ខេត្តកណ្ដាល ៖ មានការភ្ញាក់ផ្អើលឆោឡោឡើង ដោយបុរសជាប្តីបានចង.កខ្លួនឯង កាលពីវេលាម៉ោង៣ និង៣០ទៀបភ្លឺថ្ងៃទី២២ កញ្ញា នៅក្នុងចំការស្វាយក្រោយផ្ទះ ស្ថិតក្នុងភូមិព្រែកស្វាយ២ ឃុំឈើទាល ស្រុកកៀនស្វាយ ខេត្តកណ្តាល។ ជនរងគ្រោះខាងលើឈ្មោះ ប៉ូ ធានា អាយុ៤៥ឆ្នាំ ជាកសិករ រស់នៅភូមិឃុំកើត-ឃុំកើតហេតុខាងលើ ។
តាមការបញ្ជាក់ពីស្ត្រីឈ្មោះ ម៉ុង ទី អាយុ៤៣ឆ្នាំ ត្រូវជាប្រពន្ធបានឱ្យសមត្ថកិច្ចយដឹងថា ប្តីគាត់បានផឹកស្រាតាំងពីព្រឹក រហូតដល់យប់មិនបានហូបបាយឡើយ ហើយគាត់ធបានស្តីបន្ទោសឲ្យប្តីថា«គិតតែផឹក មិនព្រមហូបបាយសោះ» ។ នៅថ្ងៃទី២១ កញ្ញា វេលាម៉ោង៤ និង៣០រសៀល ប្តីបានហូបបាយជុំគ្រួសារជាមួយកូនធម្មតា ។ ពេលនោះ ប្តីសួរគាត់ថា «ថ្ងៃនឹងថែមម៉ោងធ្វើការដល់ម៉ោងប៉ុន្មាន? គាត់ប្រាប់ថា ថែមម៉ោងធ្វើការដល់ម៉ោង៨យប់ ។ លុះដល់ម៉ោង៨ និង២៥នាទីប្តីគាត់បានខលទូរស័ព្ទទៅគាត់២ដង គាត់លើកឆ្លើយតបថា «បង ខ្ញុំធ្វើការស៊ីម៉ោង ឥឡូវថែមដល់ម៉ោង៩កន្លះ ទើបទៅ
ផ្ទះ» ។
ស្ត្រីជាប្រពន្ធបន្ត ពេលគាត់ទៅដល់ផ្ទះ ឃើញប្តីអង្គុយមើលទូរទស្សន៍ជាមួយកូនៗ គាត់ក៏បាននាំកូនទៅងូតទឹករួចចូលដេកជាធម្មតាតែម្តងទៅ ដោយមិនបានមាត់កអ្វីនោះទេ ។ លុះដល់ម៉ោង២រំលងអធ្រាត្រ ឈានចូលថ្ងៃទី២២ កញ្ញា គាត់ភ្ញាក់ដឹងខ្លួនឡើងបាត់ប្តី ក៏បានក្រោកដើររកមើល ស្រាប់តែទ្វារបន្ទប់គាត់ ត្រូវបានចាក់សោពីខាងក្រៅជាប់ ។
ភ្លាមនោះ គាត់ក៏បានខលទូរស័ព្ទឱ្យបងប្អូនមកជួយបើកទ្វារបានហើយ ក៏នាំគ្នាដើររកប្តី ក៏ប្រទះឃើញគាត់ចង.កខ្លួនឯងបាត់ទៅហើយនៅខាងក្រោយផ្ទះ ដោយមិនបានដឹងពីមូលហេតុអ្វីទាំងអស់ ។
ក្រោយទទួលបានព័ត៌មាន នគរបាលប៉ុស្តិ៍ឈើទាល បានចុះដល់កន្លែងកើតហេតុដោយសហការ ជាមួយកម្លាំងជំនាញកោសល្យវិច័យ ស្រុកកៀនស្វាយ គ្រូពេទ្យមណ្ឌលសុខភាពឃុំឈើទាល ក្រុមប្រឹក្សាឃុំ មេភូមិ ធ្វើការពិនិត្យលើជនគ្រោះ។ សាកសពជនរងគ្រោះត្រូវបានប្រគល់ជូនក្រុមគ្រួសារ យកធ្វើបុណ្យតាមប្រពៃណី ៕
ចែករំលែកព័តមាននេះ