រាជធានីភ្នំពេញ ៖ មន្ត្រីរដ្ឋបាលខណ្ឌដូនពេញបានអោយដឹងថា នៅថ្ងៃទី០៥ ខែកញ្ញា ឆ្នាំ២០២០នេះ លោក សុខ ពេញវុធ អភិបាលនៃគណៈអភិបាលខណ្ឌដូនពេញបានបែងចែកម្លាំងចុះរៀបចំសន្តិសុខសណ្តាប់ធ្នាប់…
រាជធានីភ្នំពេញ ៖ មន្ត្រីរដ្ឋបាលខណ្ឌដូនពេញបានអោយដឹងថា នៅថ្ងៃទី០៥ ខែកញ្ញា ឆ្នាំ២០២០នេះ លោក សុខ ពេញវុធ អភិបាលនៃគណៈអភិបាលខណ្ឌដូនពេញបានបែងចែកម្លាំងចុះរៀបចំសន្តិសុខសណ្តាប់ធ្នាប់ និងធ្វើអនាម័យ នៅតាមវត្តចំនួន៧ ក្នុងភូមិសាស្ត្ររបស់ខ្លួន សម្រាប់ទទួលពុទ្ធបរិស័ទ និងបរិស្ថានល្អក្នុងពិធីកាន់បិណ្ឌ និងភ្ជុំបិណ្ឌនេះ ។
ការងារអនាម័យនេះមានបោសសំអាតសំរាមបាញ់ទឹកលាងសម្អាតក្នុងបរិវេណវត្ត សម្អាតតាមរបង និងក្លោងទ្វារវត្ត ។ ក្នុងពេលនោះដែលក៏បានចុះរៀបចំសណ្តាប់ធ្នាប់តាមដងផ្លូវក្នុងមូលដ្ឋានខណ្ឌដូនពេញមានមហាវិថី ព្រះមុនីវង្ស មហាវិថី ព្រះនរោត្តម មហាវិថី ព្រះសីហនុ មហាវិថី ព្រះស៊ីសុវត្ថិ ផ្លូវលេខ ៦១ ,៧២ ,៧០ ,៩៣ ,៨០ ,៨៦ ,ផ្លូវជាតិលេខ៥ ដោយបានចាក់សោររថយន្តចតឥតសណ្តាប់ធ្នាប់ទុកនៅនឹងកន្លែងចំនួន០២គ្រឿង និងផ្សព្វផ្សាយណែនាំការលក់ដូរនៅលើចិញ្ចើមផ្លូវសាធារណៈទៀតផង ។
មន្ត្រីដដែលបានបញ្ជាក់ថា បានសហការជាមួយភ្នាក់ងារអនាម័យសង្កាត់ទាំង១១ ចុះប្រមូលសំរាមសេសសល់ និងបាញ់ទឹកលាងសំអាតតាមដងផ្លូវ និងដេប៉ូសំរាមបណ្តោះអាសន្នមានមហាវិថី ព្រះមុនីវង្ស ព្រះនរោត្តម ព្រះសុរាម្រិត ព្រះសីហនុ ៩៣ ,៦៨ ,៧២ ,៦១ ,៦៣ ,១១៨ ១២៦ ,៥៣ ,១៣៦ ,១៤៤ ,១៥៤ ,១៧២ ,១៧៨ ,១៧៤ ,៦១ ,៦៣ ,១១៨ និងផ្លូវលេខ១២៦ និងបានកាប់ដើមឈើងាប់ផ្លូវលេខ៥១ និងផ្លូវលេខ៥៣ នៅសង្កាត់ផ្សារថ្មីទី១ បានចំនួន ០២ដើមផងដែរ ៕
ចែករំលែកព័តមាននេះ