លោកមហាសេដ្ឋី ប៊ីល ហ្គេតស៍ (Bill Gates) ដែលជាសហស្ថាបនិកក្រុមហ៊ុន Microsoft បានចែករំលែកដល់សាធារណជនពីយុទ្ធសាស្ត្រក្នុងការដឹកនាំដ៏ចម្លែករបស់លោក ដែលបានជួយឲ្យលោកដឹកនាំក្រុមដែលពោរពេញទៅដោយមនុស្សមានសមត្ថភាពដើម្បីកសាង Microsoft។
លោកបានប្រាប់មកថា លោកចូលចិត្តប្រើ ការកើតសរសេរបែបអវិជ្ជមាន។ ចំណុចសំខាន់នៃយុទ្ធសាស្ត្រនេះគឺការបញ្ចុះបញ្ចូលមនុស្សដែលមានទេពកោសល្យ និងសមត្ថភាពថាពួកគេមិនបានធ្វើបានល្អដូចការរំពឹងទុកទេ ខណៈដែលជំរុញទឹកចិត្តពួកគេឲ្យខិតខំបន្ថែម។ មានន័យថា លោកត្រូវតែរួមផ្សំរវាងការរំលឹកដែលមានភាពអវិជ្ជមាន ជាមួយនឹងការកោតសរសើរ។ខាងក្រោមគឺជាគន្លឹះក្នុងការប្រើយុទ្ធសាស្ត្រនេះដោយជោគជ័យ៖
១. ការមានសមត្ថភាព និងជំនឿចិត្តលើខ្លួនឯងខ្ពស់
លោកហ្គេតស៍ជឿជាក់ច្បាស់ណាស់ថាលោកនិងអ្នកដទៃដែលធ្វើការជាមួយលោកគឺស្មើភាពគ្នា។ ហើយសមាជិកក្រុមរបស់អ្នកត្រូវតែមានជំនឿចិត្តលើសមត្ថភាពរបស់ពួកគេខ្ពស់ ខណៈដែលគោរពសមត្ថភាពរបស់អ្នកដែរដើម្បីអនុញ្ញាតឲ្យពួកគេស្តាប់អ្នក។
២. បកស្រាយពីគោលដៅឲ្យបានច្បាស់លាស់
អ្វីដែលសំខាន់ដែលអ្នកដឹកនាំត្រូវតែប្រាប់ដល់ក្រុមការងាររបស់ពួកគេគឺគោលដៅដែលច្បាស់លាស់មួយ ហើយការកោតសរសើរបែបអវិជ្ជមានអាចមានប្រសិទ្ធភាពបានលុះត្រាតែអ្នកដឹកនាំអាចបកស្រាយគោលដៅទាំងនោះឲ្យបានច្បាស់ ទាំងគោលដៅរយៈពេលខ្លី និងវែង។ ឧទាហរណ៍ដូចជា ការសម្រេចផលិតកម្មនៃផលិតផល ក នៅចុងឆ្នាំ ឬបង្កើនការលក់ឲ្យបាន ២០% ក្នុងខែថ្មីជាដើម។
៣. រកមើលការប្រកួតប្រជែង
ការកោតសរសេរបែបអវិជ្ជមានគឺជាគំរូនៃការដឹកនាំដែលមានភាពប្រកួតប្រជែងមួយ។ វាទាមទារឲ្យមនុស្សមានដៃគូប្រកួតប្រជែងដែលពួកគេចង់ឈ្នះ។ ដូច្នេះអ្នកដឹកនាំត្រូវតែកំណត់ដៃគូប្រកួតប្រជែងទាំងក្នុងក្រុមហ៊ុន និងក្រៅក្រុមហ៊ុនដើម្បីជំរុញទឹកចិត្តសមាជិកក្រុមឲ្យហ៊ានធ្វើអ្វីគ្រប់បែបយ៉ាងដើម្បីសម្រេចបានគោលដៅ ៕
ចែករំលែកព័តមាននេះ