រាជធានីភ្នំពេញ ៖ ស្ត្រីម្នាក់សង្ស័យមានជំងឺប្រចាំកាយជាយូរឆ្នាំ ហើយព្យាបាលមិនជា ទើបគិតខ្លីរហូតឈានទៅដល់ការសម្រេចចិត្តបញ្ចប់ជីវិតដោយចងកក្នុងផ្ទះនៅបន្ទប់ជាន់ទី១ បណ្តាលឱ្យបាត់បង់ជីវិត បង្កការភ្ញាក់ផ្អើលដល់អ្នកផ្ទះស្រែកឆោឡោកាលពីវេលាម៉ោង១១យប់ថ្ងៃទី៩ ខែកញ្ញា ឆ្នាំ២០២០ នៅចំណុចផ្ទះអ៊ុតសក់មួយកន្លែង…
រាជធានីភ្នំពេញ ៖ ស្ត្រីម្នាក់សង្ស័យមានជំងឺប្រចាំកាយជាយូរឆ្នាំ ហើយព្យាបាលមិនជា ទើបគិតខ្លីរហូតឈានទៅដល់ការសម្រេចចិត្តបញ្ចប់ជីវិតដោយចងកក្នុងផ្ទះនៅបន្ទប់ជាន់ទី១ បណ្តាលឱ្យបាត់បង់ជីវិត បង្កការភ្ញាក់ផ្អើលដល់អ្នកផ្ទះស្រែកឆោឡោកាលពីវេលាម៉ោង១១យប់ថ្ងៃទី៩ ខែកញ្ញា ឆ្នាំ២០២០ នៅចំណុចផ្ទះអ៊ុតសក់មួយកន្លែង តាមបណ្តោយផ្លូវបេតុង ស្ថិតក្នុងសង្កាត់គីឡូម៉ែតលេខ៦ ខណ្ឌឬស្សីកែវ រាជធានីភ្នំពេញ ។
ស្ត្រីរងគ្រោះឈ្មោះហួត សោភា អាយុ២៨ឆ្នាំ មានមុខរបរអ្នកលក់ទឹកអំពៅ ស្នាក់នៅផ្ទះកើតហេតុខាងលើ ។
តាមប្រភពព័ត៌មានពីអ៊ំស្រីរបស់ស្ត្រីរងគ្រោះឈ្មោះឡាយ ហ៊ាង អាយុ៧១ឆ្នាំ បានអោយដឹងថា មុនពេលកើតហេតុ ក្មួយស្រីរបស់គាត់មានជំងឺឈឺដុះសាច់ច្រមុះ ហើយធ្លាប់ទៅព្យាបាលនៅមន្ទីរពេទ្យដែរ នៅតែមិនជា រហូតដល់បញ្ចូនទៅកាន់មន្ទីរពេទ្យនៅឯប្រទេសវៀតណាមទៀតក៏នៅតែមិនជាដែរ ហើយបច្ចុប្បន្ននាងមានជំងឺសរសៃប្រសាទ និងមានសតិមិនប្រក្រតីនោះទេ រហូតពេលខ្លះនាងដើរស្រាតថែមទៀតផង ។
តាមប្រភពដដែលបានបន្តទៀតថា ក្មូយស្រីរបស់គាត់មានកូនស្រីម្នាក់ ទើបតែអាយុ៤ឆ្នាំ ហើយបានលែងប្តីផងដែរ ក្នុងរយៈពេលប៉ុន្មានឆ្នាំកន្លងមកនេះទៀតធ្វើអោយនាងគិតអ្វីមិនចេញ ទើបសម្រេចបញ្ចប់ជីវិតដោយចងកក្នុងផ្ទះនៅបន្ទប់ជាន់ទី១ បង្កអោយមានការភ្ញាក់ផ្អើលទៅដល់អ្នកផ្ទះ និងសមត្ថកិច្ចចុះមកជួយអន្តរាគមន៍ធ្វើការកោសល្យវិច្ច័យ ចំណែកសាច់ញាតិបងប្អូននាំគ្នាស្រែកទ្រហោយំបោកខ្លួន សោកស្តាយមិនគួរណាស្ត្រីរងគ្រោះបាត់បង់ជីវិតទាំងវ័យក្មេងបែបនេះសោះ ។
ក្រោយពេលកើតហេតុ សពស្ត្រីរងគ្រោះត្រូវបានសមត្ថកិច្ចប្រគល់ទៅអោយក្រុមគ្រួសារដើម្បីយកទៅធ្វើបុណ្យនៅឯវត្តទួលអស់លោកទីតាមប្រពៃណី ៕ (កែសម្រួលដោយ ៖ ធីតា)
ចែករំលែកព័តមាននេះ