សុខ សោម៉ាវត្តី បង្ហើរពាក្យមួយឃ្លាបង្កការសង្ស័យរឿងនាង និងគូស្នេហ៍ឆាប់ៗនេះ
- ភ្នំពេញ
រាជធានីភ្នំពេញ ៖ ពិធីការិនី និងជាតារាសម្តែង អ្នកមេម៉ាយរូបស្រស់ សុខ សោម៉ាវត្តី និងគូស្នេហ៍បុរសសង្ហាវ័យ និងជាកីឡាករបាល់ទាត់ លី…
រាជធានីភ្នំពេញ ៖ ពិធីការិនី និងជាតារាសម្តែង អ្នកមេម៉ាយរូបស្រស់ សុខ សោម៉ាវត្តី និងគូស្នេហ៍បុរសសង្ហាវ័យ និងជាកីឡាករបាល់ទាត់ លី…
រាជធានីភ្នំពេញ ៖ ពិធីការិនី និងជាតារាសម្តែង អ្នកមេម៉ាយរូបស្រស់ សុខ សោម៉ាវត្តី និងគូស្នេហ៍បុរសសង្ហាវ័យ និងជាកីឡាករបាល់ទាត់ លី វាហេទ បានសាងស្នេហាផ្អែមល្ហែមជាមួយគ្នាមួយរយៈជាមួយនឹងអនុស្សាវរីយជាច្រើន តែអ្នកទាំង២ នៅមិនទាន់បានបង្ហើបប្រាប់មហាជនអំពីគម្រោងរៀបការជាមួយគ្នានោះទេ ធ្វើឲ្យអ្នកគាំទ្រអន្ទះសាចង់ឃើញអាយដលរបស់ពួកគេដឹកដៃគ្នាចូលរោងការ ឆាប់ៗ ។
ខណៈអ្នកគាំទ្រតាមដានយ៉ាងស្អិតអំពីទំនាក់ទំនងសេ្នហារបស់អ្នកទាំងពីរ ជាពិសេសចង់ដឹងថា អ្នកទាំងពីរនឹងអាចដឹកដៃគ្នាសាងគ្រួសារជាផ្លូវការ ឬយ៉ាងណានោះ ស្រាប់តែថ្មីៗនេះ អ្នកនាង សុខ សោម៉ាវត្តី ស្រីស្រស់ទឹកមុខពេញដោយមន្តស្នេហ៍ស្រទន់បានបង្ហោះរូបភាពផ្អែមល្ហែមជាមួយគូស្នេហ៍ក្នុងថ្ងៃខួបកំណើតជាមួយនឹងការសរសេរសារយ៉ាងរ៉ូម៉ែនទិក ធ្វើឲ្យមហាជន និងអ្នកគាំទ្រមានការសង្ស័យពីគម្រោងរៀបមង្គលការអាចនឹងកៀកជិតមកដល់ទើបបានជារូបអ្នកមេម៉ាយស្រស់សោភារូបនេះបង្ហើបតម្រុយបែបនេះ ។
អ្នកនាង សុខ សោម៉ាវត្តី បានសរសេរសារទៅកាន់លោក លី វាហេទ យ៉ាងផ្អែមស្អិតថា « Happy officially 23 year old my សង្សាចាស់ ឆ្នាំនេះមិនមានអីច្រើនទេ មានតែជូនពរអោយ បន្ទាប់ពីក្លាយជាសង្សារចាស់ ផែនការជីវិតបន្ទាប់របស់បងសូមអោយជោគជ័យហើយអូននៅពីក្រោយមើលថែបង និងផ្ដល់កម្លាំងចិត្តអោយបងគ្រប់ពេលណា» ។
យ៉ាងណាមិញគ្រាន់តែលឺពាក្យថា «សង្សាចាស់» ចេញពីការជូនពររបស់អ្នកមេម៉ាយ រូបនេះភ្លាម មហាជន កំពុងតែគិតថា រូបនាង និងគូស្នេហ៍ អាចប្តូរឈ្មោះពីសង្ស័យគូស្នេហ៍ ទៅហៅអ្វីផ្សេងជាងនេះ ឬហៅថា «និស្ស័យប្តីប្រពន្ធ» ទើបបានជារូបនាងពោលពាក្យបែបនេះទៅកាន់គូស្នេហ៍ ប៉ុន្តែទោះបីជាយ៉ាងណា ក៏នៅតែរង់ចាំចម្លើយពិតនៃគូស្នេហាទាំង២ ថានឹងរៀបចំសិរីមង្គលនៅថ្ងៃណា ៕
ចែករំលែកព័តមាននេះ