បេរូត ៖ ខណៈនេះ អគ្គិភ័យដ៏ធំមួយ បាននិងកំពុងឆាបឆេះបញ្ចោញផ្សែងយ៉ាងខ្មួលខ្មាញ់ នៅឃ្លាំងស្តុកប្រេងនិងសំបកកង់នៅកំពង់ផែបេរូត នៅរដ្ឋធានីបេរូត ប្រទេសលីបង់ នៅថ្ងៃព្រហស្បតិ៍ ទី១០ កញ្ញា ២០២០ ពោលគឺ ជាងមួយខែ បន្ទាប់ពីកំពង់ផែនេះ រងការផ្ទុះដ៏ធំមួយបានបំផ្លាញតំបន់ជុំវិញ ដោយសារផ្ទុះធាតុគីមីអាម៉ូញ៉ូមនីត្រាត ។
ប្រភពយោធានិយាយថា មូលហេតុនៃការឆាបឆេះនេះ សមត្ថកិច្ចមិនទាន់ដឹងច្បាស់នៅឡើយទេ ។
រូបភាពកំពុងផ្សាយផ្ទាល់ បានបង្ហាញក្រុមអ្នកពន្លត់អគ្គីភ័យ កំពុងព្យាយាមរារាំងអគ្គិភ័យ នៅកំពង់ផែ ។
សូមរម្លឹកថា មនុស្សប្រហែល ១៩០នាក់បានស្លាប់ នៅក្នុងការផ្ទុះកាលពីថ្ងៃទី៤ ខែសីហា ២០២០ ហើយតំបន់កំពង់ផែ ។ ការផ្ទុះលើកមុននោះ បណ្តាលមកពីឃ្លាំងស្តុកដ៏ធំ នៃអាម៉ូញ៉ូមនីត្រាត ដែលត្រូវបានរក្សាទុកនៅកំពង់ផែ ក្នុងស្ថានភាពមិនល្អ អស់រយៈពេលជាច្រើនឆ្នាំ ។
សូមទស្សនាការផ្សាយផ្ទាល់ពី Reuters ៖
ចែករំលែកព័តមាននេះ