រាជធានីភ្នំពេញ៖ ប្លុកថ្មីដីឡូត៍ដងព្រែកធម្មជាតិ ក្នុងបុរីអាម៉ូរី ៧មករា ស្ថិតក្នុងតំបន់ជ្រោយចង្វារ ត្រូវបានសម្ពោធបើកលក់ជាផ្លូវការក្រោមអធិបតីភាពថ្នាក់ដឹកនាំ អ្នកចូលរួមជាដៃគូពាណិជ្ជកម្ម ព្រមទាំងភ្ញៀវកិត្តិយស និងអ្នកសារព័ត៌មានកាលពីព្រឹកថ្ងៃទី០៥ ខែកញ្ញា ឆ្នាំ២០២០ ។
លោក សួន វីរៈតារា អគ្គនាយកប្រតិបត្តិបុរីអាម៉ូរី ៧មករា បានមានប្រសាសន៍ថា បុរីអាម៉ូរី ៧មករា ត្រូវបានរចនាឡើងដោយស្ថាបត្យករ និងវិស្វករ ដែលពោរពេញទៅដោយគំនិតច្នៃប្រឌិតដែលមានបទពិសោធន៍ជាច្រើនឆ្នាំក្នុងការសាងសង់ រចនា និងការប្រើប្រាស់បច្ចេកវិទ្យាទំនើបៗដើម្បីធានានូវសោភ័ណភាព និងគុណភាពសំណង់របស់យើងអោយមានភាពរឹងមាំស្របទៅតាមបទដ្ឋានស្តង់ដាអន្តរជាតិ ។
លោកបន្តថា គិតចាប់ពីថ្ងៃបើកលក់គម្រោង មកទល់បច្ចុប្បន្ន បុរីអាម៉ូរី ៧មករា បានសាងសង់ជោគជ័យរហូតដល់ ៧០% នៃគម្រោងទាំងមូល ហើយនឹងឈានដល់ការប្រគល់ផ្ទះ និងដីឡូត៍ វគ្គទី១ ជូនអតិថិជនក្នុងពេលឆាប់ៗខាងមុខនេះ។ លើសពីនេះទៅទៀតលោកក៏បានបង្ហើបថា បុរីអាម៉ូរី ៧មករា នឹងមានគម្រោងវិនិយោគថ្មីមួយទៀត នៅដើមឆ្នាំថ្មីខាងមុខនេះផងដែរ ។
ដោយឡែក លោក ឈុន ថៃអៀង ប្រធានផ្នែកលក់ជាន់ខ្ពស់របស់បុរី អាម៉ូរី ៧មករាក៏បានឱ្យដឹងផងដែរថា ដើម្បីឆ្លើយតបទៅនឹងការគាំទ្រយ៉ាងខ្លាំងពីសំណាក់អតិថិជន បុរីអាម៉ូរី ៧មករា ក៏បានរៀបចំកម្មវិធីបើកលក់ប្លុកថ្មី ដីឡូត៍ដងព្រែក ជាមួយនឹងការបញ្ចុះតម្លៃពិសេសរហូតដល់ ១៣% ព្រមទាំងទទួលបានទូរស័ព្ទស៊េរីទំនើបមួយគ្រឿងភ្លាមដោយគ្រាន់តែមានប្រាក់ត្រឹម ៣០០ដុល្លារ ប៉ុណ្ណោះ។ ការផ្ដល់ជូនដ៏ពិសេសនេះមានរយៈពេលត្រឹមតែ៣ថៃ្ងប៉ុណ្ណោះ គឺថៃ្ងទី ៥ ៦ និង ៧ ខែកញ្ញា ជាមួយនឹងល័ក្ខខណ្ឌ បង់ប្រាក់យ៉ាងងាយស្រួលទៅតាមលទ្ធភាពរបស់អតិថិជន ។
លោកបន្តថា បុរីអាម៉ូរី ៧មករា ផ្តោតសំខាន់លើការរស់នៅបែបលំហែកាយ ដោយគម្រោងរបស់យើងមានការរៀបចំជាដងព្រែកធម្មជាតិ លំអដោយដើមឈើធំៗ សួនច្បារបៃតងលាយផ្កាចំរុះពណ៌ កញ្ចុះសម្រាប់សម្រាកលំហែ ជិះទូក ស្ទូចត្រី និងសួនកម្សាន្តសម្រាប់កុមារផងដែរ ។
ដងព្រែក ក្នុងបុរី អាម៉ូរី ៧មករា មានប្រភពទឹកចេញពីដៃទន្លេសាប ហូរចាក់ទៅទន្លេមេគង្គ ជាដងព្រែកធម្មជាតិពិតៗដែលតែងតែមានទឹកគ្រប់រដូវកាល ។ ដងព្រែកធម្មជាតិមួយនេះ មានសួនច្បារធំទូលាយ ជាទីតាំងពិសេសងាយស្រួលក្នុងការធ្វើលំហាត់ប្រាណ និងការជួបជុំគ្រួសារជាលក្ខណៈពិកនិក ដែលមានខ្យល់អាកាសដ៏បរិសុទ្ធ និងបរិយាកាសលំហែយ៉ាងពិសេសបំផុតសម្រាប់ការរស់នៅ ក៏ដូចជាការវិនិយោគ ។
សម្រាប់ដីឡូត៍ថ្មីដែលជាទីតាំងនៅជាប់នឹងដងព្រែកធម្មជាតិនេះ មានច្រើនទំហំស្របតាមតម្រូវការរបស់អតិថិជនដែលងាយស្រួលក្នុងការសាងសង់គេហដ្ឋាន ការរៀបចំជាកន្លែងប្រកបអាជីវកម្ម និងការវិនិយោគផ្សេងៗដែលក្នុងនោះរួមមានដីឡូត៍ទំហំ ៥ម៉ែត្រ x ២០ម៉ែត្រ, ទំហំ ១០ម៉ែត្រ x ២០ម៉ែត្រ និង ទំហំ ២០ម៉ែត្រ x ៣០ម៉ែត្រ ដែលមានតម្លៃត្រឹមតែ ៣ម៉ឺនដុល្លារប៉ុណ្ណោះ។
សម្រាប់ព័ត៌មានលំអិតពីគម្រោងរបស់បុរី អាម៉ូរី ៧មករា សូមទំនាក់ទំនងទូរស័ព្ទលេខ៖ 077 73 9999 ៕ អត្ថបទសហការ
ចែករំលែកព័តមាននេះ