ប្រទេសចិន ៖ បណ្ដាវ៉ាក់សាំងប្រឆាំងវីរុសCOVID-19 កាលពីថ្ងៃទី៩ កញ្ញា ជាព័ត៌មានបច្ចុប្បន្នភាពរបស់បណ្ដាសារព័ត៌មានចិន ។ពិសេសបំផុតតាមទីភ្នាក់ងារព័ត៌មានចិនស៊ីនហួគឺការបង្ហាញមួយផ្នែកនៃវ៉ាក់សាំងទាំងនោះ ដែលបច្ចុប្បន្នស្ថិតក្នុងដំណាក់កាលទី៣នៃការសាកល្បងគ្លីនិកលើមនុស្សជាង៤០.០០០នាក់ ។ ប៉ុន្តែគឺកាសែត…
ប្រទេសចិន ៖ បណ្ដាវ៉ាក់សាំងប្រឆាំងវីរុសCOVID-19 កាលពីថ្ងៃទី៩ កញ្ញា ជាព័ត៌មានបច្ចុប្បន្នភាពរបស់បណ្ដាសារព័ត៌មានចិន ។ពិសេសបំផុតតាមទីភ្នាក់ងារព័ត៌មានចិនស៊ីនហួ
គឺការបង្ហាញមួយផ្នែកនៃវ៉ាក់សាំងទាំងនោះ ដែលបច្ចុប្បន្នស្ថិតក្នុងដំណាក់កាលទី៣នៃការសាកល្បងគ្លីនិកលើមនុស្សជាង៤០.០០០នាក់ ។
ប៉ុន្តែគឺកាសែត CAIXIN ជាកាសែតសេដ្ឋកិច្ចដែលសរសេរថា ក្នុងចំណោមវ៉ាក់សាំងចិនទាំងនោះមួយចំនួនបានចាក់ឲ្យមនុស្សច្រើនរយពាន់នាក់រួចហើយ ដែលមានពួកយោធាបណ្ដាអ្នកចំណាកស្រុកនិងកម្មករដែលទៅធ្វើការនៅតាមសហគ្រាសសំណង់ធំៗឯបរទេស ។ ពួកអ្នកទាំងនេះទទួលការចាក់វ៉ាក់សាំងដែលការធ្វើតេស្តសាកល្បងនៅមិនទាន់ចប់សព្វគ្រប់នៅឡើយ។
ចំណែកកាសែត GLOBAL TIMES បានហៅការនិយាយពីរឿងដែលគេថា វ៉ាក់សាំងត្រូវ
បានចាក់ឲ្យបណ្ដានិស្សិតថា ជាពាក្យចចាមអារ៉ាមដែលគ្មានមូលដ្ឋាន ។ កាសែតនោះរំឭកថា ការចាក់សាកល្បងធ្វើដោយស្ម័គ្រចិត្តដើម្បីត្រួតពិនិត្យប្រសិទ្ធភាពនៃវ៉ាក់សាំងនោះ ។
ប្រេស៊ីលថាវ៉ាក់សាំងចិនមានប្រើចាប់ពីខែធ្នូទៅអភិបាលរដ្ឋសាវប៉ូឡូប្រេស៊ីលអះអាងកាលពីថ្ងៃទី៩ កញ្ញាថា ការសាកល្បងគ្លីនិកនៅប្រេស៊ីលវ៉ាក់សាំងប្រឆាំងវីរុស COVID-19 ផលិតដោយក្រុមហ៊ុនចិន SINOVAC ត្រូវបានលាតត្រដាងថា មានលទ្ធផលវិជ្ជមានបំផុតនិងថា យុទ្ធនាការចាក់វ៉ាក់សាំងនោះ ក្នុងទ្រង់ទ្រាយធំ នឹងអាចចាប់ផ្ដើមចាប់ពីខែធ្នូទៅ ។
វ៉ាក់សាំងនោះមានឈ្មោះថា CORONAVAC បច្ចុប្បន្នកំពុងសាកល្បងក្នុងដំណាក់កាលទី៣ ជាដំណាក់កាលចុងក្រោយមុនពេលដាក់ធ្វើពាណិជ្ជកម្ម ។ ការធ្វើតេស្តសាកនោះធ្វើលើមនុស្សច្រើនពាន់នាក់ជាអ្នកស្ម័គ្រចិត្តក្នុងរដ្ឋ៦របស់ប្រេស៊ីលក្នុងនោះមានរដ្ឋសាវប៉ូឡូ ដែលរងការប៉ះពាល់ខ្លាំងជាមួយអ្នកឆ្លងជាង៨៥០.០០០នាក់និងអ្នកស្លាប់៣១.៤៣០នាក់ ។
យោងតាមអភិបាលរដ្ឋនោះលោក JOAO DORIA ថា វ៉ាក់សាំងចិននេះនាំឲ្យមានការឆ្លើយតបបង្កើតប្រព័ន្ធការពាររាងកាយដល់៩៨%នៃមនុស្សដែលបានចាក់មានអាយុលើសពី៦០ឆ្នាំទៅ ដោយគ្មានឥទ្ធិពលបន្ទាប់បន្សំណាមួយឡើយ ។ លទ្ធផលពិតជាវិជ្ជមានបំផុត ។ តាមការព្យាករណ៍វ៉ាក់សាំងនោះយើងអាចទទួលបានចាប់ពីខែធ្នូទៅ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ