ប្រទេសលីបង់ ៖ ការផ្ទុះដ៏ខ្លាំងមួយកើតមានកាលពីថ្ងៃទី២២ ខែកញ្ញា ឆ្នាំ២០២០ ក្នុងអគារមួយរបស់ពួកហេសប៊ុលឡាហ៍ ស្ថិតនៅច្រកចូលនៃភូមិមួយ នាភាគខាងត្បូងលីបង់នាំឲ្យមានពពកផ្សែងយ៉ាងក្រាស់ហុយឡើងលើ។ ពលរដ្ឋម្នាក់នៃភូមិAIN QANAលើកឡើងពីផ្ទះមួយ…
ប្រទេសលីបង់ ៖ ការផ្ទុះដ៏ខ្លាំងមួយកើតមានកាលពីថ្ងៃទី២២ ខែកញ្ញា ឆ្នាំ២០២០ ក្នុងអគារមួយរបស់ពួកហេសប៊ុលឡាហ៍ ស្ថិតនៅច្រកចូលនៃភូមិមួយ នាភាគខាងត្បូងលីបង់នាំឲ្យមានពពកផ្សែងយ៉ាងក្រាស់ហុយឡើងលើ។
ពលរដ្ឋម្នាក់នៃភូមិAIN QANAលើកឡើងពីផ្ទះមួយ ដែលយកធ្វើជាការិយាល័យរបស់ពួកហេសប៊ុលឡាហ៍ ដោយបញ្ជាក់ថា បណ្ដាសមាជិករបស់ចលនាស៊ីអ៊ីតលីបង់នោះ បានឡោមព័ទ្ធតំបន់នោះមិនឲ្យមនុស្សចូល។ ពួកអ្នកភូមិនិយាយថា ភូមិទាំងមូល បានញ័រកក្រើកដោយសារការផ្ទុះដែលបំផ្លាញសម្ភារនានា។
តាមព័ត៌មានដំបូងៗថានោះពិតជាទីតាំងមួយរបស់ពួកហេសប៊ុលឡាហ៍ ដែលមានស្តុកគ្រាប់រំសេវ។ កងទ័ពលីបង់អះអាងថា បានបញ្ជូនកងទាហានទៅកាន់ទីនោះ ហើយជម្រុញការស៊ើបអង្កេតលើមូលហេតុនៃការផ្ទុះ។
យោងតាមទីភ្នាក់ងារព័ត៌មានលីបង់ANIថាការផ្ទុះដែលមិនទាន់ដឹងពីមូលហេតុ កើតមានជួនពេលគ្នានឹងការហោះក្រឡឹងរបស់យន្តហោះសត្រូវ សំដៅលើអ៊ីស្រាអែលចាប់តាំងពីព្រឹកមក៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ