COVID-19 រលកទី២ នៃការឆ្លងក្លាយជាការពិត
ការឆ្លងរាលដាលនៃវីរុស COVID-19 ៖ រលកទី២នៃការឆ្លងវីរុស COVID-19 ដែលពិភពលោកទាំងមូលព្រួយបារម្ភនោះ កាលពីថ្ងៃទី១៣ កញ្ញា បានក្លាយជាការពិត ដោយនៅប្រទេសអូទ្រីស…
ការឆ្លងរាលដាលនៃវីរុស COVID-19 ៖ រលកទី២នៃការឆ្លងវីរុស COVID-19 ដែលពិភពលោកទាំងមូលព្រួយបារម្ភនោះ កាលពីថ្ងៃទី១៣ កញ្ញា បានក្លាយជាការពិត ដោយនៅប្រទេសអូទ្រីស ពាក្យនេះត្រូវបានប្រើជាផ្លូវការ ហើយនៅអ៊ីស្រាអែលមានការបង្ចាំងកម្រិតជាតិជាថ្មីយ៉ាងតិច៣សប្ដាហ៍ ។
នាយប់ថ្ងៃទី១៣ កញ្ញា នាយករដ្ឋមន្ត្រីអ៊ីស្រាអែលលោកបេនចាមីននេតាន់យ៉ាហ៊ូថ្លែងថា ពេល
នេះរដ្ឋាភិបាលបានសម្រេចអនុវត្តការបង្ខាំងម៉ឺងម៉ាត់រយៈពេល៣សប្ដាហ៍ ជាមួយជម្រើសពង្រីក
វិធានការនោះ ។ កាលពីសប្ដាហ៍មុនអាជ្ញាធរបានដាក់រួចហើយបំរាមគោចរណ៍ក្នុងទីក្រុងប្រមាណជា៤០របស់ប្រទេសពិសេសក្នុងបណ្ដាទីក្រុងអារ៉ាប់ និងជ្វីវអ័រតូដុក តែនៅមិនអាចរារាំងការឆ្លងបានដោយចំនួនអ្នកឆ្លងនៅតែកើន ។
អត្រាអ្នកឆ្លងវីរុស ក្នុងប្រទេសនោះមានការកើនឡើងដែលចំនួនអ្នកឆ្លងបច្ចុប្បន្ន មានដល់១៥៣.២១៧នាក់ ក្នុងនោះមានអ្នកស្លាប់១.១០៣នាក់ សម្រាប់ប្រទេសមានប្រជាជន៩លាននាក់នោះ ។ ការបង្ខាំងប្រទេសជាថ្មីត្រូវចូលជាធរមានចាប់ពីថ្ងៃទី១៨ កញ្ញា ទៅសម្រាប់បុណ្យចូលឆ្នាំថ្មីជ្វីវហៅបុណ្យ BOSH HASHANA ។
ទីក្រុងវីយែនរដ្ឋធានីអូទ្រីសកាលពីថ្ងៃទី១២កញ្ញា ចំនួនអ្នកឆ្លងវីរុសថ្មីមានដល់ជាងពាក់កណ្ដាលនៃអ្នកឆ្លងថ្មី៨៧០នាក់នៅអូទ្រីស ។ អធិការបតីប្រទេសនោះលោក SEBASTIAN KURZ ថ្លែងថា ប្រទេសកំពុងចាប់ផ្ដើមរលកទី២នៃការឆ្លង និងថាចំនួនអ្នកឆ្លងថ្មីក្នុងពេលឆាប់ៗនេះនឹងមានលើសពី១.០០០នាក់ក្នុង១ថ្ងៃ ។
លោកអំពាវនាវដល់ប្រជាជនឲ្យគោរពម៉ឺងម៉ាត់បណ្ដាវិធានការប្រឆាំងវីរុស និងកាត់បន្ថយឲ្យបានច្រើនបំផុតរាល់ការជួបជុំគ្នា ។ ចាប់ពីថ្ងៃទី១៤កញ្ញា ទៅម៉ាសដែលត្រូវពាក់ជាការតព្វកិច្ចរួចហើយក្នុងបណ្ដាផ្សារទំនើប និងក្នុងមធ្យោបាយដឹកជញ្ជូន រួមនោះនឹងត្រូវអនុវត្តក្នុងគ្រប់ហាង និងគ្រប់អគារសាធារណៈនៅអូទ្រីស ។
ការព្រួយបារម្ភពីការឆ្លងរលកទី២ ក៏មាននៅប្រទេសឆេក ដែលតាមក្រសួងសុខាភិបាលថា
ក្នុងប្រទេសមានការកើនឡើងនៃចំនួនអ្នកឆ្លងវីរុសថ្មី៣ថ្ងៃជាប់ៗគ្នា ដោយកាលពីថៃ្ងទី១២កញ្ញា មានអ្នកឆ្លងថ្មីដល់ទៅ១.៥៤១នាក់ ។
ប្រទេសមានប្រជាជន១០,៧លាននាក់នោះ ពេលនេះជាប្រទេស១ក្នុងចំណោមរដ្ឋ៣ទៀតជាសមាជិកសហភាពអឺរ៉ុប ដែលការឆ្លងប្រចាំថ្ងៃនៃវីរុសកំពុងមានលឿនបំផុតជាថ្មីបន្ទាប់ពីបារាំង និងអ៊ីតាលី ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ