ខេត្តព្រះសីហនុ ៖ គ្រោះថ្នាក់ចរាចរណ៍ដ៏រន្ធត់មួយ បង្កឡើងដោយរថយន្តទំនើបមួយគ្រឿង បើកបរដោយបុរសជនជាតិចិនបុកគ្នាយ៉ាងពេញទំហឹងជាមួយម៉ូតូមួយគ្រឿង បណ្តាលអោយបុរសម្នាក់បាត់បង់ជីវិតភ្លាមៗនៅនិងកន្លែងកើតហេតុ និងបុរសម្នាក់ទៀតរងរបួសធ្ងន់ធ្ងរ សល់តែដង្ហើមចង្រិត។ ករណីគ្រោះថ្នាក់ចរាចរណ៍ កើតហេតុនៅវេលាម៉ោង០៨យប់…
ខេត្តព្រះសីហនុ ៖ គ្រោះថ្នាក់ចរាចរណ៍ដ៏រន្ធត់មួយ បង្កឡើងដោយរថយន្តទំនើបមួយគ្រឿង បើកបរដោយបុរសជនជាតិចិនបុកគ្នាយ៉ាងពេញទំហឹងជាមួយម៉ូតូមួយគ្រឿង បណ្តាលអោយបុរសម្នាក់បាត់បង់ជីវិតភ្លាមៗនៅនិងកន្លែងកើតហេតុ និងបុរសម្នាក់ទៀតរងរបួសធ្ងន់ធ្ងរ សល់តែដង្ហើមចង្រិត។
ករណីគ្រោះថ្នាក់ចរាចរណ៍ កើតហេតុនៅវេលាម៉ោង០៨យប់ ស្ថិតនៅលើវិថីមិត្តភាព ចំណុចមុខការ៉ាស់សាំងតូតាល់ អូរ៣ ស្ថិតក្នុងភូមិ០៥ សង្កាត់០៤ ក្រុង-ខេត្តព្រះសីហ
នុ។
សមត្ថកិច្ចបានបញ្ជាក់ប្រាប់ថា រថយន្តមួយគ្រឿង ពណ៌ខៀវ ពាក់ស្លាកលេខ ភ្នំពេញ 2AL-2535 បើកបរដោយបុរសជាជនជាតិចិន បានបុកប៉ះគ្នាយ៉ាងពេញទំហឹងជានិងម៉ូតូមួយគ្រឿងម៉ាក Honda Dream ស៊េរីឆ្នាំ២០០៥ ពណ៌ខ្មៅ ពាក់ស្លាកលេខ ក្រ.ព្រះសីហនុ1A-6475 ជិះគ្នា២នាក់ បើកបរក្នុងទិសដៅបញ្ច្រាសទិសគ្នា ពីលិចទៅកើត ។
លុះមកដល់ចំណុចខាងលើ ក៏បុកគ្នាតែម្តង។ ភ្លាមៗនោះបណ្តាលអោយបុរសម្នាក់ជាអ្នកបើកបរម៉ូតូរងរបួសធ្ងន់ធ្ងរ និងម្នាក់ទៀតជិះពីក្រោយ ត្រូវបានស្លាប់ភ្លាមៗ ។បច្ចុប្បន្ន សមត្ថកិច្ច បាននាំយកវត្ថុតាងរថយន្តរួមទាំងម៉ូតូ ដើម្បីរក្សាទុករង់ចាំការដោះស្រាយតាមនីតិវិធី។
ចែករំលែកព័តមាននេះ