ខេត្តបន្ទាយមានជ័យ ៖ ផ្ទះមួយខ្នងទំហំ៤ម៉ែត្រគុណ៧ម៉ែត្រ ជាអំណោយរបស់លោកនាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ និងលោកជំទាវឧកញ៉ា ម៉ៅ ម៉ាល័យ កែ គឹមយ៉ាន ត្រូវបានចាប់ផ្តើមសាងសង់ជូនលោកយាយ យិន ឈឿន អាយុ៧៨ឆ្នាំ រស់នៅភូមិនាងកេត ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ ដែលបច្ចុប្បន្នមានជីវិភាពខ្វះខាត និងមានជម្ងឺប្រចាំកាយ។
ក្នុងការសាងសង់កាលពីថ្ងៃទី៥ ខែកញ្ញា ឆ្នាំ២០២០ ថ្នាក់ដឹកនាំក្រុមការងារមាន សមាជិកក្រុមប្រឹក្សាខេត្ត អភិបាលរងខេត្ត ក្រុមការងារយុវជនដឹកនាំដោយលោក កែ សួនសុភាព អនុប្រធានសហភាពសហព័ន្ធយុវជនកម្ពុជាខេត្ត មេបញ្ជាការតំបន់ប្រតិបត្តការសិករងខេត្តបន្ទាយមានជ័យ អាជ្ញាធរស្រុក ឃុំ កងកម្លាំងមានសមត្ថកិច្ចបានចូលរួម យ៉ាងច្រើនកុះករប្រកបដោយភាពស្និតស្នាលជាទីបំផុត។
លោក កែ សួនសុភាព អនុប្រធានសហភាពសហព័ន្ធយុវជនកម្ពុជា បានឲ្យដឹងថា ៖ ដោយមានការគិតគូរ យកចិត្តទុក្ខដាក់ខ្ពស់ពីថ្នាក់ដឹកនាំ ពិសេសលោកនាយឧត្តមសេនីយ៍ កែ គឹមយ៉ាន និងលោកជំទាវ ម៉ៅ ម៉ាល័យ កែ គឹមយ៉ាន បានចាត់ឲ្យក្រុមការងារមានយុវជន និងថ្នាក់ដឹកនាំ រួមនិងកងកម្លាំង បានចុះជួយសាងសង់ផ្ទះជូនលោកយាយ យិន ឈឿន អាយុ៧៨ ដែលមានជីវភាពខ្វះខាត គ្មានផ្ទះស្នាក់នៅ ណាមួយមានជម្ងឺប្រចាំកាយផង។ ដោយមើលឃើញពីទុក្ខលំបាកទាំងនេះ ទើបលោកនាយឧត្តមសេនីយ៍ កែ គឹមយ៉ាន និងលោកជំទាវក៏បានផ្តល់ជូនជាផ្ទះមួយខ្នងនេះជូនលោកយាយដើម្បីឲ្យលោកយាយមានផ្ទះស្នាក់នៅសមម្យ។
ជាមួយគ្នានោះដែរ លោកយាយ យិន ឈឿន ក៏បានសម្តែងនូវសេចក្តីរីករាយជាខ្លាំង នៅពេលឃើញក្រុមការងារ ពិសេសលោកនាយឧត្តមសេនីយ៍ កែ គឹមយ៉ាន និងលោកជំទាវ ដែលបានផ្តល់ជូនផ្ទះមួយខ្នងនេះគឺជាចំណងដៃវីជិតចុងក្រោយរបស់គាត់ ដែលកន្លងមកគាត់មិនមានផ្ទះរស់នៅបានសមរម្យនោះឡើយ ណាមួយមានជម្ងឺប្រចាំកាយទៀតផង។
ការប្រកបរបរ រាល់ថ្ងៃគឺរកបេះបន្លែបង្ការ ត្រកួន ព្រលឹតបានបន្តិចបន្តួចយកទៅលក់ ដើម្បីបានថវិកាខ្លះសម្រាប់ទប់ទល់ការចំណាយហូបចុកប្រចាំថ្ងៃ។ ជាមួយនឹងក្តីរំភើប សប្បាយរីករាយមិនអាចប្រៀបបានលោកយាយ ក៏បានថ្លែនូអំណរគុណយ៉ាងជ្រាលជ្រៅចំពោះទឹកចិត្តសប្បុរសមិនអាចកាត់ថ្លៃ របស់លោកនាយឧត្តមសេនីយ៍ កែ គឹមយ៉ាន និងលោកជំទាវ ដែលតែងតែជួយដល់ជនក្រីក្រខ្វះខាត់ គ្មានទីពឹង នឹងបានជូនពរលោក និងលោកជំទាវ រួមនឹងក្រុមការងារ ជួបប្រទះតែពុទ្ធ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
ព្រមជាមួយគ្នានោះក្រុមការងារក៏បាននាំយកអំណោយរួមមាន ៖ អង្ករ មី ទឹកត្រី ទឹកស៊ីអ៉ីវ គ្រឿងឧបភោគបរិភោគ មុង ភួយ កន្ទេល ថ្នាំពេទ្យ សម្ភារៈមួយចំនួន រួមនឹងបានផ្តល់ជូននូវថវិកាចំនួន៥០ម៉ឺនរៀល ជូនលោកយាយខាងលើផងដែរ៕ (កែសម្រួលដោយ ៖ ធីតា)
ចែករំលែកព័តមាននេះ