រាជធានីភ្នំពេញ ៖ នារីវ័យក្មេងរូបស្រស់ម្នាក់ដែលលោតទឹកពីលើស្ពានជ្រោយចង្វារ ដោយបានបន្សល់ទុកផ្កា១បាច់ និងស្បែកជើងមួយគូនៅលើស្ពាន បង្កឱ្យមានការភ្ញាក់ផ្អើលកើតឡើងយ៉ាងខ្លាំងកាលពីវេលាម៉ោង៣ទៀបភ្លឺថ្ងៃទី ១១ ខែ កញ្ញឆ្នាំ ២០២០…
រាជធានីភ្នំពេញ ៖ នារីវ័យក្មេងរូបស្រស់ម្នាក់ដែលលោតទឹកពីលើស្ពានជ្រោយចង្វារ ដោយបានបន្សល់ទុកផ្កា១បាច់ និងស្បែកជើងមួយគូនៅលើស្ពាន បង្កឱ្យមានការភ្ញាក់ផ្អើលកើតឡើងយ៉ាងខ្លាំងកាលពីវេលាម៉ោង៣ទៀបភ្លឺថ្ងៃទី ១១ ខែ កញ្ញឆ្នាំ ២០២០ កន្លងមកនេះ ត្រូវបានប្រទះឃើញសពអណ្តែតទឹកកាលពីវេលាម៉ោង១២និង៣០នាទីថ្ងៃត្រង់ថ្ងៃទី១២ ខែកញ្ញា ឆ្នាំ២០២០ នៅចំណុចក្បែរព្រះអង្គដង្កើរ(មុខព្រះបរមរាជវាំង) ផ្លូវព្រះស៊ីសុវត្ថិ ក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ ។ គួររំលឹកថា មុននេះបន្តិចបានឃើញសពនារីរូបស្រស់បន្សល់ទុកបាច់ផ្កា និងស្បែកជើងនៅមុខមុខព្រះបរមរាជវាំង
ពាក់ព័ន្ធនឹងករណីខាងលើនេះ ត្រូវបានប្រជានេសាទខ្មែរអ៊ិស្លាមម្នាក់បានអះអាងថា មុនពេលកើតហេតុ គាត់បានឮសំឡេងឈ្លោះប្រកែកគ្នារវាងនារីម្នាក់ជាមួយនឹងបុរសម្នាក់ ក្បែររថយន្តមួយគ្រឿងម៉ាកហាយឡែនឌ័រ ហើយនារីរងគ្រោះបានស្រែកខ្លាំងៗថា «បើបងឯងមានស្រីថ្មី ទៅចុះ» ។ ក្រោយមកនារីរងគ្រោះក៏លោតចូលទៅក្នុងទឹកលិចបាត់ស្រមោល លុះក្រោយមកក៏ត្រូវបានគេប្រទះឃើញសពអណ្តែតទឹកនៅក្បែរព្រះអង្គដង្កើ មុខព្រះបរមរាជវាំង បង្កការភ្ញាក់ផ្អើលតែម្តង។
តាមប្រភពពីនគរបាលបានប្រាប់ឱ្យដឹងថា នារីរងគ្រោះមានឈ្មោះ ចាន់ ស្រីមាន អាយុ ២២ឆ្នាំ មុខរបរសំអាងការ ស្នាក់នៅក្នុងអគារខុនដូរ បន្ទប់គ្មានលេខ ទីតាំងក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ មានស្រុកកំណើតនៅភូមិព្រៃខ្លា ឃុំជំរះពាន ស្រុកសំរោង ខេត្តតាកែវ មានបងប្អូនចំនួន៤នាក់ (ប្រុស២នាក់ ស្រី ២នាក់)។
តាមប្រភពដដែលបានបន្តថា មុនពេលកើតហេតុ កាលពីវេលាម៉ោង៧យប់ថ្ងៃទី១០ ខែ កញ្ញា ឆ្នាំ ២០២០ ឈ្មោះ ថៃ ហាងម៉េង ភេទប្រុស អាយុ ៤៥ឆ្នាំ បានធ្វើខួបកំណើតឱ្យប្រពន្ធឈ្មោះ ចាន់ រស្មី អាយុ៣០ឆ្នាំ (ត្រូវជាបងស្រីបង្កើតរបស់នារីរងគ្រោះ)នៅភោជនីយ ដ្ឋានទន្លេបាសាក់២ ហើយនារីរងគ្រោះក៏បានចូលរួមរហូតដល់ម៉ោង៩យប់ ទើបចប់កម្មវិធី ហើយបងថ្លៃនិងបងស្រីក៏បានជូននាងមកដាក់នៅភោជនីយដ្ឋាន <<អ៊ីដែន>>នៅម្តុំបឹងកក់មួយកន្លែងទៀត រួចហើយពួកគាត់ក៏បាននាំគ្នាចេញមកផ្ទះវិញបាត់អស់ ។
តាមប្រភពដដែលបានប្រាប់បន្តទៀតថា លុះដល់វេលាម៉ោងប្រហែល២និង៤៩នាទីរំលងអធ្រាត្រឈានចូលថ្ងៃទី ១១ ខែ កញ្ញា ឆ្នាំ ២០២០ ឈ្មោះ លី ម៉ានសូត ភេទប្រុស ជនជាតិខ្មែរឥស្លាម អាយុ ៤២ឆ្នាំ មុខរបរនេសាទត្រី កំពុងនៅក្រោមស្ពាន បានឮសំឡេងជនរងគ្រោះឈ្លោះប្រកែកគ្នាជាប់រថយន្តម៉ាក ហាយឡែនឌ័រមួយគ្រឿង ដោយនាងបាន ស្រែកខ្លាំង ៗថា «បើបងឯង មានស្រីថ្មី ទៅចុះ» ។
តាមប្រភពដដែលបានបន្តថា ក្រោយប្រកែកនៅលើស្ពានរួចមក ក៏ឡើងជិះរថយន្តជាមួយគ្នាបន្តឡើងដល់កណ្តាលស្ពាន ក៏ស្រាប់តែឭសំឡេងអ្នកធ្វើដំណើរតាមផ្លូវបានស្រែកអោយជួយ ព្រោះមានមនុស្សស្រីលោតពីលើស្ពានជ្រោយចង្វារ ចូលទៅក្នុងទឹក ពេលនោះបុរសជាខ្មែរអ៊ិស្លាមរូបនោះក៏បានបើកទូកចេញជួយសង្គ្រោះដែរ ប៉ុន្តែពេលទៅជិតដល់ ជនរងគ្រោះក៏បានលិចទៅក្នុងទឹកបាត់ស្រមោលរកមិនឃើញ ដោយសារតែសភាពងងឹតខ្លាំងពេក បុរសខ្មែរអ៊ិស្លាមរូបនោះក៏បើកទូកមកកន្លែង ដើមវិញ។
តាមប្រភពដដែលបានបន្តថា រហូតដល់វេលាម៉ោង១២និង៣០នាទីថ្ងៃត្រង់ថ្ងៃទី១២ ខែ កញ្ញា ឆ្នាំ ២០២០ បុរសឈ្មោះលី ម៉ានសូត បានឃើញប្រជាពលរដ្ឋចោមរោមមើលនៅចំណុចកើតហេតុខាងលើ ក៏បានបើកទូកមកមើលទើបដឹងថា «ជានារីរងគ្រោះ ដែលបាន លោតពីលើស្ពានកាលពីប៉ុន្មានថ្ងៃមុន» ។
ក្នុងពេលដែលមានការភ្ញាក់ផ្អើលកើតឡើង ដោយយបានប្រទះឃើញសពនារីរងគ្រោះអណ្តែតនៅចំណុចខាងលើនោះ ក៏មានវត្តមានបងប្អូន សាច់ញាតិ មិត្តភក្តិរបស់នាងបានមកដល់ និងប្រជាពលរដ្ឋយ៉ាងច្រើនកុះករនាំគ្នាមកចោមរោមមើល ។ កម្លាំងមានសមត្ថកិច្ចកម្លាំង និងសមត្ថកិច្ចមូលដ្ឋានខណ្ឌដូនពេញ ក៏បានធ្វើការសហការជាមួយនឹងការិយាល័យបច្ចេកទេសវិទ្យាសាស្ត្រ ការិយាល័យព្រហ្មទណ្ឌកំរិតធ្ងន់ និងគ្រូពេទ្យអមសាលាដំបូងរាជធានីភ្នំពេញ ដើម្បីបង្កើតជាគណៈកម្មាធិការ ចុះមកធ្វើការត្រួតពិនិត្យ និងរកទូកអូសលើកយកសពនារីរងគ្រោះឡើងលើគោក ធ្វើការត្រួតពិនិត្យ និងកោសលវិច្ច័យយ៉ាងល្អិតល្អន់ផងដែរ។
គួរបញ្ជាក់ថា ករណីនេះដែរបានកើតឡើងកាលពីវេលាម៉ោង៣ទៀបភ្លឺថ្ងៃទី ១១ ខែ កញ្ញា ឆ្នាំ២០២០ នៅលើស្ពានជ្រោយចង្វារក្នុងសង្កាត់ស្រះចក ខណ្ឌដូនពេញ ដោយបន្សល់ទុកផ្កា ១បាច់ និង ស្បែកជើង១គូ ក្រោយពីនារីរងគ្រោះបានវិលមកពីចូលរួមខួបកំណើតបងស្រីបង្កើតរបស់ខ្លួន នៅក្នុងភោជនីយ៍ដ្ឋានទន្លេបាសាក់២ រួចហើយក៏បន្តអោយ បងថ្លៃ និង បងស្រីជូន ទៅទម្លាក់នៅភោជនីយដ្ឋានមួយទៀតមានឈ្មោះ អ៊ីដែន នៅម្តុំបឹងកក់ មួយទៀត។ ប៉ុន្តែនៅពេលដែលនារីរងគ្រោះចូលទៅភោជនីយដ្ឋាន អ៊ីដែន នោះ មិនមានអ្នកណាម្នាក់បានដឹងថា នៅជាមួយអ្នកណាម្នាក់ឡើយ ហើយក៏មិនបានដឹងថា នាងមានជម្លោះអ្វីជាមួយនឹងអ្នកណាម្នាក់ច្បាស់ដែរ ដោយនាងត្រូវបានបងប្អូនបញ្ជាក់ថា រូបនាងមានសង្សាររស់នៅឯសហរដ្ឋអាមេរិកផងដែរ។
ក្រោយពីរបស់កម្លាំងអាជ្ញាធរខណ្ឌដូនពេញ សហការជាមួយនិងកម្លាំងជំនាញនាំការិ យាល័យបច្ចេកទេសវិទ្យាសាស្ត្រ កោសលវិច្ច័យនៃស្នងការនគរបាលរាជធានីភ្នំពេញ និងកម្លាំងការិយាល័យនគរបាលព្រហ្មទណ្ឌកំរិតធ្ងន់ ដោយឆ្លងកាត់ តាមការពិនិត្យរបស់លោឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យអមសាលាដំបូងរាជធានីភ្នំពេញ បានបញ្ជាក់ថា នារីរងគ្រោះបាត់បង់ជីវិតដោយសារលង់ទឹក ។ បន្ទាប់ពីពិនិត្យរួច ក៏ប្រគល់សពអោយក្រុមគ្រួសារយកទៅតម្កល់ទុកនៅវត្តទឹកថ្លា ខណ្ឌសែនសុខ ដើម្បីរៀបចំធ្វើបុណ្យតាមប្រពៃណី ៕ (កែសម្រួលដោយ ៖ ធីតា)
ចែករំលែកព័តមាននេះ