ប្រទេសរុស្ស៊ី ៖ ក្នុងសុន្ទរកថារបស់លោកនាឱកាសមហាសន្និបាតអ.ស.ប ប្រធានាធិបតីរុស្ស៊ីលោកវ្ល៉ាឌីមៀរពូទីន បានអំពាវនាវឲ្យមានការខិតខំប្រឹងប្រែងរួម ដើម្បីធានាក្នុងពេលដ៏ឆាប់ខាងមុខ ការចែកចាយដោយសេរី វ៉ាក់សាំងប្រឆាំងវីរុសCOVID-19 ចំពោះពលរដ្ឋគ្រប់ប្រទេសទាំងអស់។ ក្នុងសុន្ទរកថានោះថ្លែងកាលពីថ្ងៃទី២២កញ្ញា…
ប្រទេសរុស្ស៊ី ៖ ក្នុងសុន្ទរកថារបស់លោកនាឱកាសមហាសន្និបាតអ.ស.ប ប្រធានាធិបតីរុស្ស៊ីលោកវ្ល៉ាឌីមៀរពូទីន បានអំពាវនាវឲ្យមានការខិតខំប្រឹងប្រែងរួម ដើម្បីធានាក្នុងពេលដ៏ឆាប់ខាងមុខ ការចែកចាយដោយសេរី វ៉ាក់សាំងប្រឆាំងវីរុសCOVID-19 ចំពោះពលរដ្ឋគ្រប់ប្រទេសទាំងអស់។
ក្នុងសុន្ទរកថានោះថ្លែងកាលពីថ្ងៃទី២២កញ្ញា ក្នុងមហាសន្និបាតអ.ស.ប ប្រមុខវិមានក្រឹមឡាំងអះអាងថា វ៉ាក់សាំងជាយថាហេតុមួយ ប្រឆាំងវីរុសនោះ ត្រូវតែទទួលបានលើពិភពលោកទាំងមូលនាពេលខាងមុខដ៏ឆាប់។ រុស្ស៊ីជឿជាក់ថា គេត្រូវប្រើនាពេលនេះរាល់កម្លាំងឧស្សាហកម្មឱសថពិភពលោក ដើម្បីធានាក្នុងពេលដ៏ឆាប់ខាងមុខ ការទទួលបានដោយសេរី វ៉ាក់សាំងមួយ សម្រាប់ពលរដ្ឋរបស់គ្រប់រដ្ឋ។
អង្គការសុខភាពពិភពលោកនិយាយថា ខ្លួនវាយតម្លៃខ្ពស់ ការខិតខំប្រឹងប្រែងរបស់រុស្ស៊ី ដើម្បីផលិតវ៉ាក់សាំងប្រឆាំងវីរុសCOVID-19ឈ្មោះSPOUTNIK V។ លោកពូទីនក៏ស្នើផងដែរ ផ្ដល់ដោយមិនគិតថ្លៃវ៉ាក់សាំងរុស្ស៊ី SPOUTNIK Vចំពោះបណ្ដានិយោជិតរបស់អ.ស.ប។
លោកគូសបញ្ជាក់ថា យើងត្រៀមចែករំលែកបទពិសោធន៍របស់យើង និងបន្តរួមសហការជាមួយគ្រប់រដ្ឋ និងអង្គការអន្តរជាតិ ដែលទាក់ទិនពិសេស ដល់ការផ្គត់ផ្គង់វ៉ាក់សាំងរុស្ស៊ីក្នុងប្រទេសនានា។
វ៉ាក់សាំងរុស្ស៊ី SPOUTNIK Vជាវ៉ាក់សាំងប្រឆាំងវីរុសCOVID-19 ដំបូងគេលើពិភពលោកដែលបានចុះបញ្ជី ដាក់ឲ្យប្រើប្រាស់ខណៈវ៉ាក់សាំងនោះ បានឆ្លងកាត់ ប្រកបដោយជោគជ័យរួចហើយ ដំណាក់កាលសាកល្បងគ្លីនិកលើកទី២ ដោយវាជួយបង្កើតប្រព័ន្ធការពាររាងកាយប្រឆាំងវីរុសនោះ។
ការសាកល្បងដំណាក់កាលទី៣ជាការសាកល្បងលើកចុងក្រោយ កំពុងធ្វើលើមនុស្សប្រមាណជា២.០០០នាក់។ រុស្ស៊ីសន្យាផលិតវ៉ាក់សាំងនេះឲ្យបាន៥០០លានដូសក្នុងឆ្នាំ២០២១ រួចការសាកល្បងវ៉ាក់សាំងនោះ នឹងត្រូវធ្វើក្នុងប្រទេស៥ទៀត៕ ដកស្រង់ចេញពីវេបសាយ ៖ sputniknews
ចែករំលែកព័តមាននេះ