រាជធានីភ្នំពេញ ៖ គម្រោងអភិវឌ្ឍន៍ខុនដូ Urban Village របស់ក្រុមហ៊ុន Urban Hub Cambodia គឺជាគម្រោងអភិវឌ្ឍន៍ខុនដូ…
រាជធានីភ្នំពេញ ៖ គម្រោងអភិវឌ្ឍន៍ខុនដូ Urban Village របស់ក្រុមហ៊ុន Urban Hub Cambodia គឺជាគម្រោងអភិវឌ្ឍន៍ខុនដូ ដែលបានឈ្នះពានរង្វាន់ជាខុនដូល្អបំផុត និងមានតែមួយគត់នៅកម្ពុជា ហើយក៏មានតែក្រុមហ៊ុននេះមួយគត់នឹងទៅចូលប្រកួតប្រជែងពានរង្វាន់ PropertyGuru Award លំដាប់ថ្នាក់អន្តរជាតិនៅក្នុងឆ្នាំ ២០២០ នេះផងដែរ ។
បើតាមតំណាងក្រុមហ៊ុនអភិវឌ្ឍន៍ Urban Village បានអោយដឹងថា គម្រោង Urban Village បានឈ្នះពានរង្វាន់ធំជាងគេ ដែលជាពាននៃការអភិវឌ្ឍន៍ខុនដូល្អ បំផុតនៅកម្ពុជា បានន័យថា គម្រោង Urban Village គឺជាគម្រោងតែមួយគត់ពីប្រទេសកម្ពុជា ដែលមានឱកាសឈានជើងបន្តទៅប្រកួតតំណាងអោយប្រទេសកម្ពុជាក្នុងវគ្គផ្ដាច់ព្រ័ត្រពានរង្វាន់ធំដែលនឹងធ្វើឡើងនៅដើមខែ ធ្នូ២០២០ នាទីក្រុងបាងកក ប្រទេសថៃ ។
បើតាមលោក Ben Li អគ្គនាយកក្រុមហ៊ុន Urban Hub Cambodia បានមានប្រសាសន៍នៅក្នុងពិធីទទួលពានរង្វាន់ជាច្រើនពីកម្មវិធី PropertyGuru Award កាលពីល្ងាចថ្ងៃទី ០៤ កញ្ញា ២០២០ នៅសណ្ឋាគារស៊ូហ្វីតែលភ្នំពេញ ថា នៅក្នុងពិធីប្រគល់ពានរង្វាន់ដ៏អស្ចារ្យក្នុងប្រទេសកម្ពុជានាពេលនេះ វាជាមហាកិត្តិយសខ្លាំងណាស់ ដោយសារតែបណ្ដាក្រុមហ៊ុនធំៗ និងអ្នកវិនិយោគជាច្រើនចូលរួម ហើយនៅពេលក្រុមហ៊ុន ឬគម្រោងណាមួយទទួលបានពានរង្វាន់នោះ វារឹតតែធ្វើអោយអ្នកអភិវឌ្ឍន៍កាន់តែមានមោទនភាពបន្ថែមទៀត ។
លោកបន្តថា សម្រាប់ការអភិវឌ្ឍន៍ អចលនទ្រព្យនៅក្នុងប្រទេសកម្ពុជា ក្នុងដំណាក់កាលនៃការឆ្លងរាលដាលជំងឺកូវីដ១៩នេះ គឺនៅតែមានភាពរលូន ហើយក៏មានក្រុមហ៊ុនខ្លះទទួលបាននូវឱកាសការលក់គម្រោងក៏ដូចជាឱកាសក្នុងការវិនិយោគផងដែរ ។ លោកថា៖« នៅក្នុងដំណាក់កូវីដ១៩នេះ ចាប់តាំងពីខែកុម្ភៈ ដល់ខែឧសភា ការលក់ទូទៅនៃអចលនទ្រព្យក្នុង្រទេសកម្ពុជា គឺពិតជាមានការធ្លាក់ចុះមែន ក៏ប៉ុន្តែចាប់តាំងពីមិថុនារហូតដល់បច្ចុប្បន្ននេះ ទីផ្សារខុនដូ ហាក់កំណើនឡើងវិញ »។
លោកបន្ថែមថា ការលក់មានការកើនឡើងពីខែមិថុនារហូតដល់ខែកញ្ញានេះ ដោយសារតែវិនិយោគិនដែលចង់ទៅទិញខុនដូ នៅខាងក្រៅគឺមិនអាចចេញទៅបានឡើយដោយសារតែប្រទេសមួយចំនួនត្រូវបានបិទដូច្នេះ ហើយវិនិយោគិនក៏ត្រូវបង្វែរការវិនិយោគរបស់ខ្លួនមកទិញខុនដូ នៅក្នុងប្រទេសកម្ពុជាវិញ ។
បើតាម សន សៀប អគ្គនាយកក្រុមហ៊ុនអចលនទ្រព្យ ឃីរៀលអ៊ីស្ទេត បានអោយដឹងអោយដឹងថា នៅក្នុងវិបត្តិនៃជំងឺសកលនេះដែរ វាក៏ជាឱកាសនៃការទិញអចលនទ្រព្យនិងទទួលបានតម្លៃល្អសម្រាប់អ្នកដែលវិនិយោគលើគម្រោងអចលនទ្រព្យហើយក៏នឹងទទួលបានផលចំណេញនៅពេលអនាគតផងដែរ ។
សូមបញ្ជាក់ថា ក្នុងចំណោមក្រុមហ៊ុនចំនួន៨ដែលទទួលបានពានរង្វាន់ ពីកម្មវិធី PropertyGuru Award ក្រុមហ៊ុន Urban Hub (Cambodia) Co., Ltd ក៏ក្នុងចំណោមនោះដែរ ហើយជាក្រុមហ៊ុនបានពានរង្វាន់ក្នុងប្រភេទជាក្រុមហ៊ុនអភិវឌ្ឍន៍ឈានមុខល្អបំផុត (Best Breakthrough Developer) ។ ក្រុមហ៊ុននេះ ក៏ទទួលបាននូវរង្វាន់អភិវឌ្ឍន៍ចម្បងចំនួនពីរប្រចាំព្រឹត្តិការណ៍រាត្រីស្រមោស គឺរង្វាន់សម្រាប់ការអភិវឌ្ឍន៍ខុនដូល្អបំផុត (កម្ពុជា) និងការអភិវឌ្ឍន៍ខុនដូល្អបំផុត (ភ្នំពេញ) សម្រាប់គម្រោង Urban Village និង Factory Phnom Penh ផងដែរ ៕ អត្ថបទសហការ
ចែករំលែកព័តមាននេះ