ខេត្តបាត់ដំបង ៖ ព្រះសង្ឃ៤៦ក្នុងចំណោម១១៩អង្គ បានកើតអាការៈក្តៅខ្លួន ក្អក និងហៀរសំបោរ ហើយត្រូវដឹកមកសង្គ្រោះដោយមានក្រុមគ្រូពេទ្យជំនាញធ្វើការពិនិត្យយ៉ាងយកចិត្តទុកដាក់បំផុត ហើយក៏បានធូរស្រាលខ្លះវិញហើយ។ នេះបើយោងតាមប្រភពពីមន្ទីរសុខាភិបាលខេត្តបាត់ដំបង ព្រឹកថ្ងៃទី១៤…
ខេត្តបាត់ដំបង ៖ ព្រះសង្ឃ៤៦ក្នុងចំណោម១១៩អង្គ បានកើតអាការៈក្តៅខ្លួន ក្អក និងហៀរសំបោរ ហើយត្រូវដឹកមកសង្គ្រោះដោយមានក្រុមគ្រូពេទ្យជំនាញធ្វើការពិនិត្យយ៉ាងយកចិត្តទុកដាក់បំផុត ហើយក៏បានធូរស្រាលខ្លះវិញហើយ។ នេះបើយោងតាមប្រភពពីមន្ទីរសុខាភិបាលខេត្តបាត់ដំបង ព្រឹកថ្ងៃទី១៤ កញ្ញា ។
ព្រះសង្ឃចំនួន៤៦អង្គដែលរងអាពាធ មានព្រះជន្មពី១១-១៩ព្រះវស្សា គង់នៅវត្តស្វាយដង្គុំ ក្នុងភូមិព្រែកឆ្តោ ឃុំពាមឯក ស្រុកឯកភ្នំ ខេត្តបាត់ដំបង ដែលបាននិមន្តមកពីតាមខេត្តនានា ដើម្បីសិក្សានៅសាលាពុទ្ធិកបឋមសិក្សាក្នុងវត្តនេះ ។
យោងតាមការបញ្ជាក់ពីមន្ត្រីជំនាញមន្ទីរសុខាភិបាលខេត្តឱ្យដឹងទៀតថា ព្រះអង្គកើតអាការក្តៅខ្លួន(៣៧,៥សង្សារ) ដោយក្អក និងហៀរសំបោរ រយៈពេល6ថ្ងៃហើយមានចំនួន៤៦អង្គ ។
បន្ទាប់ពីទទួលបានព័ត៌មាន និងការណែនាំរបស់ឯកឧត្តម ងួន រតនៈ អភិបាលខេត្តបាត់ដំបង នៅវេលាម៉ោងជាង១៩យប់ ក្រុមការងារ RRT មន្ទីរសុខាភិបាលខេត្តដឹកនាំដោយលោកវេជ្ជបណ្ឌិត អ៊ុក វិទ្យា អនុប្រធានមន្ទីរ លោកប្រធានស្រុកប្រតិបត្តិសង្កែ និងសហការី បានចុះពិនិត្យ និងយកសំណាកចំនួន 21អង្គ ចំពោះព្រះសង្ឃដែលនៅមានកម្តៅ ហើយថ្ងៃទី១៤ កញ្ញា នេះ ក្រុមការងារនឹងបន្តចុះកសំណាកទៀត។
ក្នុងនោះ ក្រុមការងារបានណែនាំ លោកអាចារ្យ គណៈគ្រប់គ្រងសាលាពុទ្ធិកៈ ឱ្យចេះអនុវត្តនូវវិធានអនាម័យការពារខ្លួន ពាក់ម៉ាស់ ឆាន់ទឹកក្តៅ។ និងការកំណត់ស្ថានភាពរួមជាបឋមមិនមានភាពធ្ងន់ធ្ងរទេ ប៉ុន្តែយើងត្រូវបន្តតាមដានដោយយកចិត្តទុកដាក់ជាបន្តទៀត ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ