ADផ្ទាំងផ្សព្វផ្សាយពាណិជ្ជកម្ម

Picture

រូបថត​ដ៏​កម្រ​នៃ​ក្រុងភ្នំពេញ និង​អង្គរវត្ត​ថត​នៅ​ឆ្នាំ​1929ជា​ស្នាដៃ​សិល្បករ​បរទេស​ម្នាក់​ពេល​មក​សម្តែង​នៅ​កម្ពុជា

9 ឆ្នាំ មុន

រាជធានី​ភ្នំពេញ ៖ ការ​តាំងពិព័រណ៍​ក្នុង​ខែមីនា ឆ្នាំ​២០១៥ នៅ​សណ្ឋាគារ​សូ​ហ្វ៊ី​តែ​ល​ភ្នំពេញ ភូ​គី​ត្រា រៀបចំ​ដោយ​សណ្ឋាគារ​នេះ​បង្ហាញ​អំពី​រូបថត​នៃ​ទីក្រុង​ភ្នំពេញ និង​ប្រាសាទអង្គរវត្ត​ដែល​គេ​ថត​

រាជធានី​ភ្នំពេញ ៖ ការ​តាំងពិព័រណ៍​ក្នុង​ខែមីនា ឆ្នាំ​២០១៥ នៅ​សណ្ឋាគារ​សូ​ហ្វ៊ី​តែ​ល​ភ្នំពេញ ភូ​គី​ត្រា រៀបចំ​ដោយ​សណ្ឋាគារ​នេះ​បង្ហាញ​អំពី​រូបថត​នៃ​ទីក្រុង​ភ្នំពេញ និង​ប្រាសាទអង្គរវត្ត​ដែល​គេ​ថត​ក្នុងអំឡុងពេល​ដំណើរ​ទេសចរណ៍​នៃ​ក្រុម​ល្ខោន​នៅ​អាស៊ី​ដែល​រៀបចំ​ដោយ George  PORTAL នា​ឆ្នាំ​១៩២៩ ។
នៅ​ក្នុង​ពេលទំនេរ​លោក George PORTAL បាន​ឆ្លៀតឱកាស​ថត​យក​នូវ​សកម្មភាព​នៃ​ជីវិត​រស់នៅ​ប្រចាំ​ថ្ងៃ ។

រូបភាព​តំណាង​ទាំងនេះ​គឺជា​សមូហកម្ម​ដ៏​ធំ​មួយ​នៃ​ការ​ប្រមូល​រូបភាព​ដែល​បាន​ថត​នៅ​តំបន់​អាស៊ី​ក្នុងអំឡុងពេល​នោះ ។

ការ​បោះពុម្ព​រូបថត​ដ៏​អស្ចារ្យ​ទាំងនេះ ដោយ​គោរព​ទៅ​ដល់​ភាព​កម្រ​មាន និង​តម្លៃ​នៃ​រូបភាព​ទាំងនេះ ។ ការ​ធ្វើតេស្ត នីមួយ​ៗ​ត្រូវ​បាន​រាប់​ដោយ​ត្រឹមត្រូវ ហើយ​មាន​ដាក់​លេខ​នៅ​លើ​ខ្នង​របស់​វា ។

អ្នក​រៀបចំ​ដាក់​តាំង​មាន​សេចក្តី​រីករាយ​នឹង​បង្ហាញ​រូបថត​ដែល​បង្ហាញ​នូវ​សកម្មភាព​រស់នៅ​នៅ​ក្នុង​ប្រទេស​កម្ពុ​ជានា​ឆ្នាំ​១៩២៩ ។

លោក George PORTAL (1887/1958)​ជា​បុរស​ម្នាក់​ដែល​រំភើប​ជាមួយនឹង​ទេព​កោសល្យ​សិល្បៈ​ដ៏​អស្ចារ្យ​ដោយ​ការ​លើកទឹកចិត្ត​ពី​ឪពុក​ម្តាយ​របស់​គាត់ ។ ឪពុក​របស់​គាត់​បាន​បង្កើត​ក្រុម​ល្ខោន និង​ការ​តុបតែង​នៅ​ក្នុង​ក្រុម​គ្រួសារ​ដែល​ជា​កន្លែង​គាត់​អាច​ហ្វឹកហាត់​ក្នុង​ការ​សម្តែង​ជា​លើក​ដំបូង​របស់​គាត់ ។  បន្ទាប់​មក​លោក George PORTAL បាន​ជ្រើសរើស​យក​អាជីព​ក្នុង​វិស័យ​ល្ខោន ដែល​គាត់​ដើរតួ​ជា​តារា​សម្តែង​ផង​និង​ជា​ប្រធាន​គ្រប់គ្រង​ផង ។

ជាមួយ​អាជីព​ជា​អ្នក​សម្តែង ចំណង់​ចំណូលចិត្ត​របស់​លោក George PORTAL គឺ​ការ​ថតរូប​ដែល​គាត់​អាច​ក្លាយជា​អ្នកមាន​ជំនាញ​វិជ្ជាជីវៈ​យ៉ាង​ពិតប្រាកដ ក៏​ដោយសារ​តែ​ឧបករណ៍​បច្ចេកវិទ្យា​កម្រិត​ខ្ពស់​មួយ​នៃ​សម័យ​នោះ ។ ឧបករណ៍​របស់​គាត់​រួម​មាន​កាមេរ៉ា Richard Vérascope ធ្វើ​ឱ្យ​រូបភាព​រស់​រវើក លំនាំ​នៃ​រូបភាព 3D ដែល​មាន​កែវ​ចាប់​រូបភាព​ល្អ​បំផុត ។ ឧបករណ៍​នេះ បាន​ផ្តល់​ភាព​ស្រួល​ដល់​លោក​ក្នុង​ការ​នាំ​យក​ទៅ​តាម​ខ្លួន​នូវ​ប្រអប់​ទទេ​ចំនួន​១២ នៅ​ក្នុង​ទំហំ​៤៥​គុណ​១០៧​មី​លី្ល​​ម៉ែត្រ ។  PORTAL  នឹង​អភិវឌ្ឍ​រូបភាព​របស់​គាត់​នៅ​ក្នុង​មន្ទីរពិសោធន៍​ជា​កន្លែង​ដែល​គាត់​បង្កើត​សារជាតិ​គីមី​ផ្សេង​គ្នា​ដែល​គ្មាន​អាថ៌​កំបាំង​សម្រាប់​គាត់ ។

PORTAL នឹង​ក្លាយជា​មនុស្ស​ម្នាក់​ក្នុង​ចំណោម​អ្នក​បង្កើត​ល្ខោន​ខ្នាត​ធំ​ដំបូង​នៅ​ទូ​ទាំង​ពិភពលោក​ជាមួយនឹង​តារា​កំប្លែង​របស់​បារាំង​ផ្សេង​ទៀត ដែល​រួម​ដំណើរ​ទេសចរណ៍​នៅ​អាស៊ី​និង​ទេសចរណ៍​នៃ​ភាគ​ខាង​កើតជា​កន្លែង​ដែល​គាត់​នាំ​មក​នូវ​រូបថត​ដ៏​គួរ​ឱ្យ​កត់សម្គាល់ និង​ជា​តំណាង​ដ៏​កម្រ​មួយ​នៃ​ពេលវេលា និង​ទីកន្លែង​ទាំងនេះ ។

ស៊េរី​រូបថត​ដើម​ទាំងនេះ​បាន​ថត​នៅ​ឆ្នាំ ១៩២៩ ក្នុង​ប្រទេស​កម្ពុជា នេះ​គឺជា​ឧទាហរណ៍​ដ៏​អស្ចារ្យ​មួយ ៕