លោក Koeman នៅតែចាត់ទុក Messi ជាតួអង្គសំខាន់ដើម្បីប្រជែង La Liga
អេស្ប៉ាញ ៖ អ្នកចាត់ការទូទៅ Barcelona លោក Ronald Koeman នៅតែបង្ហាញជំនឿជឿជាក់ខ្ពស់ថា Lionel Messi…
អេស្ប៉ាញ ៖ អ្នកចាត់ការទូទៅ Barcelona លោក Ronald Koeman នៅតែបង្ហាញជំនឿជឿជាក់ខ្ពស់ថា Lionel Messi…
អេស្ប៉ាញ ៖ អ្នកចាត់ការទូទៅ Barcelona លោក Ronald Koeman នៅតែបង្ហាញជំនឿជឿជាក់ខ្ពស់ថា Lionel Messi នឹងនៅតែដើរតួយ៉ាងសំខាន់សម្រាប់ក្រុម ដើម្បីប្រជែងជើងឯក La Liga រដូវកាលក្រោយ បើទោះបីជាគេបានឆ្លងកាត់រឿងរ៉ាវមិនល្អកន្លងមក ជាមួយក្លិបយ៉ាងណាក៏ដោយ។
ប្រធានក្រុម Lionel Messi បានវិលត្រឡប់មកកាន់ជំរំហ្វឹកហាត់វិញហើយ បន្ទាប់ពីបានបញ្ចប់ចម្ងល់ កាលពីពេលថ្មីៗកន្លងទៅ ជាមួយគេហទំព័រ Goal.com ដោយបានបញ្ជាក់យ៉ាងច្បាស់ថា ខ្លួននឹងបន្តលេងឲ្យ Barcelona រហូតដល់ចប់កុងត្រានៅសល់ជាមួយក្លិបដល់ឆ្នាំ ២០២១។
យោងតាមប្រភពពីកាសែត Mundo Deportivo របស់អេស្ប៉ាញបានឲ្យដឹងថា លោក Koeman បានប្រាប់ Messi ថាគាត់ពិតជាសប្បាយចិត្តខ្លាំងណាស់ ដែលខ្សែប្រយុទ្ធក្រុមជម្រើសជាតិអាហ្សង់ទីនវ័យ ៣៣ឆ្នាំរូបនេះ សម្រេចចិត្តបន្តស្នាក់នៅជាមួយក្លិប។ ខណៈដែល Messi ក៏បានសន្យាថា គេនឹងត្រឡប់ទៅរកទម្រង់លេងដ៏ល្អបំផុតរបស់ខ្លួនវិញ ដើម្បីជួយក្រុម អំឡុងពេលកុងត្រានៅសេសសល់របស់គេ។
លោក Koeman បាននិយាយថា គាត់នៅតែចាត់ទុក Messi ជាកីឡាករដ៏ពិសេសម្នាក់របស់ក្រុម ហើយក្នុងនាមលោកជាអ្នកចាត់ការទូទៅកំពូលម្នាក់ លោកបានសន្យាថា នឹងធ្វើឲ្យក្រុម Barcelona ត្រឡប់ប្រែក្លាយទៅជាក្រុមមួយ ដែលគួរឱ្យខ្លាចបំផុតរបស់អឺរ៉ុប ម្តងទៀត៕ (ដកស្រង់ចេញពី Metro)
ចែករំលែកព័តមាននេះ