កោះហៅតារាស្រី៣រូបទៀត ពាក់ព័ន្ធការស្លា.ប់តួឯកប្រុសរឿងជីវិតស្ត្រីមេផ្ទះ
ឥណ្ឌា ៖ តារាសម្តែងបូលីវូដ នាង Sara Ali Khan, នាង Shraddha Kapoor…
ឥណ្ឌា ៖ តារាសម្តែងបូលីវូដ នាង Sara Ali Khan, នាង Shraddha Kapoor…
ឥណ្ឌា ៖ តារាសម្តែងបូលីវូដ នាង Sara Ali Khan, នាង Shraddha Kapoor និងនាង Rakul Preet Singh នឹងត្រូវកោះហៅឱ្យចូលខ្លួន ដោយការិយាល័យត្រួតពិនិត្យគ្រឿងញៀនរបស់ប្រទេសឥណ្ឌា (NCB) រួមជាមួយនិងអ្នកច្នៃម៉ូដ នាង Simone Khambatta នៅពេលឆាប់ៗខាងមុខនេះ។ គួររំលឹកថា ផ្អើលបណ្តាញសង្គម! ក្រោយបែកធ្លាយវីដេអូមួយរបស់តួឯកប្រុសរឿងជីវិតស្ត្រីមេផ្ទះ និងមិត្តស្រី
ទីភ្នាក់ងារ NCB បានបញ្ជាក់ពីការកោះហៅស្ត្រីទាំង៤នាក់ខាងលើនៅសប្តាហ៍នេះ ដើម្បីកត់ត្រាសេចក្តីថ្លែងការណ៍របស់ពួកគេ ដែលមាននៅក្នុងច្បាប់ 67 NDPS Act. បន្ទាប់ពីពួកគេទាំង ៤នាក់ធ្លាប់បានចូលរួមពិធីជប់លៀងចុងក្រោយមួយ ជាមួយតារាសម្តែងលោក Sushant Singh Rajput នៅឯផ្ទះកសិដ្ឋានមួយក្នុងតំបន់ Lonavala ស្ថិតក្នុងរដ្ឋ Maharashtra ប្រទេសឥណ្ឌា។
នៅមុននេះបន្តិចសារព័ត៌មាន India Today បានបង្ហើបឱ្យដឹងថា អ្នកបើកបរទូកម្នាក់ ដែលមានឈ្មោះថា Jagdish Das បានប្រាប់ទីភ្នាក់ងារ NCB ថាតារាសម្តែងប្រុសលោក Rajput ធ្លាប់បានមកធ្វើពិធីជប់លៀងមួយ នៅឯផ្ទះកសិដ្ឋានរបស់គេ ជាមួយនិងមិត្តស្រី Rhea Chakraborty និងមិត្តភក្តិតារាបូលីវូដដូចជា នាង Sara Ali Khan, Shraddha Kapoor និងជនសង្ស័យពាក់ព័ន្ធគ្រឿងញៀន ដែលត្រូវបានចាប់ខ្លួនឈ្មោះ Zaid Vilatra រួមជាមួយមនុស្សដទៃផងដែរ។
កន្លងមក នាង Rhea Chakraborty ក៏បានលើកឡើងនៅក្នុងសេចក្តីថ្លែងការណ៍របស់នាងទៅកាន់ទីភ្នាក់ងារ NCB ដោយបានសារភាពថា នាងពិតជាបានចូលរួមពិធីជប់លៀងជាមួយ Sara Ali Khan, Shraddha Kapoor, Rakul Preet Singh និងមិត្តប្រុស Sushant Singh Rajput នៅឯផ្ទះកសិដ្ឋានក្នុងតំបន់ Lonavala ពិតប្រាកដមែន។
សូមបញ្ជាក់ថា បច្ចុប្បន្ន Rhea Chakraborty កំពុងជាប់ក្នុងពន្ធនាគារតុលាការ Byculla ដោយរងការចោទពីបទផ្តល់គ្រឿងញៀនឱ្យ Sushant Singh Rajput ។ ខណៈដែលប្អូនប្រុសរបស់នាងឈ្មោះ Showik Chakraborty, អ្នកគ្រប់គ្រងផ្ទះរបស់ Rajput គឺលោក Samuel Miranda រូមជាមួយបុគ្គលិករបស់គេឈ្មោះ Dipesh Sawant និងអ្នកចែកចាយគ្រឿងញៀនឈ្នោះ Zaid Vilatra និង Basit Parihar ក៏ស្ថិតក្នុងចំណោមមនុស្ស ១០នាក់ ដែលត្រូវបានចាប់ខ្លួនដោយទីភ្នាក់ងារ NCB ក្នុងករណីនេះ ផងដែរ។
ការិយាល័យស៊ើបអង្កេតកណ្តាល (CBI) កំពុងដំណើរការស៊ើបអង្កេតលើករណីនេះ ដែលមានជាប់ពាក់ព័ន្ធជុំវិញការធ្វើអត្តឃាតរបស់លោក Sushant Singh Rajput នៅក្នុងផ្ទះក្នុងទីក្រុង Mumbai កាលពីថ្ងៃទី ១៤ ខែ មិថុនាកន្លងទៅ ។ ទោះយ៉ាងណាក៏ដោយទីភ្នាក់ងារ NCB និងការណែនាំអំពីការអនុវត្តច្បាប់ កំពុងធ្វើការស៊ើបអង្កេតដាច់ដោយឡែកពីគ្នា នៅក្នុងមុំគ្រឿងញៀន និងការលាងលុយកខ្វក់៕ (ដកស្រង់ចេញពី India Today)
ចែករំលែកព័តមាននេះ