ខេត្តព្រះសីហនុ ៖ លោកវរសេនីយ៍ឯក ហួ យ៉ៃ អធិការនគរបាលស្រុកព្រៃនប់ បានឲ្យដឹងថាកម្លាំងនគរបាលបានបង្ក្រាបករណីទទួលផលចោរកម្មពាក់ព័ន្ធជាមួយក្រុមចោរលួចម៉ូតូមួយករណីទៀតនៅឃុំអណ្តូងថ្ម ស្រុកព្រៃនប់ ដោយឃាត់ខ្លួនជនសង្ស័យចំនួន៣នាក់ និងដកហូតបានរថយន្ត១គ្រឿង…
ខេត្តព្រះសីហនុ ៖ លោកវរសេនីយ៍ឯក ហួ យ៉ៃ អធិការនគរបាលស្រុកព្រៃនប់ បានឲ្យដឹងថា
កម្លាំងនគរបាលបានបង្ក្រាបករណីទទួលផលចោរកម្មពាក់ព័ន្ធជាមួយក្រុមចោរលួចម៉ូតូមួយករណីទៀតនៅឃុំអណ្តូងថ្ម ស្រុកព្រៃនប់ ដោយឃាត់ខ្លួនជនសង្ស័យចំនួន៣នាក់ និងដកហូតបានរថយន្ត១គ្រឿង ម៉ូតូ១៧គ្រឿង និងវត្ថុតាងពាក់ព័ន្ធមួយចំនួនទៀត ។
លោកអធិការថ្លែងថា ការបង្ក្រាបនេះធ្វើឡើងកាលពីរសៀលថ្ងៃទី៤ ខែកញ្ញា ឆ្នាំ២០២០ ដោយកម្លាំងការិយាល័យនគរបាលព្រហ្មទណ្ឌកម្រិតធ្ងន់ សហការជាមួយកម្លាំងនគរបាលស្រុកព្រៃនប់ និងដឹកនាំសម្របសម្រួលនីតិវិធីដោយលោកព្រះរាជអាជ្ញារង ពេញ ពិសិដ្ឋ តំណាងអយ្យការអមសាលាដំបូងខេត្ដ ។ ការបង្ក្រាបបានធ្វើឡើងនៅក្នុងលំនៅឋានរបស់ឈ្មោះ នួន ស៊ីណាត ភេទប្រុស អាយុ៤៥ឆ្នាំ ជាកសិករ ស្ថិតក្នុងភូមិអណ្ដូងថ្ម ឃុំអណ្ដូងថ្ម ស្រុកព្រៃនប់ ។
ជាលទ្ធផល ក្រុមប្រតិបត្ដិការបានប្រមូលសម្ភារវត្ថុតាងនិងនាំខ្លួនជនសង្ស័យចំនួន៣នាក់ ដែលជាប់ពាក់ព័ន្ធនឹងករណីទទួលផលចោរកម្ម មកកាន់អធិការដ្ឋាននគរបាលស្រុកព្រៃនប់ ដើម្បីចាត់ការតាមនីតិវិធី ។ ជនទាំង៣នាក់នេះមាន ៖ ១-ឈ្មោះ នួន ស៊ីណាត ភេទប្រុស អាយុ៤៥ឆ្នាំ ជាម្ចាស់ផ្ទះ និងជាប្ដី២-ឈ្មោះ ង៉ាន ភៀវ ភេទស្រី អាយុ៤២ឆ្នាំ ជាប្រពន្ធ និង៣-ឈ្មោះ ហ៊ាន ស៊ីប៉ាន់ ភេទប្រុស អាយុ១៨ឆ្នាំ ជាកូន ។
ជនទាំង៣នាក់ ដែលជាឪពុក ម្តាយ និងកូនពាក់ព័ន្ធនឹងករណីទទួលបញ្ចាំខុសច្បាប់ និងទទួល
ផលចោរកម្ម ។ ចំពោះវត្ថុតាងដែលចាប់យកមាន ម៉ូតូ១៧គ្រឿង រថយន្ដ១គ្រឿងម៉ាកវីស្តូ ពណ៌ខ្មៅ ពាក់ផ្លាកលេខ ភ្នំពេញ ២T-៧៨៣០ ផ្លាកលេខរថយន្ដ៣បន្ទះ ក្នុងនោះផ្លាកលេខ ខ.ម ២បន្ទះ សម្ភារជួសជុលនិងគ្រឿងបន្លាស់ម៉ូតូមួយចំនួន បញ្ជីទិញ-លក់ម៉ូតូ១ក្បាល កាតគ្រីម៉ូតូ
៤សន្លឹក និងប័ណ្ណបើកបររថយន្ដ៣សន្លឹក ។ ករណីនេះ កម្លាំងជំនាញកំពុងបន្ដនីតិវិធីតាមផ្លូវច្បាប់ ។
ក្រោយពីបង្ក្រាបបានជនសង្ស័យ៣នាក់ និងដកហូតបានម៉ូតូរហូតដល់១៧គ្រឿង លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានប្រកាសដល់បងប្អូនប្រជាពលរដ្ឋដែល
បាត់បង់ម៉ូតូកន្លងមក សូមយកឯកសារមកផ្ទៀងផ្ទាត់ និងពិនិត្យមើលម៉ូតូនៅអធិការដ្ឋាននគរបាលស្រុកព្រៃនប់ ដើម្បីរៀបចំនីតិវិធីទទួលយកត្រឡប់ទៅវិញ ៕
ចែករំលែកព័តមាននេះ