រាជធានីភ្នំពេញ ៖តារាសម្តែងវ័យក្មេង ស៊ឹម ស្រីនិច បានទម្លាយឲ្យដឹងការខកចិត្តព្រោះរឿងស្នេហា ហេតុនេះនាងបានតាំងចិត្តជាថ្មី នៅពេលដែលត្រូវជ្រើសរើសបុរសណាម្នាក់នោះ គឺត្រូវតែជាមនុស្សដែលអាចកាន់ដៃ និងថែរក្សានាងរហូតតទៅ ។…
រាជធានីភ្នំពេញ ៖តារាសម្តែងវ័យក្មេង ស៊ឹម ស្រីនិច បានទម្លាយឲ្យដឹងការខកចិត្តព្រោះរឿងស្នេហា ហេតុនេះនាងបានតាំងចិត្តជាថ្មី នៅពេលដែលត្រូវជ្រើសរើសបុរសណាម្នាក់នោះ គឺត្រូវតែជាមនុស្សដែលអាចកាន់ដៃ និងថែរក្សានាងរហូតតទៅ ។ ការទម្លាយឲ្យដឹងរឿងនេះ បន្ទាប់ពីនាងបានទទួលការផ្ញើសារជាបន្តបន្ទាប់ពីបុរសលាក់មុខ ក្នុងន័យលែបខាយ ដែលនាងចាត់ទុកថាជាការរំខានមួយ ។
អ្វីដែលស៊ឹម ស្រីនិច បានបង្ហោះសារតាមហ្វេសប៊ុកកាលពីពេល ថ្មីៗកន្លងមកឲ្យដឹងថា «បើធ្លាប់ខកចិត្តហើយត្រូវរើសអ្នកក្រោយដោយភ្ជាប់ជាមួយពាក្យមួយឃ្លាសំខាន់បំផុត នោះគឺរើសយកអ្នកដែលស្រលាញ់យើង ព្រមមើលថែយើងពាក់កណ្តាលជីវិតបន្ទាប់ពីម្តាយរបស់យើង ក៏ព្រោះតែគេគិតថាយើងជាមនុស្សសំខាន់មិនមែនមនុស្សទន់ខ្សោយ ។ ខ្ញុំជាមនុស្សស្រីដែលធ្លាប់ឆ្លងកាត់រឿងមួយនេះសឹងតែឈឺខ្លួនផង ឆ្កួតផង តិះដៀលផង មើលងាយមើលថោកផង បាក់ទឹកចិត្តផង ហើយនេះមិនបានរំពឹងលុយគេផង ។
អ៊ីចឹងសូមផ្តាំថា កុំយកអីបើមិនទាន់ជួបមនុស្សប្រុស Type បែបព្រមនៅក្បែរ ព្រោះតែយើងសំខាន់ ។ ខ្ញុំតាំងចិត្តហើយ អាចនិយាយថារាងចាល បើមិនជួបមនុស្សប្រុសដែលធ្វើជាលោកប៉ាដ៏ល្អ មេគ្រួសារដ៏ល្អ ខ្ញុំមិនឱនសំពះធ្វើជាប្តីបន្ទាប់ពីម្តាយខ្ញុំឡើយ ព្រោះខ្ញុំមានមេរៀននិងរឿងនិទានមួយនេះដ៏ល្អ+អាក្រក់+ក្លាយជាមនុស្សបាត់ស្មារតីខ្លាំងបំផុតដែលគ្រប់គ្នាសឹងមិនជឿបើដឹងការណ៍ពិត តែវាជារឿងនិទានអាថ៌កំបាំង ។
ថ្ងៃនេះសុំកាចបន្តិចព្រោះធុញនឹងមនុស្សប្រុសដែលឆាតមកតាប៉ែប្លុកមិនចេះអស់ មិនចង់រវល់ទេ តែវាច្រើនរំខាន Messenger និងប៉ះពាល់អារម្មណ៍ណាស់ ! ពេលខ្លះគឺពួកមនុស្សប្រុសដែលមិនដែលស្គាល់ ហើយឆាតមក Say Hi តើយើងអាចមានវាសនាកាន់ដៃទៅមុខជាមួយគ្នាបានទេ ?» ។
កន្លងមកស៊ឹម ស្រីនិច ធ្លាប់ត្រូវបានគេសង្ស័យថា បានលួចបង្កាត់ភ្លើងស្នេហ៍ក្រៅឆាក ជាមួយតារាសម្តែងវ័យក្មេងលោកសុខ ស៊ុននី បន្ទាប់អ្នកទាំងពីរបានចាប់ដៃគូគ្នាសម្តែងរឿង និងថតស្ប៉តពាណិជ្ជកម្មយ៉ាងស្និទ្ធស្នាលបំផុត។ ស៊ឹម ស្រីនិច ធ្លាប់បានលើកឡើងពីរឿងនេះថា រូបនាង និងលោកសុខ ស៊ុននី មិនទាក់ទងគ្នាអ្វីក្រៅពីមិត្តភក្តិ និងបងប្អូន ក្នុងនាមជាអ្នកសិល្បៈដូចគ្នាប៉ុណ្ណោះ ។ មុននេះមិនយូរប៉ុន្មានស៊ឹម ស្រីណុច ធ្លាប់បង្ហោះសារថា នាងអាចនឹងបញ្ចប់ភាពនៅលីវនៅដំណាច់ឆ្នាំ២០២០នេះ ។
តារាសម្តែងស៊ឹម ស្រីនិច្ច គឺជាតារាស្រីកំពុងពេញនិយមមួយរូប ក្រោយពីនាងប្រឡូកសិល្បៈរយៈពេលខ្លីប៉ុណ្ណោះ ។ នាងត្រូវគេស្គាល់ច្រើនបន្ទាប់ពីបានចូលរួមសម្ដែងក្នុងរឿងភាគទូរទស្សន៍«ស្រទន់មន្តស្នេហ៍»។ បន្តបន្ទាប់មកទៀតនាងក៏ចាប់បានតំណែងតួឯកក្នុងរឿងជាច្រើនទៀត ក្នុងនោះត្រូវបានលោកខាំ ភូរិ ជ្រើសរើសឲ្យសម្ដែងជាតួឯកក្នុងខ្សែភាពយន្តខ្នាតធំនិយាយពីប្រវត្តិពិតរបស់សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិថែមទៀតផង ៕
ចែករំលែកព័តមាននេះ