ការឆ្លងរាលដាលនៃវីរុស COVID-19 ៖ អង្គការសុខភាពពិភពលោក WHO រាយការណ៍នាថ្ងៃទី១៤ កញ្ញាថា ចំនួនអ្នកឆ្លងប្រចាំថ្ងៃនៃវីរុសCOVID-19 ក្នុងពិភពលោកមានដល់កម្រិតកំពូលជាមួយអ្នកឆ្លងថ្មីដល់ទៅ៣០៧.៩៣០នាក់នាថ្ងៃនោះ ។
ការកើនឡើងដ៏ច្រើននោះត្រូវបានកត់សម្គាល់ឃើញនៅឥណ្ឌា សហរដ្ឋអាមេរិក និងប្រេស៊ីល ដោយនៅឥណ្ឌាចំនួនអ្នកឆ្លងថ្មីប្រចាំថ្ងៃមានដល់៩៤.៣៧២នាក់ អាមេរិក៤៥.៥២៣នាក់ និង
ប្រេស៊ីល៤៣.៧១៨នាក់ ។ ការឆ្លងវីរុសនោះក៏បណ្ដាលឲ្យមនុស្សបាត់បង់ជីវិតថែមទៀត៥.៥៣៧នាក់២៤ម៉ោងចុងក្រោយនេះនាំឲ្យចំនួនសរុបនៃអ្នកបាត់បង់ជីវិតលើពិភពលោកកើនដល់៩២១.០៩៧នាក់។
ចំនួនអ្នកឆ្លងវីរុសថ្មី២៤ម៉ោងធ្លាប់មានដល់កម្រិតកំពូលលើកមុន កាលពីថ្ងៃទី៦ កញ្ញា ជាមួយអ្នកឆ្លងដល់៣០៦.៨៥៧នាក់ ។ ចំណែកចំនួនអ្នកបាត់បង់ជីវិតមួយថ្ងៃដែលមានច្រើនបំផុតលើកមុន គឺកាលពីថ្ងៃទី១៧មេសាជាមួយអ្នកបាត់បង់ជីវិត១២.៤៣០នាក់ ។
ចំនួនអ្នកឆ្លងលើពិភពលោកកើនដល់ជាង២៨.៨១៩.៤៩០នាក់ ក្នុងនោះអ្នកជំងឹយ៉ាងតិច១៩.១៣៣.៣០០នាក់ចាត់ទុកថាព្យាបាលជា ។ បន្ទាប់ពីសហរដ្ឋអាមេរិកប្រទេសដែលរងការប៉ះពាល់ខ្លាំងជាងគេដោយសារវីរុសគឹប្រេស៊ីលជាមួយអ្នកបាត់បង់ជីវិត១៣១.២១០នាក់ និងអ្នកឆ្លង៤.៣១៥.៦៨៧នាក់ ។ ឥណ្ឌាចំនួនអ្នកបាត់បង់ជីវិតឡើងដល់៧៨.៥៨៦នាក់ និងអ្នកឆ្លង៤.៧៥៤.៣៥៤នាក់ ម៉ិកស៊ិកស្លាប់៧០.៦០៤នាក់ជាមួយអ្នកឆ្លង៦៦៣.៩៧៣នាក់ និងអង់គ្លេសមានអ្នកបាត់បង់ជីវិត៤១.៦២៣នាក់ជាមួយអ្នកឆ្លង៣៦៥.១៧៤នាក់ ។
តំបន់អាមេរិកឡាទីននិងការ៉ាអ៊ីបគិតដល់ថ្ងៃទី១៤ កញ្ញា វេលាម៉ោង១១ម៉ោងសកល ចំនួនអ្នក
បាត់បង់ជីវិតមានដល់៣០៩.៣៧១នាក់ និងអ្នកឆ្លង៨.២២៩.២១៥នាក់ ។ អឹរ៉ុបចំនួនអ្នកបាត់បង់ជីវិតឡើងដល់២២១.១៤៦នាក់ជាមួយអ្នកឆ្លង៤.៤៧១.៤១០នាក់ ។ សហរដ្ឋអាមេរិក និងកាណាដាមានអ្នកបាត់បង់ជីវិត២០២.៩១៦នាក់ជាមួយអ្នកឆ្លង៦.៦២២.៥០៤នាក់ ។ អាស៊ីចំនួនអ្នកបាត់បង់ជីវិតមាន១១៤.៥១៨នាក់ជាមួយអ្នកឆ្លង៦.៤៤៥.៤៣៨នាក់ ។ តំបន់មជ្ឈឹមបូព៌ាមានអ្នកបាត់បង់ជីវិត៣៩.៨២៩នាក់ និងទ្វីបអាហ្វ្រិកចំនួនអ្នកបាត់បង់ជីវិតកើនដល់៣២.៥០១នាក់ ជាមួយអ្នកឆ្លង១.៣៤៨.៣៧៩នាក់ និងនៅអូសេអានី មានអ្នកបាត់បង់ជីវិត៨៧០នាក់ និងអ្នកឆ្លង៣០.៥៦៣នាក់ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ