មុនពេលលោកមហាសេដ្ឋីម៉ាក ឃ្យូបេន (Mark Cuban) បានក្លាយជាមហាសេដ្ឋី លោកបានចំណាយយុវវ័យរបស់លោករស់នៅជីវភាពដ៏ក្រីក្រ និងត្រូវធ្វើការចម្លែកៗជាច្រើនដើម្បីរកបានចំណូលសម្រាប់ចិញ្ចឹមជីវិត។ រហូតដល់ឆ្នាំ ១៩៩០ ពេលដែលលោកបានលក់ក្រុមហ៊ុន…
មុនពេលលោកមហាសេដ្ឋីម៉ាក ឃ្យូបេន (Mark Cuban) បានក្លាយជាមហាសេដ្ឋី លោកបានចំណាយយុវវ័យរបស់លោករស់នៅជីវភាពដ៏ក្រីក្រ និងត្រូវធ្វើការចម្លែកៗជាច្រើនដើម្បីរកបានចំណូលសម្រាប់ចិញ្ចឹមជីវិត។
រហូតដល់ឆ្នាំ ១៩៩០ ពេលដែលលោកបានលក់ក្រុមហ៊ុន MicroSolutions របស់លោកក្នុងតម្លៃ ៦លានដុល្លារទើបលោករកបានសន្តិសុខហិរញ្ញវត្ថុពិតប្រាកដ។ ខណៈដែលឆ្លងកាត់ទុក្ខលំបាកជាច្រើននេះ លោកបានរៀនសូត្រនូវមេរៀនសំខាន់ៗដែលអ្នកអាចរៀនសូត្របាន៖
១. កុំទិញអ្វីដែលលើសពីសមត្ថភាពរបស់ខ្លួន
វិនិយោគិនដ៏ល្បីឈ្មោះម្នាក់នេះបានផ្តល់ដំបូន្មានឲ្យមនុស្សម្នាក់ៗរស់នៅប្រៀបដូចខ្លួនជាសិស្ស។ មានន័យថា អ្នកត្រូវតែជៀសវាងការចាយវាយច្រើនពេក និងការចាយវាយលើអ្វីដែលអ្នកមិនត្រូវការក្នុងជីវិត។
លោកបានបកស្រាយថា “អ្នកមិនចាំបាច់ត្រូវទិញអ្វីគ្រប់យ៉ាងទេ ជាពិសេសពេលដែលវាលើសពីសមត្ថភាពរបស់អ្នក។ អ្នកទុកលុយក្នុងធនាគារកាន់តែច្រើន អ្នកក៏មានស្ថានការកាន់តែល្អដែរប្រសិនបើមានបញ្ហាកើតមានឡើង។”
២. សន្សំលុយឲ្យបានគ្រប់ការចាយវាយមួយឆ្នាំសិនមុននឹងយកវាទៅវិនិយោគ
មុនមានការផ្ទុះជំងឹកូវីដ ១៩ ក្នុងឆ្នាំ ២០២០ នេះ លោកឃ្យូបេនបានផ្តល់យោបល់ឲ្យមនុស្សម្នាក់ៗសន្សំលុយឲ្យបានគ្រប់ការចាយវាយប្រមាណ ៦ខែ ប៉ុន្តែក្នុងស្ថានការបច្ចុប្បន្ននេះ លោកផ្តល់យោបល់ឲ្យសន្សំឲ្យគ្រប់ការចាយវាយមួយឆ្នាំទៅវិញ។
ពេលដែលអ្នកសន្សំបានគ្រប់ហើយទើបអ្នកគួរយកលុយដែលនៅសល់ទៅចាប់ផ្តើមវិនិយោគដើម្បីបង្កើនប្រាក់ចំណូល។
៣. រៀបចរចា
លោកមហាសេដ្ឋីឃ្យូបេនបានប្រាប់មកទៀតថា ការប្រើលុយគឺជាមធ្យោបាយចរចាដ៏អស្ចារ្យមួយ។ ដូច្នេះអ្នកត្រូវតែរៀនតថ្លៃ និងចចារតម្លៃសម្រាប់អ្វីដែលអ្នកមានគម្រោងទិញ។ លោកបានចែករំលែកមកថាបច្ចុប្បន្នលោកមិនធ្វើដូច្នេះញឹកញាប់ទេ ប៉ុន្តែវាជាវិធីសាស្ត្រដែលជួយឲ្យលោកឆ្លងកាត់បញ្ហាហិរញ្ញវត្ថុជាច្រើនពេលនៅវ័យក្មេង ៕
ចែករំលែកព័តមាននេះ