Sanchez សារភាពថាខ្លួនចង់ដើរចេញពី Man Utd តាំងពីថ្ងៃហ្វឹកហាត់ដំបូង
អ៊ីតាលី ៖ កីឡាករ Alexis Sanchez បានសារភាពថា គេចង់ចាកចេញពីក្លិប Manchester United ហើយត្រឡប់ទៅក្លិប…
អ៊ីតាលី ៖ កីឡាករ Alexis Sanchez បានសារភាពថា គេចង់ចាកចេញពីក្លិប Manchester United ហើយត្រឡប់ទៅក្លិប…
អ៊ីតាលី ៖ កីឡាករ Alexis Sanchez បានសារភាពថា គេចង់ចាកចេញពីក្លិប Manchester United ហើយត្រឡប់ទៅក្លិប Arsenal វិញ តាំងពីថ្ងៃបង្ហាញខ្លួនក្នុងការហ្វឹកហាត់លើកដំបូង ជាមួយក្រុមបិសាចក្រហម។
អតីតខ្សែប្រយុទ្ធរបស់ក្រុម Barcelona រូបនេះ បានចាកចេញពីទឹកដី Emirates ដោយផ្លាស់ទៅទឹកដី Old Trafford កាលពីខែ មករា ឆ្នាំ ២០១៨ ប៉ុន្តែរូបគេបានបង្ហាញទម្រង់មិនល្អឡើយនៅទីនោះ ដោយត្រូវបាន Man United ឲ្យបន្តទៅកាន់ក្លិប Inter Milan ខ្ចីជើងកាលពីឆ្នាំមុន។
នៅក្របខណ្ឌលីគកំពូលអ៊ីតាលី Sanchez បានបង្ហាញពីទម្រង់លេងល្អរបស់ខ្លួនឡើងវិញ រហូតធ្វើឲ្យក្លិប Inter Milan សម្រេចចិត្តផ្ទេរជាអចិន្ត្រៃយ៍យករូបគេពី Man United តែម្តង កាលពីថ្ងៃទី ៦ ខែ សីហា ដោយគ្មានតម្លៃខ្លួន (Free Transfer)។
ខ្សែប្រយុទ្ធឈីលីវ័យ ៣១ឆ្នាំរូបនេះ បាននិយាយតាមរយៈវីដេអូដែលបង្ហោះនៅលើ Instagram របស់ខ្លួន ដោយបានអះអាងថា «បន្ទាប់ពីការហ្វឹកហាត់ថ្ងៃដំបូង ខ្ញុំបានដឹងរឿងជាច្រើន។ ហើយខ្ញុំបានត្រឡប់មកផ្ទះវិញ និងសួរក្រុមគ្រួសារ រួមទាំងអ្នកគ្រប់គ្រងរបស់ខ្ញុំ ថា តើខ្ញុំមិនអាចផ្តាច់កិច្ចសន្យា និងត្រឡប់ទៅ Arsenal វិញបានទេ? ព្រោះខ្ញុំបានឃើញរឿងមួយចំនួននៅទីនោះ មិនសមនឹងខ្ញុំទេ ប៉ុន្តែខ្ញុំបានចុះហត្ថលេខារួចហើយ»។
កីឡាកររូបនេះបានបន្ថែមទៀតថា «មួយខែបានកន្លងផុតទៅ ហើយខ្ញុំនៅតែមានអារម្មណ៍បែបនេះដដែល។ យើងមិនបានរួបរួមគ្នាជាក្រុមនៅពេលនោះទេ។ វាពិតជាឈឺចាប់ណាស់ នៅពេលអ្នកកាសែត និងអតីតកីឡាករមួយចំនួន បាននិយាយមិនល្អពីខ្ញុំ ដោយមិនបានដឹងរឿងច្បាស់លាស់។ ខ្ញុំបានរិះគន់ខ្លួនឯង ដែលមិនអាចលេងបានល្អជាងនេះ។ ប៉ុន្តែខ្ញុំត្រូវបានគេស្តីបន្ទោសជានិច្ច បើទោះបីជាខ្ញុំលេងបានត្រឹមតែ ២ ឬ ៣ នាទីក៏ដោយ»៕ (ដកស្រង់ចេញពី Goal.com)
ចែករំលែកព័តមាននេះ