ខេត្តប៉ៃលិន ៖ ទោះបីជារដូវបុណ្យភ្ជុំបិណ្ឌនាឆ្នាំ២០២០នេះ មានការធ្លាក់ភ្លៀងជារៀងរាល់ថ្ងៃ ក៍ភ្ញៀវទេសចរនាំគ្នាចូលមកលេងខេត្តប៉ៃលិន កម្សាន្តសប្បាយនៅតាមរមណីយដ្ឋាននីមួយៗ យ៉ាងច្រើនកុះករ ដោយអ្នកខ្លះ ទើបមកលេងជាលើកទី១ អ្នកខ្លះទៀតបានមកលេង២ទៅ៣ដង…
ខេត្តប៉ៃលិន ៖ ទោះបីជារដូវបុណ្យភ្ជុំបិណ្ឌនាឆ្នាំ២០២០នេះ មានការធ្លាក់ភ្លៀងជារៀងរាល់ថ្ងៃ ក៍ភ្ញៀវទេសចរនាំគ្នាចូលមកលេងខេត្តប៉ៃលិន កម្សាន្តសប្បាយនៅតាមរមណីយដ្ឋាននីមួយៗ យ៉ាងច្រើនកុះករ ដោយអ្នកខ្លះ ទើបមកលេងជាលើកទី១ អ្នកខ្លះទៀតបានមកលេង២ទៅ៣ដង ។
តាមប្រភពព័ត៍មានពីលោក លឹម វាសនា ប្រធានមន្ទីរទេសចរណ៍ខេត្តប៉ៃលិន បានរៀបរាប់ឱ្យដឹងថា ក្នុងរយៈពេល៣ថ្ងៃ គឺចាប់ពីថ្ងៃទី១៦-១៨ ខែកញ្ញា ឆ្នាំ២០២០ មន្ទីរទេសចរណ៍ខេត្តប៉ៃលិន បានចាត់មន្ត្រីចុះស្រង់ស្ថិតិភ្ញៀវទេសចរ ដែលមកទស្សនាកម្សាន្តក្នុងខេត្តប៉ៃលិន និងត្រួតពិនិត្យក៏ដូចជាផ្សព្វផ្សាយវិធានសុវត្ថិភាពទេសចរណ៍ នៅតាមគោលដៅទេសចរណ៍សំខាន់ៗ ក្នុងខេត្ត នាឱកាសបុណ្យភ្ជុំបិណ្ឌ មានចំនួនដូចខាងក្រោម ៖
ចំនួនភ្ញៀវទេសចរជាតិ មានចំនួន ១៥,៧៦៩នាក់ រីឯចំនួនភ្ញៀវអន្តរជាតិ មានចំនួន ០៤នាក់ ។ លោកបន្តទៀតថាចំនួនភ្ញៀវទេសចរសរុប មានចំនួន ១៥,៧៧៣នាក់ បេីប្រៀបធៀបទៅនឹងចំនួនភ្ញៀវទេសចរឆ្នាំ២០១៩ ដែលមានចំនួនសរុប១៤,៥១៧ ឃេីញថាកើនឡើងចំនួន ១៥,៧៧% ។
លោកបញ្ជាក់ថា ចំពោះស្ថានភាពទូទៅឃើញថា មានសណ្តាប់ធ្នាប់ មានរបៀបរៀបរយល្អ មានការយាមប្រចាំការពីកម្លាំនរគបាល អធិការដ្ឋានក្រុងប៉ៃលិនសហការជាមួយប៉ុស្តិ៍នរគបាលសង្កាត់ នរគបាលការពារព្រំដែន ប្រជាការពារភូមិ ។នៅក្នុងមូលដ្ឋានអាជីវករមានការយកចិត្តទុកដាក់អនុវត្តតាមវិធានសុវត្ថិភាពទេសចរណ៍ ដោយមានដាក់សាប៊ូលាងដៃ និងទឹកអាល់កុលសម្រាប់ភ្ញៀវផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ