ខេត្តតាកែវ ៖ នេះចាត់ទុកថា ជាមោទនភាពបំផុតនៅតំបន់អភិរក្សព្រែកល្ពៅ នៃស្រុកបូរិជលសារ ត្រូវបានក្រុមជំនាញបានប្រទះឃើញប្រភេទសត្វទង់ប្រផេះ និងសត្វត្រដក់ធំ ខណៈនៅពេលចុះល្បាត កាលពីថ្ងៃទី៧ ខែកញ្ញា…
ខេត្តតាកែវ ៖ នេះចាត់ទុកថា ជាមោទនភាពបំផុតនៅតំបន់អភិរក្សព្រែកល្ពៅ នៃស្រុកបូរិជលសារ ត្រូវបានក្រុមជំនាញបានប្រទះឃើញប្រភេទសត្វទង់ប្រផេះ និងសត្វត្រដក់ធំ ខណៈនៅពេលចុះល្បាត កាលពីថ្ងៃទី៧ ខែកញ្ញា ឆ្នាំ២០២០ ។ ប្រភេទសត្វនេះ គឺរស់នៅតំបន់ដីសើម និងកំពុងមានវត្តមាននៅក្នុងតំបន់ការពារទេសភាពបឹងព្រែកល្ពៅ ក្នុងខេត្តាកែវ ។
លោក ឆយ ម៉ុនលី ប្រធានមន្ទីរបរិស្ថានខេត្តតាកែវ បានឱ្យដឹងថា សត្វទង់ប្រផេះ មានកម្ពស់ចន្លោះ១២៧-១៤០សង់ទីម៉ែត្រ និងត្រូវបានគេចាត់ទុកជាប្រភេទសត្វជិតទទួលរង គ្រោះថ្នាក់ ។ រីឯសត្វត្រដក់ធំ មានកម្ពស់ចន្លោះ១៤៥-១៥០សង់ទីម៉ែត្រ និងត្រូវបានចាត់ទុកជាប្រភេទ «សត្វកំពុងរងគ្រោះថ្នាក់ជិតផុតពូជ EN» ក្នុងបញ្ជីក្រហមរបស់អង្គការ IUCN ។
លោកប្រធានមន្ទីរបញ្ជាក់ថា «តាមរយៈការសហការជាមួយដៃគូ និងអាជ្ញាធរពាក់ព័ន្ធនតាមតំបន់ការពារទេសភាព បឹងព្រែកល្ពៅ មានវត្តមានសត្វស្លាបប្រមាណ៤០ប្រភេទ រួមទាំងសត្វទង់ប្រផេះ និងសត្វត្រដក់ធំ នេះដែរ ។ ហើយនៅពេលនេះយើងកំពុងតែអភិរក្សការនៅតំបន់នោះយ៉ាងតឹងតែងបំផុត ដើម្បីកុំឱ្យមានការបរបាញ់ពីសំណាក់ជនអគតិមួយចំនួនតូច ហើយបើសិនជាកម្លាំងយើងចាប់បាន ជនសង្ស័យដែលបានលបលួចចូលមកបាញ់សត្វគ្រប់ប្រភេទនៅតំបន់ហាមឃាត់នោះ យើងនឹងកសាងសំណុំរឿងបញ្ជូនទៅសាលាដំបូងខេត្ត ដើម្បីកាត់ទោស ព្រោះប្រភេទសត្វទាំងអស់នោះជាប្រភេទសត្វជិតផុតពូជ និងជាប្រភេទសត្វដ៏កម្រផងដែរ»៕
ចែករំលែកព័តមាននេះ