការស្ដារឡើងវិញ បណ្ដាទណ្ឌកម្ម ប្រឆាំងអីុរ៉ង់ ដែលគ្រោងដោយកិច្ចព្រមព្រៀងឆ្នាំ២០១៥ ដែលមានជាស្វ័យប្រវត្តិបើអ៊ីរ៉ង់មិនគោរពតាមកិច្ចព្រមព្រៀងនោះដែលអាមេរិកបានដកខ្លួនថយ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ