ប្រទេសជប៉ុន ៖ អគ្គលេខាធិការរដ្ឋាភិបាលជប៉ុន លោកយ៉ូស៊ីហ៊ីដស៊ូហ្គា ដែលគេយល់ថាជាអ្នកមានលទ្ធភាពខ្ពស់ សម្រាប់ក្លាយជានាយករដ្ឋមន្ត្រីជប៉ុននាពេលខាងមុខ បានប្រកាសជាផ្លូវការហើយកាលពីថៃ្ងទី២កញ្ញា ពីការឈរឈ្មោះសម្រាប់តំណែងមេដឹកនាំគណបក្សសេរីប្រជាធិបតេយ្យPLDដែលកាន់អំណាច។
ក្នុងសន្និសីទសារព័ត៌មានមួយលោកស៊ូហ្កាថ្លែងថា ខ្ញុំបានសម្រេចឈរឈ្មោះជាប្រធានគណបក្សPLD ក្រោយការសុំលាលែងរបស់លោកស៊ីនហ្សូអាបេ។ គណបក្សPLDត្រូវជ្រើសតាំងនាថៃ្ងទី១៤កញ្ញាអ្នកបន្តវេនពីលោកស៊ីនហ្សូអាបេ ដែលប្រកាសកាលពីថ្ងៃទី២៨សីហាពីការសុំលាលែងរបស់លោក ពីតំណែកនាយករដ្ឋមន្ត្រី មកពីបញ្ហាសុខភាព។
គណបក្សPLD ដែលមានសំឡេងភាគច្រើនក្នុងសភា ប្រធានរបស់ខ្លួនត្រូវក្លាយជានាយករដ្ឋមន្ត្រី។ អតីតរដ្ឋមន្ត្រីការពារប្រទេសលោកស៊ីហ្សឹរ៉ូ៉អ៊ីស៊ីបា និងអតីតរដ្ឋមន្ត្រីការបរទេសលោកហ្វូមីអូគីស៊ីដា ក៏ប្រកាសកាលពីថ្ងៃទី១កញ្ញាពីការឈរឈ្មោះប្រជែងយកតំណែងប្រធានគណបក្សPLDដែរ។
ចំណែករដ្ឋមន្ត្រីការបរទេសបច្ចុប្បន្នលោកតូស៊ីមីតស៊ូម៉ូតេហ្ស៊ី គូសបញ្ជាក់ថា លោកនៅមិនទាន់ធ្វើការសម្រេចចិត្តនៅឡើយ។ រដ្ឋមន្ត្រីការពារប្រទេសលោកតារ៉ូកូណូបានសម្រេចបោះបង់ចោលការប្រកួតប្រជែងយកតំណែងប្រធានគណបក្ស៕ ដកស្រង់ចេញពីវេបសាយ ៖ aljazeera
ចែករំលែកព័តមាននេះ