គូប្រជែងខ្លាំងក្លាបំផុតរបស់ Messi ចង់ឱ្យរូបគេបន្តនៅជាមួយ Barcelona
អេស្ប៉ាញ ៖ កីឡាករ Sergio Ramos បានសារភាពថា ខ្លួនមិនចង់អោយកីឡាករ Lionel Messi ចាកចេញពីក្លិប…
អេស្ប៉ាញ ៖ កីឡាករ Sergio Ramos បានសារភាពថា ខ្លួនមិនចង់អោយកីឡាករ Lionel Messi ចាកចេញពីក្លិប…
អេស្ប៉ាញ ៖ កីឡាករ Sergio Ramos បានសារភាពថា ខ្លួនមិនចង់អោយកីឡាករ Lionel Messi ចាកចេញពីក្លិប Barcelona ឡើយ។
ប្រធានក្រុម Real Madrid វ័យ ៣៤រូបនេះ បានធ្វើការថ្លឹងថ្លែងលើការសម្រេចចិត្តរបស់ Messi ក្នុងការចាកចេញពីទឹកដី Camp Nou ដោយរូបគេ បានថ្លែងនៅក្នុងសន្និសីទសារព័ត៌មានជាមួយក្រុមជម្រើសជាតិអេស្ប៉ាញ មុនការប្រកួតពានរង្វាន់ UEFA Nations League ថា «គេមានសិទ្ធិ ដើម្បីសម្រេចពីអនាគតរបស់គេ ប៉ុន្តែខ្ញុំមិនដឹងថា តើវាគឺជាវិធីល្អបំផុតនោះទេ?»។
Ramos ដែលជាគូប្រជែងដ៏ខ្លាំងក្លាបំផុតរបស់ Messi ក្នុងការប្រកួត El Clásico រវាងក្រុម Real Madrid និង Barca បានបន្ថែមទៀតថា «សំរាប់បាល់ទាត់អេស្ប៉ាញ, សំរាប់ Barcelona និងសំរាប់យើង គឺចង់អោយគេនៅបន្ត។ Leo បានធ្វើឲ្យលីគអេស្ប៉ាញ ក្រុមរបស់គេ និងជំនួប Clasicos កាន់តែប្រសើរឡើង។ អ្នកតែងតែចូលចិត្តការប្រកួតប្រជែងល្អបំផុត ហើយគេគឺជាកីឡាករម្នាក់ ដែលល្អបំផុតនៅលើពិភពលោក»៕ (ដកស្រង់ចេញពី Sportbible)
ចែករំលែកព័តមាននេះ