រាជធានីភ្នំពេញ ៖ តារាសម្តែង និងជាតារាម៉ូឌែលកញ្ញាសុផា លីនដា បានធ្វើអោយអ្នកគាំទ្រ និងមិត្តនៅក្នុងសិល្បៈមានការសប្បាយចិត្តយ៉ាងខ្លាំងដោយរូបនាងនឹងគូស្នេហ៍បានសម្រេចចិត្តរៀបចំពិធីភ្ជាប់ពាក្យយ៉ាងធំដុំ កាលពីថ្ងៃទី៦ ខែកញ្ញា ឆ្នាំ២០២០ ម្សិលមិញនេះ ។
ដោយនៅក្នុងកម្មវិធីបញ្ចាប់ភាពនៅលីវរបស់តារាស្រីរូបនេះ មហាជនសង្កេតឃើញថា បានរៀបចំយ៉ាងអធិកអធមជាមួយនឹងការតុបតែងដេគ័រយ៉ាងស្រស់ស្អាត និងបានអញ្ជើញភ្ញៀវយ៉ាងច្រើនកុះករ នៅក្នុងកម្មវិធីផងដែរ ជាពិសេសគឺមានមិត្តនៅក្នុងសិល្បៈករបានចូលរួមជាច្រើននាក់ផងដែរ ។
យ៉ាងណាមិញ បន្ទាប់ពីឈានដល់ដំណាក់កាលនៃការរៀបចំពិធីទៅតាមប្រពៃណីបែបនេះ តារា សម្តែងស្រីរូបនេះក៏ធ្លាប់បានបង្ហាញមុខគូស្នេហ៍របស់ខ្លួនជាសាធារណៈ ដើម្បីអោយបានដឹងអំពីទំនាក់ទនងរបស់នាង កាលពីប៉ុន្មានខែមុនផងដែរ ។
គួរបញ្ជាក់ផងដែរថា តារាសម្តែង និងជាតារាម៉ូដែលកញ្ញា សុផា លីនដា ជាមួយនឹងគូស្នេហ៍នាពេលបច្ចុប្បន្ននេះ កំពុងតែជាចាប់ដៃគ្នាបង្កើតមុខជំនួញផ្ទាល់ខ្លួនយ៉ាងធំដុំ និងបានធ្វើអោយមហាជនមានលួចច្រណែនពីភាពផ្អែមល្ហែមរបស់អ្នកទាំង២ នាពេលកន្លងផងដែរ ៕
ចែករំលែកព័តមាននេះ