រាជធានីភ្នំពេញ ៖ ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា តាមរយៈបណ្តាញសង្គម Royal du…
រាជធានីភ្នំពេញ ៖ ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា តាមរយៈបណ្តាញសង្គម Royal du Cambodge បានលើកឡើងថានៅក្នុងពេលបច្ចុប្បន្ននេះ ពិភពលោកមានការរីកចម្រើនខាងវិទ្យាសាស្ត្រ សម្ភារៈ តែសីលធម៌ និងមារយាទល្អ បានធ្លាក់ចុះគួរឲ្យព្រួយបារម្ភ ។
អង្គព្រះមហាក្សត្រទ្រង់សំណេរដើមថា «បច្ចុប្បន្ននេះសកលលោកយើងកំពុងស្ថិតនៅក្នុងដំណាក់កាលនៃការរីកចម្រើន និងជឿនលឿន ដោយមានជំនាញខាងវិទ្យាសាស្ត្រ និងសម្ភារៈ ដែលមិនធ្លាប់មានពីមុនមក ។ ប៉ុន្តែទន្ទឹមនឹងការរីកចម្រើនខាងលើនេះ សីលធម៌ និងអភិសមាចារ (មារយាទដ៏ល្អក្រៃលែង ឬជ្រះថ្លា) ក្នុងជីវភាពសង្គមក៏មានការស្រុតចុះ គួរឲ្យព្រួយបារម្ភណាស់ដែរ ។
ភាពអន់ថយនៃសីលធម៌ និងគុណធម៌សង្គមនាំឲ្យមានការប៉ះពាល់យ៉ាងធ្ងន់ធ្ងរដល់សេចក្តីថ្លៃថ្នូរ និងនិរន្តរភាពនៃវប្បធម៌ និងចីរភាពរបស់សង្គមនិយមទៅអនាគត» ៕
ចែករំលែកព័តមាននេះ