អ៊ីតាលី ៖ នាយករដ្ឋមន្ត្រីប្រទេសអ៊ីតាលី លោក Giuseppe Conte បានធ្វើឲ្យសង្ឃឹមថា អ្នកគាំទ្រនឹងត្រូវអនុញ្ញាតឲ្យចូលរួមទស្សនាផ្ទាល់ក្នុងកីឡដ្ឋាន សម្រាប់ការប្រកួតបាល់ទាត់ រួមនិងព្រឹត្តិការណ៍កីឡាផ្សេងទៀត…
អ៊ីតាលី ៖ នាយករដ្ឋមន្ត្រីប្រទេសអ៊ីតាលី លោក Giuseppe Conte បានធ្វើឲ្យសង្ឃឹមថា អ្នកគាំទ្រនឹងត្រូវអនុញ្ញាតឲ្យចូលរួមទស្សនាផ្ទាល់ក្នុងកីឡដ្ឋាន សម្រាប់ការប្រកួតបាល់ទាត់ រួមនិងព្រឹត្តិការណ៍កីឡាផ្សេងទៀត ចាប់ពីដើមរដូវកាលថ្មី ត្រូវបានបញ្ចប់ បន្ទាប់ពីលោកបាននិយាយកាលថ្ងៃសៅរ៍ ថា វាមិនសមរម្យទេ នៅអំឡុងពេលនេះ។
អ៊ីតាលី ដែលជាប្រទេសរងគ្រោះដោយសារកូវីដ១៩អាក្រក់បំផុតមួយនៅអ៊ឺរ៉ុប បន្ទាប់ពីមានមនុស្សស្លាប់ច្រើនបំផុតកាលពីខែមីនា និងខែមេសា។ ប៉ុន្តែចំនួនករណីឆ្លងថ្មី បានកើនឡើងក្នុងខែសីហា ដោយក្រុមអ្នកជំនាញបានស្តីបន្ទោស ចំពោះការប្រមូលផ្តុំគ្នាទាក់ទងនឹងថ្ងៃឈប់សម្រាក និងក្រុមអ្នកដើរលេងនៅពេលរាត្រី។
លោក Giuseppe Conte បានថ្លែងនៅក្នុងព្រឹត្តិការណ៍មួយ ដែលរៀបចំឡើងដោយកាសែត Il Fatto Quotidiano ថា «វត្តមានរបស់អ្នកគាំទ្រនៅក្នុងកីឡាដ្ឋាន និងព្រឹត្តិការណ៍នានាដែលជាកន្លែងជួបជុំធំៗ គឺជៀសមិនផុតពីការឆ្លងឡើយ។ ដោយមិនត្រឹមតែនៅក្នុងកន្លែងឈរ, នៅច្រកចូល និងច្រកចេញប៉ុណ្ណោះទេ។ ហើយវាពិតជាមិនសមរម្យទេ នៅអំឡុងពេលនេះ»។
បើទោះជាមានការលើកឡើងបែបនេះយ៉ាងណាក្តី ក៏គេឃើញព្រឹត្តិការណ៍មួយចំនួន ត្រូវបានធ្វើឡើងជាមួយវត្តមានអ្នកទស្សនាផ្ទាល់កាលពីខែសីហា។ ជាពិសេសក្នុងការប្រកួតបាល់ទាត់មិត្តភាពរបស់ក្រុម Parma បានអនុញ្ញាតឲ្យមានអ្នកគាំទ្រចំនួន ១០០០នាក់ចូលរួម បន្ទាប់ពីទទួលបានការអនុញ្ញាតពីចៅហ្វាយក្រុង៕ (ដកស្រង់ចេញពី Reuters)
ចែករំលែកព័តមាននេះ