រាជធានីភ្នំពេញ ៖ នៅថ្ងៃទី៣ ខែកញ្ញា ឆ្នាំ២០២០នេះ គឺជាថ្ងៃបិណ្ឌ១ ប្រជាពលរដ្ឋក្មេងចាស់ប្រុសស្រីបាននាំគ្នាយកចង្ហាន់ទៅវត្តប្រគេនព្រះសង្ឃ ។ តែបើតាមសង្កេតឃើញថា ប្រជាពលរដ្ឋ៩០ភាគរយមិនមានពាក់ម៉ាសនោះទេ…
រាជធានីភ្នំពេញ ៖ នៅថ្ងៃទី៣ ខែកញ្ញា ឆ្នាំ២០២០នេះ គឺជាថ្ងៃបិណ្ឌ១ ប្រជាពលរដ្ឋក្មេងចាស់ប្រុសស្រីបាននាំគ្នាយកចង្ហាន់ទៅវត្តប្រគេនព្រះសង្ឃ ។ តែបើតាមសង្កេតឃើញថា ប្រជាពលរដ្ឋ៩០ភាគរយមិនមានពាក់ម៉ាសនោះទេ រីឯវត្តមួយចំនួនធំមិនមានដាក់ជែលនិងអាល់កុលនៅច្រកចូលវត្តដើម្បីឲ្យប្រជាពលរដ្ឋលាងដៃនោះទេ ។
ជាក់ស្តែងក្នុងខណ្ឌដូនពេញមានវត្តចំនួន៧ គឺ វត្តបុទុមវត្តី, វត្តឧណ្ណាលោម, វត្តកោះ,វត្តស្រះចក, វត្តសារ៉ាវ័ន្ត, វត្តព្រះពុទ្ធឃោសាចារ្យ និងវត្តចិនដំដែក ឃើញមានតែបីវត្តប៉ុណ្ណោះដែលដាក់ជែលនិងអាកុលសម្រាប់ប្រជាពលរដ្ឋយកចង្ហាន់ប្រគេនលោកសង្ឃ ។
មន្ត្រីនគរបាលខណ្ឌដូនពេញដែលមានភារកិច្ចការពារសន្តិសុខសណ្តាបធ្នាក់ក្នុងឱកាសកាន់បិណ្ឌនេះបាននិយាយថា ៖ បើតាមលោកដឹងគឺគណៈបញ្ជាការឯកភាពខណ្ឌដូនពេញបានអញ្ជើញអស់លោកចៅសង្កាត់និងប្រការិយាល័យធម្មការណែនាំដល់ទីវត្តអារាមក្នុងឱកាសកាន់បិណ្ឌរយៈ១៥ថ្ងៃគណៈកម្មការត្តត្រូវដាក់ជែល និងអាល់កុលតាមច្រកចេញក្នុងវត្តដើម្បីឲ្យប្រជាពលរដ្ឋលាងដៃការពារជម្ងឺឆ្លងកូវី១៩ដែលកំពុងតែរាលដាលពេញពិភពលោក ។ ត្រង់ថាវត្តគោរពឬមិនគោរពតាមការណែនាំនេះសមត្ថកិច្ចមិនហ៊ានលូកដៃនោះទេសំខាន់ទៅលើលោកអភិបាលតែប៉ុណ្ណោះ ។
គួរបញ្ជាក់ថា ៖ នៅថ្ងៃទី៣ ខែកញ្ញា ឆ្នាំ២០២០នេះ គឺជាថ្ងៃបិណ្ឌ១ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា តាមរយៈ Facebook សម្តេចបានណែនាំឲ្យអាជ្ញាធរគ្រប់លំដាប់ថ្នាក់ បង្កើនកិច្ចការពារសុវត្ថិភាព សន្តិសុខ សណ្តាប់ធ្នាប់សាធារណៈ របៀបរៀបរយ និងសម្រួលចរាចរណ៍ឱ្យបានល្អប្រសើរ ដើម្បីបង្កលក្ខណៈងាយស្រួល ជូនដល់បងប្អូនប្រជាពលរដ្ឋ និងទេសចរនៅក្នុងអំឡុងពេលបុណ្យភ្ជុំនេះ។ ព័ត៌មានពិស្តារនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ