តើមានគុណសម្បត្តិបែបណាខ្លះដែលអ្នកស្រី មីស្សែល អូបាម៉ា (Michelle Obama) ដែលជាភរិយារបស់អតីតប្រធានាធិបតីអាមេរិកគឺលោក បារ៉ាក់ អូបាម៉ា (Barack Obama) រកពេលដែលជ្រើសរើសបុគ្គលិកដែលចង់ធ្វើការឲ្យអ្នកស្រី? ជាដំបូងគឺការប្តេជ្ញាក្នុងការធ្វើការកំប៉ិកំប៉ុកដោយមានអាកប្បកិរិយាល្អ។
អ្នកស្រីបានចែករំលែកនូវដំបូន្មានក្នុងអាជីពដែលអ្នកស្រីទើបតែនិយាយប្រាប់ទៅកូនស្រីអាយុ ២២ឆ្នាំ ក្នុងកម្មវិធី The Michelle Obama Podcast ថា «ពួកយើងបាននិយាយពីការជះឥទ្ធិពល និងការដែលយុវវ័យ ឬមនុស្សដែលនៅវ័យក្មេងជាច្រើនចង់ចូលរួមក្នុងការផ្លាស់ប្តូរដែលឿន។»
ប៉ុន្តែអ្នកស្រីបានបកស្រាយថា ភាពជោគជ័យទាមទារការខិតខំប្រឹងប្រែង និងការធ្វើការងារកំប៉ិកកំប៉ុក។ សម្រាប់អ្នកស្រី មនុស្សដែលនៅវ័យក្មេងដែលបានធ្វើការជាមួយអ្នកស្រីបានយូរជាងគេគឺជាមនុស្សដែលបានចាប់ផ្តើមពីការធ្វើការកំប៉ិកំប៉ុកជាងគេដែរ ដូចជាការស្ម័គ្រចិត្តទៅយកសម្ភារៈនៅអាកាសយានដ្ឋាន ឬរៀបចំទីតាំងមុនពេលមានកម្មវិធីអ្វីមួយជាដើម។
បច្ចុប្បន្ននេះមានមនុស្សទាំងនេះគឺជាមនុស្សដែលអ្នកស្រីជឿជាក់ជាងគេក្នុងផ្នែកគ្រប់គ្រងពេលវេលារបស់អ្នកស្រី ដឹកនាំកម្មវិធីផ្សព្វផ្សាយសៀវភៅ ឬធ្វើការក្នុងក្រុមហ៊ុនផលិតកម្មរបស់អ្នកស្រីផងដែរ។
អ្នកស្រីបានប្រាប់មកទៀតថា «អ្នកគួរមើលមនុស្សនៅវ័យក្មេងធ្វើការងារដែលពួកគេមិនចង់ធ្វើ ការងារដែលមិនទទួលបានការអរគុណ ដែលមិនសប្បាយ។ មនុស្សទាំងនោះគឺជាមនុស្សដែលខ្ញុំរក និងគិតថា មនុស្សម្នាក់នេះត្រៀមខ្លួនសម្រាប់ការងារអ្វីទាំងអស់ មនុស្សម្នាក់នេះចង់ធ្វើការងារកាន់តែមានន័យជាងនេះទៀត ខ្ញុំត្រៀមខ្លួននឹងវិនិយោគលើពួកគេហើយ។»
ក្រៅពីនេះហើយ អ្នកស្រីអូបាម៉ាបានប្រាប់មកថា មនុស្សដែលនៅវ័យក្មេងដែលកំពុងរកអ្នកណែនាំគួរតែគិតពីអ្វីដែលពួកគេមានជាមុនសិន។ ប្រសិនបើអ្នកកំពុងតែរកអ្នកណែនាំ អ្នកគួរតែព្យាយាមណែនាំខ្លួនឯងទៅមនុស្ស និងចាប់ផ្តើមការសន្ទនាដែលមានន័យ។ អ្នកអាចសុំណាត់ជួបពួកគេ និងសួរនូវសំណួរដែលអ្នកមាន ៕
ចែករំលែកព័តមាននេះ