ឯកឧត្តម ស៊ុន ចាន់ថុល ដឹកនាំគណៈប្រតិភូ ជិះកង់ពិនិត្យមើលផ្លូវ និងប្រព័ន្ធលូ ក្នុងក្រុងសៀមរាប
ខេត្តសៀមរាប ៖ នៅថ្ងៃទី២២ ខែកញ្ញា ឆ្នាំ២០២០ ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន…
ខេត្តសៀមរាប ៖ នៅថ្ងៃទី២២ ខែកញ្ញា ឆ្នាំ២០២០ ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន…
ខេត្តសៀមរាប ៖ នៅថ្ងៃទី២២ ខែកញ្ញា ឆ្នាំ២០២០ ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានដឹកនាំគណៈប្រតិភូក្រសួង អញ្ជើញជិះកង់ត្រួតពិនិត្យស្ថានភាពផ្លូវ ប្រព័ន្ធលូបង្ហូរទឹកភ្លៀង និងប្រព័ន្ធលូទឹកស្អុយ ក្នុងក្រុងសៀមរាប ដោយមានការចូលរួមពីលោក ទៀ សីហា អភិបាលនៃគណៈអភិបាលខេត្តសៀមរាប មន្ត្រីបច្ចេកទេស និងភាគីពាក់ព័ន្ធផងដែរ ។
ការជិះកង់ត្រួតពិនិត្យស្ថានភាពផ្លូវទាំងនេះ ធ្វើឡើងក្នុងគោលបំណង ដើម្បីស្វែងយល់ ក៏ដូចជាប្រមូលធាតុចូលបន្ថែម ទាក់ទងនឹងស្ថានភាពផ្លូវថ្នល់ នាពេលបច្ចុប្បន្ន នៅក្នុងក្រុងសៀមរាប សម្រាប់ការត្រៀមរៀបចំ ចូលរួមកិច្ចប្រជុំលើកទី១ នៃគណៈកម្មការអន្តរក្រសួងដើម្បីសិក្សា និងអនុវត្តគម្រោងស្ថាបនាហេដ្ឋារចនា សម្ព័ន្ធផ្លូវ៣៨ខ្សែ នៅទីក្រុងសៀមរាប ដែលនឹងប្រព្រឹត្តទៅនៅថ្ងៃទី២៣ ខែកញ្ញា ឆ្នាំ២០២០ ក្រោមអធិបតីភាពដ៏ខ្ពង់ខ្ពស់របស់សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ។
នាល្ងាចថ្ងៃ ដដែលនោះ ឯកឧត្តម ទេសរដ្ឋមន្ត្រី ក៏បានដឹកនាំគណៈប្រតិភូ រត់ហាត់ប្រាណដើម្បី បង្ហាពីការចូលរួម លើកកម្ពស់ វិស័យកីឡា បង្កើនសាមគ្គីភាព ព្រមទាំងត្រួតពិនិត្យផ្លូវ នៅតាមតំបន់ប្រាសាទអង្គវត្តផងដែរ ។
សូមជម្រាបថា កាលពីថ្មីៗនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានសម្រេចបញ្ចេញកញ្ចប់ថវិកាចំនួនពី១០០ ទៅ១៥០លានដុល្លារអាមេរិក សម្រាប់អភិវឌ្ឍន៍ហេដ្ឋារចនាសម្ព័ន្ធផ្លូវតូចធំចំនួន៣៨ខ្សែ នៅក្នុងក្រុងសៀមរាប ដើម្បីជួយលើកស្ទួយជីវភាព រស់នៅរបស់ប្រជាពលរដ្ឋ និងនឹងជួយជំរុញកំណើនសេដ្ឋកិច្ចជាតិ នៅក្រោយជំងឺកូវីដ១៩ ៕
ចែករំលែកព័តមាននេះ