ប្រទេសជប៉ុន-កូរ៉េខាងត្បូង ៖ ព្យុះទីហ្វុងដ៏ខ្លាំងឈ្មោះ HAISHEN កាលពីថ្ងៃទី៧ កញ្ញា បានបោកបក់មកដល់កូរ៉េខាងត្បូង ក្រោយពីបណ្ដាលឲ្យមនុស្សច្រើនសិបនាក់រងរបួស ពេលវាបោកបក់កាលពីយប់ថ្ងៃទី៦មកទី៧ កញ្ញា…
ប្រទេសជប៉ុន-កូរ៉េខាងត្បូង ៖ ព្យុះទីហ្វុងដ៏ខ្លាំងឈ្មោះ HAISHEN កាលពីថ្ងៃទី៧ កញ្ញា បានបោកបក់មកដល់កូរ៉េខាងត្បូង ក្រោយពីបណ្ដាលឲ្យមនុស្សច្រើនសិបនាក់រងរបួស ពេលវាបោកបក់កាលពីយប់ថ្ងៃទី៦មកទី៧ កញ្ញា លើភាគនិរតីជប៉ុន ។ នេះគ្រាន់ជាតុល្យការដំបូងមួយ ។
នាវេលាម៉ោង៩ព្រឹកម៉ោងនៅជប៉ុន ព្យុះទីហ្វុងនេះបានវាយប្រហារលើតំបន់ប៊ូសាន ជាទីក្រុងធំទី២របស់កូរ៉េខាងត្បូងជាមួយកម្លាំងខ្យល់ដល់ជិត២០០គីឡូម៉ែត្រក្នុង១ម៉ោង ហើយបោកបក់ឆ្ពោះទៅទិសខាងជើង ។ ព្យុះនេះហាក់ដូចជានាំឲ្យមានការភ័យខ្លាចជាងការខូចខាតនៅកោះឃ្យូស៊ូ ជាកោះធំនៅភាគនិរតីជប៉ុន ។
រទស្សន៍រដ្ឋជប៉ុន NHK រាយការណ៍ពីមនុស្សប៉ុន្មានសិបនាក់រងរបួសស្រាល ពិសេសបណ្ដាមនុស្សចាស់ដែលដួលព្រោះខ្យល់បោក ។ ក្នុងតំបន់ណាហ្គាសាគីមនុស្ស៤នាក់រងរបួសដោយសារអំបែងកញ្ចក់នៅកន្លែងដែលជម្លៀសពួកគេមក ។ មនុស្សច្រើនរយពាន់គ្រួសាររងការដាច់ភ្លើងអគ្គិសនីកាលពីព្រឹកថ្ងៃទី៧ កញ្ញា ។
ការវាយប្រហាររបស់ព្យុះនោះគេបានដាក់កោះឃ្យូស៊ូក្នុងភាពប្រកាសអាសន្នកាលពីចុងសប្ដាហ៍ ។ មនុស្សជាង៧លាននាក់ទាក់ទិននឹងការណែនាំឲ្យជម្លៀសចេញ ។
ព្យុះ HAISHEN ជាព្យុះដែលកើតមានបន្ទាប់ពីព្យុះទីហ្វុង MAYSAK ដែលវាយប្រហារកាលពីថ្ងៃទី៣ កញ្ញា លើឧបទ្វីបកូរ៉េដែលបណ្ដាលឲ្យមនុស្សស្លាប់យ៉ាងតិច២នាក់ ។ ព្យុះនោះក៏វាយប្រហារខ្លាំងក្លាលើកូរ៉េខាងជើងផងដែរ ។
មេដឹកនាំកូរ៉េខាងជើងលោកគីម ជុងអ៊ុន កាលពីថៃ្ងទី៥ កញ្ញា បានទៅកាន់បណ្ដាតំបន់រងការប៉ះពាល់ដោយសារព្យុះនោះ ។ ផ្ទះប្រមាណជាង១.០០០ខ្នងរងការបំផ្លាញក្នុងតំបន់ឆ្នេរសមុទ្រខាងត្បូងនិងក្នុងខេត្ត NORD-HAMGYONG ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ