ខេត្តតាកែវ ៖ សេចក្តីរាយការណ៍ឱ្យដឹងថា ក្រោយចាប់ខ្លួនជនសង្ស័យម្នាក់ជាចោរលួចរថយន្តក្នុងផ្ទះសំណាក់មហារុងរឿង ត្រូវបានសមត្ថកិច្ចកងរាជអាវុធហត្ថរាជធានីភ្នំពេញ ប្រគល់ឲ្យសមត្តកិច្ចកងរាជអាវុធហត្ថរាជខេត្តតាកែវទាំង ដើម្បីយកទៅសាកសួរ និងកសាងសំណុំរឿងបញ្ជូនទៅកាន់សាលាដំបូងតាមនីតិវិធី ។ គួររំលឹកថា…
ខេត្តតាកែវ ៖ សេចក្តីរាយការណ៍ឱ្យដឹងថា ក្រោយចាប់ខ្លួនជនសង្ស័យម្នាក់ជាចោរលួចរថយន្តក្នុងផ្ទះសំណាក់មហារុងរឿង ត្រូវបានសមត្ថកិច្ចកងរាជអាវុធហត្ថរាជធានីភ្នំពេញ ប្រគល់ឲ្យសមត្តកិច្ចកងរាជអាវុធហត្ថរាជខេត្តតាកែវទាំង ដើម្បីយកទៅសាកសួរ និងកសាងសំណុំរឿងបញ្ជូនទៅកាន់សាលាដំបូងតាមនីតិវិធី ។ គួររំលឹកថា ផ្ទះសំណាក់«មហារុងរឿង»ចោរចូលធ្វើស៊ីពីភ្ញៀវម៉ាអែម !
ជនសង្ស័យមានឈ្មោះ ចាន់ រិទ្ធី ភេទប្រុស អាយុ ៣៥ ឆ្នាំ មានទីលំនៅភូមិក្តុល ឃុំក្តុល ស្រុកសង្កែ ខេត្តបាត់ដំបង ។
សូមបញ្ជាក់ថា កាលពីម៉ោង៩ដល់ម៉ោង១១ឈានចូលថ្ងៃទី១៨ ខែកញ្ញា ឆ្នាំ២០២០ នៅចំណុចផ្ទះសំណាក់ មហារុង រឿង ស្ថិតក្នុងភូមិខ្លាគ្រហឹម ឃុំតាភេម ស្រុកត្រាំកក់ ខេត្តតាកែវ មានករណីចោរបន្លំលួចយករថយន្តមួយគ្រឿង ម៉ាកRivo ស៊េរីឆ្នាំ២០២០ ពាក់ស្លាកលេខ ភ្នំពេញ 2BK-4443 ជាកម្មសិទ្ធិរបស់ម្ចាស់ឈ្មោះ រិន រ៉ាវី ភេទប្រុស អាយុ៣១ឆ្នាំរស់នៅភូមិសុភី ឃុំកំពង់ស្វាយ ស្រុកសេរីសោភ័ណ្ឌ ខេត្តបន្ទាយមានជ័យ ។
សេចក្តីរាយការណ៍បន្តថា មុនកើតហេតុ ជនរងគ្រោះបានមកស្នាក់នៅផ្ទះសំណាក់មហារុងរឿង លុះដល់វេលាម៉ោងខាងលើ មានជនសង្ស័យម្នាក់បានបន្លំធ្វើជាម្ចាស់ផ្ទះសំណាក់ ហើយបានទៅគោះទ្វារសុំសោររថយន្តពីម្ចាស់ថា យកទៅរៀបចំរថយន្តឲ្យមានសណ្តាប់ធ្នាប់ ។ ដោយមានការជឿទុកចិត្តលើផ្ទះសំណាក់ ម្ចាស់រថយន្តក៏ប្រគល់សោរឲ្យទៅជនសង្ស័យម្នាក់នោះ ដូចឲ្យ(ចោរ)បន្លំជិះរថយន្តនោះចេញទៅបាត់ អ្នកណាទទួលខុសត្រូវ ? ឱផ្ទះសំណាក់មហារុងរឿង ។
រហូតដល់ម៉ោងរំលងអាធ្រាត្រ ទើបម្ចាស់រថយន្តឆោឡោ នឹងបានទៅដាក់ពាក្យបណ្ដឹងនៅអធិការដ្ឋាននគ របាលស្រុកត្រាំកក់ ដើម្បីឲ្យសមត្តកិច្ចតាមដានមុខសញ្ញា នឹងឈានដល់ការចាប់ខ្លួន ជនក្លែងបន្លំជាចោរលួចរថយន្តក្នុងផ្ទះសំណាក់នោះ យកមកផ្តន្ទាទោសតាមច្បាប់ជាធរមាន ។
ពិតណាស់អំពើទុច្ចរិតមិនអាចគេចផុតពីសំណាញ់ច្បាប់ លុះដល់រសៀលថ្ងៃទី១៩ ខែកញ្ញា កម្លាំងសមត្តកិច្ចជំនាញ នៃការិយាល័យបទល្មើសព្រហ្មទណ្ឌកងរាជអាវុធហត្ថរាជធានីភ្នំពេញ បានស្រាវជ្រាវ និងចាប់ខ្លួនជនសង្ស័យជាចោរលួចរថយន្ត ក្នុងផ្ទះសំណាក់មហារុងរឿង នៅមជ្ឍមណ្ឌលកោះពេជ្រ រាជធានីភ្នំពេញ ហើយយប់បន្តិចចោរលួច និងរយថយន្ត ត្រូវបានប្រគល់ឲ្យកងរាជអាវុធហត្ថខេត្តតាកែវបន្តនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ