គេវាយឡើងសន្លប់លើរេញ តែអាជ្ញាកណ្ដាលលើកដៃអោយឈ្នះ
- ភ្នំពេញ
រាជធានីភ្នំពេញ ៖ អាចនិយាយបានថា ជាសំណាងផង និងសយផង សម្រាប់ការប្រកួតគូបើកឆាកនៅក្នុងព្រឹត្តិការណ៍ប្រដាល់កំពូលជើងឯក Cell Card Champion កាលពីល្ងាចថ្ងៃទី១២…
រាជធានីភ្នំពេញ ៖ អាចនិយាយបានថា ជាសំណាងផង និងសយផង សម្រាប់ការប្រកួតគូបើកឆាកនៅក្នុងព្រឹត្តិការណ៍ប្រដាល់កំពូលជើងឯក Cell Card Champion កាលពីល្ងាចថ្ងៃទី១២…
រាជធានីភ្នំពេញ ៖ អាចនិយាយបានថា ជាសំណាងផង និងសយផង សម្រាប់ការប្រកួតគូបើកឆាកនៅក្នុងព្រឹត្តិការណ៍ប្រដាល់កំពូលជើងឯក Cell Card Champion កាលពីល្ងាចថ្ងៃទី១២ កញ្ញា ឆ្នាំ២០២០ មុននេះ នៅសង្វៀនព្រែកកំពិសប៉ុស្តិ៍លេខ៥។
បង្គោលខៀវ ដែលឈ្នះនៅក្នុងថ្ងៃនោះ គឺឈ្នះដោយសារតែភាគីម្ខាងទៀត វាយឱ្យសន្លប់ប៉ុណ្ណោះ។ មួយគូដែលបានលើកឡើងនេះ គែ កីឡាករ នឹម នន មកពីក្លិបកីឡាប្រដាល់បញ្ជាការដ្ឋានទ័ពពិសេស ប៉ះជាមួយកីឡាករ ភួង ពិសិដ្ឋ មកពីក្លិបតាឡីមានរិទ្ធ នៃសមាគមប្រដាល់ក្រសួងមហាផ្ទៃ។
នេះជាការប៉ះគ្នាលើកទី១ ដោយមិនទាន់ដឹងថា បច្ចេកទេសនៃការវាយតប់គ្នាបែបណា ហើយឆាកទី១ ម្នាក់ៗស្ទាបស្ទង់រកកលល្បិចឆ្មក់ រកចំណុចខ្សោយ។ មួយគូនេះ ទឹកទី២ អ្នកប្រដាល់ក្នុងប្រភេទទម្ងន់៦០គីឡូក្រាម១គូរ នេះ ចាប់ផ្តើមដឹងទិចនិចគ្នា បណ្តើរៗ ដោយខិតខំរកចំណុចខ្សោយ ដើម្បីបំបាក់ដៃគូរ ដោយចាប់ផ្តើមល្អមើលឡើងមួយកម្រិតទៀត។
យ៉ាងណា បង្គោលក្រហម បានធ្វើការប្រកួតតាំងពីចុងទឹកទី១ ត្រូវបានគេព្រមាន។ លុះដល់ពាក់កណ្តាលទឹកទី២ ស្រាប់តែភ្លាត់វាយ ខុសបច្ចេកទេសម្តងទៀត បង្កអោយដៃគូសន្លប់ស្តូករកតតាំងមិនឃើញ។
ជាការពិនិត្យល្អិតល្អន់ គណៈកម្មការនៃការប្រកួតសម្រេចឱ្យ ខៀវឈ្នះ ធ្វើអោយក្រហមស្ពឹកមុខហួសថ្លែង ខណៈវិជ្ជាគុនរបស់ខ្លួន បញ្ចេញមិនទាន់អស់ពីខ្លួននោះ។
បង្គោលក្រហម នឹម នន ថ្លែងប្រាប់ទាំងស្តាយថា ខ្លួនមិននឹកស្មានថា កំពុងតែឡើងសាច់ដុំ បែរជាប្រកាសអោយចាញ់ទឹកទី២ នៃជំនួបលើកទី១នេះ។ ខ្លួនពិតជាមិនអស់ចិត្តហើយ រកពាក្យនិយាយមិនចេញ មានតែស្រឡាំងកាំងថែមទៀត។
យ៉ាងណា ខ្លួន និងព្យាយាម បង្ហាញស្នាដៃលើសង្វៀនជាបន្តទៀត តាមរយៈវេទិកាលើកក្រោយៗ ហើយនិងបង្ហាញមហាជនអោយចិត្តជុំវិញ វិជ្ជាគុនដែលមានកុំអោយដូច លើកនេះ។
ចែករំលែកព័តមាននេះ