រាជធានីភ្នំពេញ ៖ ស្តង់លក់ជាមួយប្រូម៉ូសិនពិសេសរបស់ក្រុមហ៊ុន ខ្មែរ ប៊ែវើរីជីស បានទាក់ទាញអតិថិជនជាច្រើនមកទិញផលិតផល ៤មុខគឺ ទឹកក្រូចអាយស៍ IZE ភេសជ្ជៈប៉ូវកម្លាំងវើក WURKZ ស្រាបៀរ កម្ពុជា និងទឹកបរិសុទ្ធ កម្ពុជា ។

កញ្ញា រុំ ដារ័ត្ន ដែលឈប់យានជំនិះទិញទឹកក្រូចអាយស៍កូឡា នៅស្តង់លក់ផ្សារព្រែកឯង និយាយថា ៖ «ការពិតទៅ ខ្ញុំចូលចិត្តអាយស៍ស្រាប់ ។ ដល់តែជិះកាត់មកឃើញមានប្រូម៉ូសិនទៀត ចាំអង្កាល់ដឹងតែទិញហើយ ។ ណាមួយត្រូវចំពេលជិតភ្ជុំទៀត អ៊ីចឹងខ្ញុំទិញទុកទៅវត្តខ្លះ ហើយទិញផ្ញើជូនម៉ាក់ខ្ញុំ ដែលនៅផ្ទះផ្សេងគ្នាទុកគ្រាន់យកទៅវត្តដែរ» ។

លោក គង់ សុផល អតិថិជនម្នាក់ទៀតដែលបានចូលទិញនៅស្តង់ជិតផ្សារដើមគរ ជាប់ចំណតរថយន្តក្រុង រិទ្ធិ មុនី បានឲ្យដឹងថា ៖ «ខ្ញុំចេះតែទិញទុកទៅ ទាន់គេមានប្រូម៉ូសិន ហើយវាល្អដែរ ម៉េចម៉ាគ្រាន់យកទៅវត្ត ហើយទុកខ្លះឲ្យកូនទៅ ព្រោះកូនខ្ញុំវាចូលចិត្តផឹកទឹកក្រូចអាយស៍ IZE ហ្នឹងដែរ» ។

អតិថិជននិយមគាំទ្រផលិតផលក្រុមហ៊ុន ខ្មែរ ប៊ែវើរីជីស អាចអញ្ជើញស្វែងរកទីតាំងលក់នៅទូទាំងប្រទេស និងផ្សារដែលនៅភ្នំពេញដូចជា ផ្សារព្រែកព្នៅ ផ្សារទួលសង្កែរ ផ្សារសំ ផាន ផ្សារអូឡាំពិក ផ្សារអូរឫស្សី ផ្សារសែនមេត្រី ផ្សារស្ទឹងមានជ័យចាស់ ផ្សារប៉េសេ ផ្សារ ទួលពង្រ ផ្សារត្រពាំងថ្លឹង រោងចក្រ QMI ផ្សារជម្ពូវ័ន ផ្សារដើមគរ ផ្សារឈូកមាស ផ្សារបឹងបៃតង ផ្សារព្រែកឯង ផ្សារច្បារអំពៅ ផ្សារកំបូល និងផ្សារថ្នល់ទទឹង ដែលនៅជិតលោកអ្នក ។

ក្រៅពីមានលក់នៅតាមទីតាំងផ្សារខាងលើ អតិថិជនដែលស្នាក់នៅក្នុងគម្រោង ផាក លែន ៥៩៨ បុរីពិភពថ្មី និងបុរីប៉េងហួតបឹងស្នោរ ក៏អាចស្វែងរកផលិតដ៏មានគុណភាពពី ខ្មែរ ប៊ែវើរីជីស ក្បែរគេហដ្ឋានរបស់លោកអ្នកបានផងដែរ ៕ អត្ថបទសហការ