រាជធានីភ្នំពេញ ៖ ក្រសួងអប់រំយុវជ និងកីឡា បានបញ្ជាក់ឲ្យដឹងថា បេក្ខជនដែលចុះ ឈ្មោះប្រឡេងសញ្ញាបត្រទុតិយភូមិ ឬបាក់ឌុប មានជាង១១ម៉ឺននាក់ដែលនឹងចូលរួម ប្រឡងនៅថ្ងៃទី២១…
រាជធានីភ្នំពេញ ៖ ក្រសួងអប់រំយុវជ និងកីឡា បានបញ្ជាក់ឲ្យដឹងថា បេក្ខជនដែលចុះ ឈ្មោះប្រឡេងសញ្ញាបត្រទុតិយភូមិ ឬបាក់ឌុប មានជាង១១ម៉ឺននាក់ដែលនឹងចូលរួម ប្រឡងនៅថ្ងៃទី២១ ខែធ្នូ ឆ្នាំ២០២០ខាងមុខនេះ និងគ្មានឡើយការបន្ធូរដៃចំពោះវិញ្ញាសាប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ដែលនឹងត្រៀមប្រឡងនៅ ថ្ងៃទី២១ ធ្នូ ខាងមុខទេ ។ នេះបើតាមអ្នកនាំពាក្យក្រសួងអប់រំ ។
លោក រស់ សុវាចា អ្នកនាំពាក្យក្រសួងអប់រំ យុវជ និងកីឡា បានឲ្យកោះសន្តិភាពដឹងថា បេក្ខជនដែលដាក់ពាក្យប្រឡងតាមរាជធានីខេត្តទូទាំងប្រទេសមានចំនួន១២១២០១នាក់ ស្រីចំនួន៦៣៩៣៧នាក់ ។
អ្នកនាំពាក្យក៏បានឲ្យដឹងថា ការប្រឡងបាក់ឌុបបានចែកជាពីថ្នាក់ គឺថ្នាក់វិទ្យាសាស្ត្រ និងថ្នាក់វិទ្យាសាស្ត្រសង្គមដោយបេក្ខជនដែលប្រឡងថ្នាក់វិទ្យាសាស្ត្រមានចំនួនសរុបចំនួន៤០៧៦៥នាក់ និងស្រី២៣៦៣៦នាក់ និងបេក្ខជនថ្នាក់វិទ្យាសាស្ត្រសង្គមមានចំនួន៨០៤៣៦នាក់ ។
បើតាមលោកវាចា ក្រសួងបានត្រៀមមណ្ឌលប្រឡងឆ្នាំនេះចំនួន២៤១ មណ្ឌល ដោយ ស្មើ ៤,៨៨៥ បន្ទប់ ។ ក្នុងនោះមណ្ឌលប្រឡងថ្នាក់វិទ្យាសាស្ត្រមានចំនួន៨៦ មណ្ឌលស្មើ ១, ៦៦៩ បន្ទប់ ។ ទោះបីការប្រឡងបាក់ឌុប ឆ្នាំ២០២០នេះ សិស្សមានការផ្អាកមួយរយៈពេលដោយសារជំងឺកូវីដ១៩ យ៉ាងណាក្តី ក្រសួងអប់រំអះអាងថា គ្មានឡើយការបន្ធូរដៃចំពោះវិញ្ញាសាប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ដែលនឹងត្រៀមប្រឡងនៅ ថ្ងៃទី២១ ធ្នូ ខាងមុខទេ ។
ក្រសួងបន្តថា ដំណើរ ការ រៀបចំការប្រឡង និងដំណើរការរៀបចំវិញ្ញាសាសម្រាប់ឆ្នាំ ២០២០ គឺអនុវត្តទៅតាមគោលការណ៍៤ ចំណុច ដែលមានស្រាប់រួមមាន ៖ យុត្តិធម៌ តម្លាភាព និងលទ្ធផលទទួលយកបាន ។ ការរៀបចំវិញ្ញាសារវិញក្រសួងអប់រំនៅតែ អនុវត្តដូច ជាឆ្នាំមុនៗដដែល ។
ក្រសួងអប់រំបានបង្គាប់ឲ្យអភិបាលរាជធានីខេត្តក្រុង ខណ្ឌ ភូមិ ស្រុកទូទាំងប្រទេស រួមគ្នាសហការជាមួយនឹងមន្ទីរអប់រំ តាមតំបន់របស់ខ្លួនរៀបចំរក្សាសុវត្ថិភាពទាំងមុនដំណើរការប្រឡងរហូតដល់ក្នុងការប្រកាសលទ្ធផលប្រឡង ។ អ្នកនាំពាក្យក៏បានលើកឡើងថា នៅពេលជិតកៀកថ្ងៃប្រឡងបាក់ឌុបក្រសួងអប់រំបានណែនាំឲ្យអភិបាលរាជធានីខេត្តក្រុង ខណ្ឌ ភូមិ ស្រុកចាត់ចែងឲ្យមានអ្នកចុះសម្របសម្រួលជាមួយនឹងម្ចាស់ផ្ទះ សំណាក់ សណ្ឋាគារ កុំដំឡើងថ្លៃដល់ បេក្ខជន ប្រឡង និងគណៈមេប្រយោគ ។
នាថ្ងៃប្រឡងមកដល់ក្រសួងអប់រំណែនាំ ឲ្យគ្រប់មណ្ឌលប្រឡងនីមួយៗ សម្រួលដល់ការផ្ញើកង់ ម៉ូតូ របស់បេក្ខជនប្រឡង និងគណៈមេប្រយោគ ។ ក្នុងដំណើរការប្រឡងក្រសួង អប់រំបានចាត់ចែងឲ្យមានមន្ត្រីសុខាភិបាល និង ស . ស . យ . ក គ្រប់រាជធានី ខេត្ត គណៈកម្មការអប្បមាទគណៈមេប្រយោគ ប្រចាំការសម្រាប់ជួយសម្រួលដល់សិស្សដែលមានបញ្ហាសុខភាព និងត្រួតពិនិត្យរាល់ដំណើរការប្រឡង ។
សូមជម្រាបជូនថា ក្នុងពេលដែលដំណើរការត្រៀមប្រឡងសញ្ញាមធ្យមសិក្សាទុតិយភូមិ ឬ បាក់ ឌុបត្រូវពន្យារពេលដល់ខែធ្នូ ក្រសួងអប់រំ យុវជន និង កីឡាបានដាក់ទិសដៅ បង្រៀនឲ្យចប់កម្មវិធីសិក្សាពីថ្ងៃទី៧ កញ្ញា ដល់ចុងខែវិច្ឆិកា ដោយមិនមានការឈប់សម្រាកវិស្សមកាលធំឡើយ ដើម្បីរៀនបំប៉នសម្រាប់បេក្ខជន ត្រៀមប្រឡង ។ ការប្រឡង បាក់ឌុបឆ្នាំ នឹងចាប់ នៅថ្ងៃទី២១-២២ ខែធ្នូ ឆ្នាំ ២០២០ ៕
ចែករំលែកព័តមាននេះ