ខេត្តតាកែវ ៖ បើគិតត្រឹមម៉ោង៩និង៣០នាទីយប់ថ្ងៃទី១៧ ខែកញ្ញា ឆ្នាំ២០២០នេះ អគ្គីភ័យដែលបានឆាបឆេះយ៉ាងខ្លាំងនៅក្នុងផ្សារសំរោងយ៉ោងនោះបានរលត់ទៅវិញ ហើយក៏គ្រប់គ្រងបាន១០០ភាគរយផងដែរ ដោយសារតែមានការអន្តរាគមន៍ពីខាងរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តចំនួន២៣គ្រឿង តាមបណ្តាលស្រុកអង្គភាព។ លោកភួង…
ខេត្តតាកែវ ៖ បើគិតត្រឹមម៉ោង៩និង៣០នាទីយប់ថ្ងៃទី១៧ ខែកញ្ញា ឆ្នាំ២០២០នេះ អគ្គីភ័យដែលបានឆាបឆេះយ៉ាងខ្លាំងនៅក្នុងផ្សារសំរោងយ៉ោងនោះបានរលត់ទៅវិញ ហើយក៏គ្រប់គ្រងបាន១០០ភាគរយផងដែរ ដោយសារតែមានការអន្តរាគមន៍ពីខាងរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តចំនួន២៣គ្រឿង តាមបណ្តាលស្រុកអង្គភាព។
លោកភួង ឈីម អភិបាលស្រុកបាទី បានប្រាប់កោះសន្តិភាពឱ្យដឹងថា តូបលក់ដូរក្នុងផ្សារសំរោងយ៉ោងនោះ បើយោងតាមចំនួនតូបសរុបមានចំនួន២៨៣តូប ហើយត្រូវបានអគ្គិភ័យឆេះបំផ្លាញអស់ចំនួន២៣០តូប ស្មើនឹង៩០ភាគរយ នេះបើគិតមកដល់ព្រឹកថ្ងៃទី១៨ ខែកញ្ញានេះ ។
លោកអភិបាលស្រុកបានបន្តទៀតថា បន្ទាប់ពីហេតុការណ៍នោះបានកើតឡើងភ្លាម ក៏មានការបញ្ជាដឹកនាំពីផ្ទាល់លោកប្រធានក្រុមការងាររាជរដ្ឋាភិបាលកម្ពុជា បានចុះជួយស្រុកបាទី គណៈបញ្ជាការឯកភាព និងលោកស្នងការនគរបាលខេត្ត ព្រមទាំងក្រុមពន្លត់អគ្គិភ័យ ជាច្រើនអង្គភាពផងដែរ ។ ហើយចំពោះមូលហេតុនៃការឆាបឆេះខាងលើនេះ គឺបណ្តាលមកពីផ្ទុះហ្គាស។
គួរបញ្ជាក់ផងដែរថា អគ្គិភ័យបានឆាបឆេះបំផ្លាញផ្សារសំរោងយ៉ោងយ៉ាងខ្លាំង បង្កឱ្យមានការភ្ញាក់ផ្អើលកាលម៉ោង៧យប់ ថ្ងៃទី១៧ ខែកញ្ញា ឆ្នាំ២០២០ លុះនៅព្រឹកថ្ងែទី១៨ កញ្ញានេះ គេបានបានឃើញអាជ្ញាធរខេត្តបានចុះទៅពិនិត្យពីស្ថានភាពភ្លើងឆេះផ្សារនេះផងដែរ។
គួររំលឹកថា ៖ អណ្តាតភ្លើងលេបត្របាក់ផ្សារសំរោងយ៉ាងសន្ធោសន្ធៅទាំងយប់ ៕
ចែករំលែកព័តមាននេះ