ការឆ្លងរាលដាលនៃវីរុសCOVID-19 ៖ សហរដ្ឋអាមេរិកបានរៀបចំខ្លួនចាប់ពីពេលនេះទៅហើយ ការចែកចាយវ៉ាក់សាំងប្រឆាំងវីរុសCOVID-19ខណៈប្រទេសជាប់ជិតខាងខ្លួនគឹម៉ិកស៊ិក កំពុងបន្តរងការឆ្លងកាន់តែខ្លាំងក៏ដូចជានៅទូទាំងអាមេរិកខាងត្បូង។
យោងតាមឯកសារនានាដែលសារព័ត៌មានអាមេរិកជាច្រើនទទួលបានថា អាជ្ញាធរសុខាភិបាលអាមេរិក បានស្នើដល់បណ្ដារដ្ឋឲ្យរៀបចំខ្លួនចែកចាយវ៉ាក់សាំងប្រឆាំងវីរុសនោះ ក្នុងទ្រង់ទ្រាយធំ ចាប់ពីដើមខែវិច្ឆិកាទៅគឹឲ្យបានមុនការបោះឆ្នោតប្រធានាធិបតី។
តាមឯកសារទាំងនោះថា អ្វីៗគ្រប់យ៉ាងត្រូវធ្វើដើម្បីឲ្យបណ្ដាមជ្ឈមណ្ឌលចែកចាយវ៉ាក់សាំង អាចដំណើរការចាប់ពីថ្ងៃទី១វិច្ឆិកាទៅ។ មជ្ឈមណ្ឌលបង្ការនិងតស៊ូប្រឆាំងជំងឺអាមេរិកCDCបានស្នើជាការបន្ទាន់ថា បណ្ដារដ្ឋត្រូវធ្វើនូវការចាំបាច់ដើម្បីឲ្យមជ្ឈមណ្ឌលចែកចាយអនាគតវ៉ាក់សាំងមួយ អាចដំណើរការបានទាំងស្រុងចាប់ពីថ្ងៃទី១វិច្ឆិកាទៅ។ នេះជាការលើកឡើងរបស់នាយកCDCលោកROBERT REDFIELD ក្នុងសារលិខិតមួយដែលដកស្រង់ដោយកាសែតWALL SRTEET JOURNAL ហើយបញ្ជូនឲ្យបណ្ដារដ្ឋអាមេរិកកាលពីសប្ដាហ៍មុន។
ប្រធានាធិបតីអាមេរិកលោកដូណាល់ត្រាំដែលឈរឈ្មោះប្រជែងយកតំណែងអាណត្តិទី២អះអាងថា សហរដ្ឋអាមេរិកនឹងមានវ៉ាក់សាំងមួយក្នុងឆ្នាំនេះ។ សហរដ្ឋអាមេរិកនៅតែជាប្រទេសរងការប៉ះពាល់ខ្លាំងជាងគេដោយសារវីរុសនោះ នាំំមុខប្រេស៊ីលនិងឥណ្ឌា ជាមួយអ្នកបាត់បង់ជីវិតកើនដល់ជាង១៨៥.០០០នាក់។ ប្រមាណជា២០%នៃអ្នកឆ្លងវីរុសលើពិភពលោកកត់សម្គាល់ឃើញនៅអាមេរិក។ ក៏ទោះបីចំនួនអ្នកឆ្លងវីរុសមានច្រើនបែបនេះ ក៏មិនទាន់អាចទប់បាននាំឲ្យប៉ះពាល់ដល់មុខមាត់អាមេរិក ដោយចំនួនអ្នកឆ្លងក្នុងប្រទេសមហាអំណាចនោះកើនដល់ជាង៦,១លាននាក់ហើយ។
ការឆ្លងវីរុសក៏បន្តកើនដែរនៅប្រេស៊ីលដែលនៅទីនោះចំនួនអ្នកឆ្លងពេលនេះមានដល់ជាង៤លាននាក់ហើយ។ ប្រទេសនោះកត់សម្គាល់ឃើញអ្នកឆ្លងថ្មី៤៦.៩៣៤នាក់និងអ្នកបាត់បង់ជីវិតថ្មី១.១៨៤នាក់ថែមទៀតរយៈពេល២៤ម៉ោងចុងក្រោយនេះ។ ចំនួនអ្នកបាត់បង់ជីវិតក្នុងប្រទេសនេះបានកើនដល់១២៣.៧៨០នាក់។
ប្រទេសអេស្ប៉ាញនាថ្ងៃទី២កញ្ញាកត់សម្កាល់ឃើញអ្នកឆ្លងវីរុសថ្មី៣.៦៦៣នាក់គឹ៩៣២នាក់លើសកាលពីមុននេះ។ ចំនួនអ្នកឆ្លងសរុបក្នុងប្រទេសនោះបានឡើងដល់ ៤៧៩.៥៥៤នាក់ហើយចំនួនអ្នកបាត់បង់ជីវិតសរុប មាន២៩.១៩៤នាក់។
ប្រទេសអង់គ្លេសនាថ្ងៃទី២កញ្ញាកត់សម្គាល់ឃើញអ្នកឆ្លងថ្មី១.៥០៨នាក់និងចំនួនអ្នកបាត់បង់ជីវិតក្នុងប្រទេសនោះបានកើនដល់៤១.៥១៤នាក់។
ចំនួនអ្នកឆ្លងវីរុសនោះនៅលើពិភពលោកមកដល់ថៃ្ងទី២កញ្ញាមាន២៥.៧៧០.៦០៥នាក់ហើយចំនួនអ្នកបាត់បង់ជីវិតកើនដល់យ៉ាងតិច៨៥៧.៤៣៨នាក់៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ