រាជធានីភ្នំពេញ ៖ បានឃើញឯកសារមួយចេញពីសាលាដំបូងរាជធានីភ្នំពេញ សម្រេចដាក់បុគ្គលមួយក្រុមឱ្យស្ថិតនៅក្រោមការឃុំខ្លួនបណ្តោះអាសន្ន ក្រោយពីពិនិត្យឃើញថា មិនអនុវត្តសេចក្តីសម្រេចរបស់តុលាការ ក្លែងបន្លំឯកសារសាធារណៈ និងបទបំភាន់មន្ត្រីសុរិយោដីឱ្យចុះបញ្ជី ប្រព្រឹត្តនៅ រាជធានីភ្នំពេញ…
រាជធានីភ្នំពេញ ៖ បានឃើញឯកសារមួយចេញពីសាលាដំបូងរាជធានីភ្នំពេញ សម្រេចដាក់បុគ្គលមួយក្រុមឱ្យស្ថិតនៅក្រោមការឃុំខ្លួនបណ្តោះអាសន្ន ក្រោយពីពិនិត្យឃើញថា មិនអនុវត្តសេចក្តីសម្រេចរបស់តុលាការ ក្លែងបន្លំឯកសារសាធារណៈ និងបទបំភាន់មន្ត្រីសុរិយោដីឱ្យចុះបញ្ជី ប្រព្រឹត្តនៅ រាជធានីភ្នំពេញ កាលពីថ្ងៃទី១៧ ខែមករា ឆ្នាំ២០១៥ បទល្មើសព្រហ្មទណ្ឌដែលមានចែងឱ្យផ្តន្ទាទោសតាមបញ្ញតិមាត្រា៥២៣ និងមាត្រា៦២៩ នៃក្រមព្រហ្មទណ្ឌ និងមាត្រា២៥២ នៃច្បាប់ភូមិបាល ។
បុគ្គលដែលដាក់ឱ្យស្ថិតនៅក្រោមការឃុំខ្លួនបណ្តោះអាសន្ននេះ មានចំនួន៦នាក់ រួមទាំងគូកន ។ ក្នុងចំណោមឈ្មោះទាំង៦នាក់នេះ មានខ្មែរម្នាក់ ហើយក្រៅពីនោះសុទ្ធតែជនជាតិចិន ព្រមទាំងកំពុងស្ថិតនៅក្រៅឃុំគ្រប់គ្នានៅឡើយ។
ឯកសារដែលគួរឱ្យកត់សម្គាល់ជាងគេនោះ គឺមានជនជាតិចិនម្នាក់ឈ្មោះ ហ៊ាង ហ្វខាយ (HEANG FOVKHAY) ជនជាតិចិន អភិបាលក្រុមហ៊ុនជីនលីស៊ុន ពាក់ផ្កាយបី ដែលធ្វើឱ្យមហាជនចាប់ផ្តើមមានចម្ងល់ណាស់ ឬមួយក៏លោកផ្កាយបី មានសញ្ជាតិកម្ពុជារួចទៅហើយទេដឹង?
ករណីនេះមិនអាចសុំការបំភ្លឺបានទេ ម្សិលម៉ិញនេះ ។
មហាជននិយាយថា ប្រសិនបើគាត់ជាចិនពិតប្រាកដដូចមានក្នុងឯកសាររបស់តុលាការមែន តើមានសិទ្ធិពាក់ដែរឬអត់? ឆ្ងល់មែនទែន! ឬមួយគ្រាន់តែពាក់សំញែង ពាក់សង្ហារ?
អញ្ជើញមើលរូបថតទៅច្បាស់ហើយ… ឃើញរូបថតពិតជាផ្កាយបីមែន… ផ្កាយបីនៃកងយោធពលខេមរភូមិន្ទស្មោះ… មិនមែនផ្កាយបីយោធាសាធារណរដ្ឋចិនប្រជាមានិតទេ ។
ចិនម្នាក់នេះ ពាក់ផ្កាយបីពិតមែនអត់? ឬមួយគ្រាន់តែពាក់លេង… ពាក់សំញែងឱ្យល្អមើល? មិនអាចសុំការបំភ្លឺពីសាម៉ីខ្លួនបានទេ ម្សិលម៉ិញនេះ ៕
ចែករំលែកព័តមាននេះ