ខេត្តសៀមរាប៖ អាជ្ញាធរស្រុកបន្ទាយស្រី នៃខេត្តសៀមរាប បានបំផុសពលរដ្ឋឲ្យដាំដើមឈើម្នាក់ឲ្យបានមួយដើម ក្នុងមួយឆ្នាំ។ លោក ឃឹម ហ្វីណង់ អភិបាលខេត្តស្រុកបន្ទាយស្រីបានលើកឡើងថាស្រុក បន្ទាយស្រីមានប្រជាពលរដ្ឋចំនួន៥០…
ខេត្តសៀមរាប៖ អាជ្ញាធរស្រុកបន្ទាយស្រី នៃខេត្តសៀមរាប បានបំផុសពលរដ្ឋឲ្យដាំដើមឈើម្នាក់ឲ្យបានមួយដើម ក្នុងមួយឆ្នាំ។ លោក ឃឹម ហ្វីណង់ អភិបាលខេត្តស្រុកបន្ទាយស្រីបានលើកឡើងថាស្រុក បន្ទាយស្រីមានប្រជាពលរដ្ឋចំនួន៥០ ០០០នាក់ បើមួយឆ្នាំដាំដើមឈើបាន៥០ ០០០ដើម អាចមានន័យថាមួយនាក់ដាំដើមឈើមួយដើមក្នុងមួយឆ្នាំហើយ។
តាមពិតលោកអភិបាលស្រុកវ័យក្មេងរូបនេះ សកម្មភាពដាំដើមឈើ នៅក្នុងមូលដ្ឋានស្រុកបន្ទាយស្រីនេះ បានធ្វើឡើងចំនួន ៨លើកមកហើយ នៅក្នុងឆ្នាំ២០២០នេះ។ កាលពីថ្ងៃទី៥ ខែកញ្ញា ឆ្នាំ២០២០ ម្សិលមិញស្រុក បានរៀបចំពិធីដាំដើមឈើលើកទី៨ ដោយព្រះសង្ឃ យុវជន និងពលរដ្ឋជាច្រើនបានចូលរួម។ ដើមឈើ ២០២០ដើមបានដាំនៅក្នុងភូមិពើងឆ័ត្រ ឃុំឃុនរាម មាន ដើមធ្នង់ បេង គ្រញូង។
លោកអភិបាលស្រុក បានលើកឡើងថា «កម្មវិធីទី៨ ដែលខ្ញុំបានចូលរួមដោយផ្ទាល់ក្នុងរយៈពេល៦ខែចុងក្រោយ ដែលក្នុងអំឡុងពេលនេះ ដើមឈើ ដើមផ្កា និងដើមឈើហូបផ្លែប្រមាណ២៥ ០០០ដើម ត្រូវបានដាំនៅលើទឹកដីដ៏ស្រស់ត្រកាលមួយនេះ។ នឹងព្យាយាមបន្តទៀត»។
បច្ចុប្បន្ននេះ មានអ្នកស្រឡាញ់បរិស្ថាន ព្រះសង្ឃ យុវជន ជាច្រើនបាននាំគ្នាចុះដើមឈើ នៅតាមព្រៃសហគមន៍ តំបន់ព្រៃការពារ និងព្រៃកោងកាងនៅក្នុងសមុទ្រផង ដើម្បីជាផ្នែកមួយក្នុងការលើកកម្ពស់បរិស្ថាន ការពារធនធានធម្មជាតិ ពិសេសការទប់ស្កាត់ការឡើងកម្តៅនៃភពផែនដី ។ ពលរដ្ឋនៅតាមភូមិ ដីក្បែគេហដ្ឋានក៏ត្រូវបានគេបំផុសដើមដាំដើមឈើផងដែរ ។
ការបំផុសពលរដ្ឋឲ្យដាំដើមឈើ ទាំងឈើព្រៃ និងឈើហូបផ្លែ ផ្តើមចេញពីថ្នាក់ដឹកនាំមូលដ្ឋាន មានអភិបាលស្រុក មេឃុំ ប្រធានភូមិ ទើបការជំរុញនិងលើកទឹកចិត្តមួយ មានប្រសិទ្ធភាព៕ (កែសម្រួលដោយ ៖ ធីតា)
ចែករំលែកព័តមាននេះ