ខេត្តតាកែវ ៖ ភ្នំនេះ ជាភ្នំប្រវត្តិសាស្ត្រដែលមានតម្លៃមហាសាលមិនអាចកាត់ថ្លៃបានសម្រាប់ពលរដ្ឋកម្ពុជាគ្រប់រូប។ នៅមានរូបរាងប្រាសាទបុរាណដ៏ស្រស់ស្អាតនៅលើកំពូលភ្នំនេះ។ សម្រាប់អ្នកដែលបានមកដល់ទីនេះ គឺពិតជាស្ងើចសរសើរ និងដឹងគុណដល់បុព្វការីជនខ្មែរដែលបានកសាងប្រាសាទនៅលើកំពូលភ្នំដ៏ខ្ពស់។ ភ្នំជីសូរ នៅរក្សាបាននូវរូបរាងប្រាសាទសម្រាប់មនុស្សគ្រប់ជំនាន់មើល…
ខេត្តតាកែវ ៖ ភ្នំនេះ ជាភ្នំប្រវត្តិសាស្ត្រដែលមានតម្លៃមហាសាលមិនអាចកាត់ថ្លៃបានសម្រាប់ពលរដ្ឋកម្ពុជាគ្រប់រូប។ នៅមានរូបរាងប្រាសាទបុរាណដ៏ស្រស់ស្អាតនៅលើកំពូលភ្នំនេះ។ សម្រាប់អ្នកដែលបានមកដល់ទីនេះ គឺពិតជាស្ងើចសរសើរ និងដឹងគុណដល់បុព្វការីជនខ្មែរដែលបានកសាងប្រាសាទនៅលើកំពូលភ្នំដ៏ខ្ពស់។
ភ្នំជីសូរ នៅរក្សាបាននូវរូបរាងប្រាសាទសម្រាប់មនុស្សគ្រប់ជំនាន់មើល ហើយនៅជាប់នឹងប្រាសាទមានសង់វត្ត និងព្រះវិហារពុទ្ធសាសនា។ ពិតជាកម្រណាស់ ព្រោះមានភ្នំមួយចំនួន តួប្រាសាទ (ព្រាហ្មញ្ញ សាសនា) ត្រូវបានគេកាយឲ្យរលំ ដើម្បីរកវត្ថុបុរាណ ហើយសង់ព្រះវិហារ (ពុទ្ធសាសនា) នៅចំពីលើគ្រឹះប្រាសាទនោះតែម្តង។
កូនចៅកម្ពុជា គ្រប់រូបពិតជាជឿជាក់លើបារមីម្ចាស់ទឹក ដី ព្រៃ ភ្នំក្រំថ្មថែរក្សាខេត្តតាកែវ និងបុព្វការីជន ព្រមទាំងអ្នកពាក់ព័ន្ធទាំងអស់ ដែលរក្សាការពារបាននូវប្រាសាទដ៏អស្ចារ្យមួយនេះ។ ភ្នំជីសូរ ស្ថិតនៅខេត្តតាកែវ ត្រង់ចំណុចដែលមានរយៈទទឹង (១១° ១១’ ៣.៤៩៧៩៩៩៩៩”) និងរយៈបណ្តោយ (១០៤° ៤៩’ ៣០.៣៩៣១២០០០”)។
ធ្វើដំណើរតាមផ្លូវជាតិលេខ២ ពីរាជធានីភ្នំពេញ ប្រមាណ៥០គីឡូម៉ែត្រ (ផ្លូវនៅពិបាកបន្តិច) តែផ្លូវឡានឡើងទៅដល់លើកំពូលភ្នំតែម្តង នឹងត្រូវកសាងដោយចាក់បេតុង នៅពេលក្រោយបុណ្យភ្ជុំបិណ្ឌ ឆ្នាំជូត ទោស័ក ពុទ្ធសករាជ ២៥៦៤។
ជាទំព័រប្រវត្តិសាស្ត្រដ៏ថ្មីមួយសម្រាប់ភ្នំនេះ នៅពេលផ្លូវបេតុងត្រូវបានសង់ចប់។ សូមបារមីទឹកដីខេត្តតាកែវ ជូនបុណ្យ មហាកុសល្យដល់អ្នកកសាងផ្លូវបេតុងនេះ ឲ្យជួបតែសុខភាពល្អ និងសុភមង្គល ព្រមទាំងសម្រេចគ្រប់ភារកិច្ច។ ក្រុមការងារបានមកផ្តិតយករូបភាពខ្លះៗនៃភ្នំជីសូរនៅខែកញ្ញា ឆ្នាំ២០២០នេះ និងសូមបួងសួងវត្ថុស័ក្តិសិទ្ធិក្នុងលោកនេះឲ្យប្រទេសកម្ពុជា ជួបតែសុខសន្តិភាព និងមានការរីកចម្រើនទៅមុខកុំបីឃ្លៀងឃ្លាតឡើយ៕
ចែករំលែកព័តមាននេះ