ឈាន ហុង បន្តចាញ់ឡុង បេនលឿនជាលើកទី3
- ភ្នំពេញ
រាជធានីភ្នំពេញ ៖ ឈាន ហុង មកពីក្លិបខ្លារខិនមានរិទ្ធ ដែលបានប្រកាសសំុប្រកួតសងសឹកជាមួយ ឡុង បេនលឿន មកពីក្លិបសាលវ័ន្តកីឡា នៅលើសង្វៀនស៊ីអិនស៊ី…
រាជធានីភ្នំពេញ ៖ ឈាន ហុង មកពីក្លិបខ្លារខិនមានរិទ្ធ ដែលបានប្រកាសសំុប្រកួតសងសឹកជាមួយ ឡុង បេនលឿន មកពីក្លិបសាលវ័ន្តកីឡា នៅលើសង្វៀនស៊ីអិនស៊ី…
រាជធានីភ្នំពេញ ៖ ឈាន ហុង មកពីក្លិបខ្លារខិនមានរិទ្ធ ដែលបានប្រកាសសំុប្រកួតសងសឹកជាមួយ ឡុង បេនលឿន មកពីក្លិបសាលវ័ន្តកីឡា នៅលើសង្វៀនស៊ីអិនស៊ី កាលពីថ្ងៃទី៥ កញ្ញា នោះទីបំផុតនៅតែមិនអាចធ្វើបានសម្រេចដដែលដោយបន្តចាញ់ពិន្ទុជាលើកទី៣ ។
ការប្រកួតលើកនេះ ឈាន ហុង ធ្វើមិនបានល្អទាល់តែសោះ ទាំងស្នៀតកែងនិងជង្គង់ឡើងទៅ ។ ផ្ទុយទៅវិញត្រូវឡុង បេនលឿនប្រើស្នៀតកណ្ដាប់ដៃម៉ាត់និងទាត់បកសងចូល មុខនិងពោះទឹកពេញៗ ។ ទោះជាយ៉ាងណា ឈាន ហុង ដែលជាអ្នកប្រដាល់ជើងចាស់ម្នាក់ដែរនោះគេមិនព្រមចុះចាញ់ដោយងាយនោះឡើយ។
គេនៅតែព្យាយាមសម្រុកចូលវាយប្ដូរស្នៀតកែងនិងជង្គង់យ៉ាងសាហាវបំផុត ក្រែងលោមានឱកាសសងសឹកបានសម្រេច ប៉ុន្តែទីបំផុត ចប់ការប្រកួតទឹកទី៥នៅតែចាញ់ពិន្ទុឡុង បេនលឿនដដែល។
កីឡាករ យុគ យក្សផ្លែ មកពីក្លិបបូរីរាជសីហ៍មានរិទ្ធ បានត្រឹមតែយកឈ្នះពិន្ទុ សេក គឹម
រួន មកពីក្លិបអង្គរជ័យខេត្តសៀមរាបប៉ុណ្ណោះ។
គូនេះអត់ដែលប៉ះគ្នាពីមុនមកនោះទេ ប៉ុន្តែអ្វីដែលធ្វើឱ្យគេចាប់អារម្មណ៍បំផុតនោះគឺការប្រកួតលើកនេះកីឡាករទាំងពីរប្ដូរកែងគ្នាយ៉ាងសាហាវបំផុត។ ទោះជាយ៉ាងណាអត់មានអ្នកណាម្នាក់ភ្លាត់ស្នៀតឱ្យមានរបួសនោះទេ។ចាប់ពីទឹកទី២និងទី៣ឡើងទៅ កម្លាំងស៊ុហ្វសេក គឹមរួន ចាប់ផ្ដើមធ្លាក់ចុះជាបណ្ដើៗដែលជាហេតុធ្វើឱ្យយុគ យក្សផ្លែ មានប្រៀបជាង ។
អ្វីដែលធ្វើឱ្យគេមានការកត់សម្គាល់នោះគឺខ្លាចាស់ សេក គឹមរួន នៅតែអាចតស៊ូប្រកួតរហូតដល់ចប់ទឹកទី៥ ដោយចាញ់ត្រឹមតែពិន្ទុទាំងប្រផិតប្រផើយប៉ុណ្ណោះ ។
នៅលើសង្វៀនដដែលកីឡាករ សូត្រ វាសនា មកពីក្លិបបក្សីស្លាបដែក ចំណាយពេលត្រឹមតែ២ទឹកប៉ុណ្ណោះក្នុងការផ្ដួលកីឡាករនូវ ស៊ីណាត មកពីក្លិបបញ្ជាការដ្ឋានទ័ពពិសេសឱ្យសន្លប់ត្រឹមទឹកទី២ និងកីឡាករ ចិត្រ សុភី មកពីក្លិបរស្មីភូមិគាបខេត្តបន្ទាយមានជ័យ បានយកឈ្នះកីឡាករ ផាន់ ប៊ុនរ៉ុង មកពីសមាគមកីឡាប្រដាល់កងយោធពលខេមរភូមិន្ទដោយពិន្ទុ៕
ចែករំលែកព័តមាននេះ